Barrage of Mahanadi river Cuttack Odisha

୧୦ ବର୍ଷ ତଳେ ରାଜ୍ୟ ସରକାର ବନ୍ଧ ପକାଇବାକୁ ଘୋଷଣା କରିଥିଲେ, ହେଲେ ଫଳଶୂନ

by Banajyotshna Ray

Barrage of Mahanadi river Cuttack Odisha

ଅର୍ଗସ ବ୍ୟୁରୋ: କୁଆଡ଼େ ଗଲା ମହାନଦୀରେ ବ୍ୟାରେଜ୍ ? ୧୦ ବର୍ଷ ତଳେ ରାଜ୍ୟ ସରକାର ବନ୍ଧ ପକାଇବାକୁ ଘୋଷଣା କରିଥିବା ବେଳେ ତାହା କାର୍ଯ୍ୟକାରୀ ହୋଇପାରିଲା ନାହିଁ କାହିଁକି ? କେତେଦିନ ଆଉ ଛତିଶଗଡ଼ କୋର୍ଟକୁ ବଲ୍ ଫିଙ୍ଗି ରାଜ୍ୟ ସରକାର ନିଜ ଦୋଷ ଖସାଇବେ ? ଗତକାଲି ହୀରାକୁଦରୁ ବର୍ଷର ପ୍ରଥମ ବନ୍ୟା ଜଳ ଛଡ଼ା ଯାଇଥିବା ବେଳେ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ସେହି ପାଣି ସମୁଦ୍ରକୁ ବହିଯିବ । ମହାନଦୀ ତଳମୁଣ୍ଡରେ ଏଯାଏଁ ରାଜ୍ୟ ସରକାରଙ୍କ ନା ବ୍ୟାରେଜ କରିପାରିଲେ ନା କୌଣସି ବଡ଼ ପ୍ରକଳ୍ପ । ଏନେଇ ବିରୋଧୀ କାଲି ବିଧାନସଭାରେ ତମ୍ବିତୋଫାନ କରିଥିବା ବେଳେ ଶାସକ ଦଳ ବ୍ୟାକଫୁଟରେ ରହିଛି ।

ତେଣୁ କେତେ ବର୍ଷ ପରେ ସରକାରଙ୍କ ପ୍ରତିଶ୍ରୁତି ପୂରଣ ହେଉଛି ତାହା ହିଁ ବର୍ତ୍ତମାନ ସମୟରେ ସବୁଠୁ ବଡ଼ ପ୍ରଶ୍ନ । ପୂର୍ବରୁ ରାଜ୍ୟ ସରକାର ୭ଟି ସ୍ଥାନରେ ବ୍ୟାରେଜ ନିର୍ମାଣ ପାଇଁ ସ୍ଥାନ ଚୂଡ଼ାନ୍ତ କରିଥିଲେ । ଯାହା ମଧ୍ୟରେ ରହିଥିଲା ସମ୍ବଲପୁରର ଦେଓଗାଁ, ସୁବର୍ଣ୍ଣପୁରର ଗୋଧନେଶ୍ବର, କପାସିରା, ଖଇରମାଳ, ସୁବଳୟା, ବୌଦ୍ଧର ମଣିଭଦ୍ରା ଓ କଟକର ମୁଣ୍ଡଳି । ବ୍ୟାରେଜ ନିର୍ମାଣ ନେଇ ସେତେବେଳର ଜଳସମ୍ପଦ ମନ୍ତ୍ରୀ ଓ ସଚିବ କଣ କହିଥିଲେ ଆସନ୍ତୁ ଶୁଣିବା ।
ଓଡିଶା ଖବର ଆହୁରି ପଢ଼ନ୍ତୁ ।

କାଜୁ ଜଙ୍ଗଲରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସର ଚଢଉ

by Jitendra Dash

ଅର୍ଗସ ବ୍ୟୁରୋ : ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧୀନସ୍ଥ ଓସ୍ତପଡା ଗ୍ରାମ କାଜୁ ଜଙ୍ଗଲରେ ଚାଲିଥିଲା ଜୁଆ ଆଡ୍ଡା । ବିଶେଷ ସୂତ୍ରରୁ ଖବର ପାଇ ଚାନ୍ଦପୁର ପୋଲିସ ଚଢ଼ାଉ କରି ୩ ଜଣ ଜୁଆଡିଙ୍କୁ ଗିରଫ କରିବା ସହିତ ଜୁଆ ଖେଳରେ ବ୍ୟବହୃତ ସାମଗ୍ରୀ ଜବତ କରିଛି । ଘୁଡୁଘୁଡ଼ିଆ ପାଲି- ଗୋଟି, ୬ ଟି ମୋଟର ସାଇକେଲ, ୩ ଟି ମୋବାଇଲ ଏବଂ ନଗଦ ୩୫ ହଜାର ୬୭୦ ଟଙ୍କା ଜବତ କରିଛି ଚାନ୍ଦପୁର ପୋଲିସ ।

ଅଧିକ ପଢନ୍ତୁ ଓଡ଼ିଶା ଖବର

ଗିରଫ ଅଭିଯୁକ୍ତ ମାନେ ହେଲେ ଖୋର୍ଦ୍ଧା ଅଞ୍ଚଳର ପଲାହାଟ ଗ୍ରାମର ଉଚ୍ଚବ ପ୍ରଧାନ, ଭୁଷଣ୍ଡପୁର ଗ୍ରାମ ଉରୁମୁଖି ସାହିର ବ୍ରଜ ବେହେରା ଓ ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧିନସ୍ଥ କନ୍ଧନୟାଗଡ଼ ଗ୍ରାମର ଗଣେଶ ବେହେରା । ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଚାନ୍ଦପୁର ଥାନା ଅଧିକାରୀ ଜଗଦୀଶ କର ସୂଚନା ଦେଇଛନ୍ତି

କୋର୍ଟଙ୍କ ନିର୍ଦ୍ଦେଶ ପଛରେ ରାଜନୈତିକ ଚକ୍ରାନ୍ତ ଥିବା କହିଲେ ବିଜେଡିର ପାୱାରଫୁଲ ବିଧାୟକ

by Jitendra Dash

ଅର୍ଗସ ବ୍ୟୁରୋ : ମାହାଙ୍ଗା ଡବଲ ମର୍ଡର ମାମଲାରେ କୋର୍ଟଙ୍କ ନିର୍ଦେଶରେ ଦଫା ୩୦୨ ଲାଗିବା ପରେ ହତାସ ହୋଇପଡ଼ିଛନ୍ତି ପ୍ରତାପ ଜେନା । କୋର୍ଟଙ୍କ ନିର୍ଦ୍ଦେଶ ପଛରେ ରାଜନୈତିକ ଚକ୍ରାନ୍ତ ଥିବା କହିଛନ୍ତି ବିଜେଡିର ପାୱାରଫୁଲ ପ୍ରତାପ । ସେ ନିର୍ଦ୍ଦୋଶ ତାଙ୍କୁ ଚକ୍ରାନ୍ତ କରି ଫସାଯାଇଥିବା ସଫେଇ ଦେଇଛନ୍ତି ପ୍ରତାପ ଜେନା ।

ଅଧିକ ପଢନ୍ତୁ : ବିଜେଡି ବିଧାୟକ ପ୍ରତାପ ଜେନାଙ୍କ ବିରୋଧରେ ବଡ଼ ପ୍ରମାଣ

ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ନାଁରେ ଲାଗିଛି 302, 120 ବି ଓ 506 । ଦଫା ୩୦୨ ଲାଗିବା ପରେ ଗିରଫ ନେଇ ପ୍ରତାପଙ୍କ ମନରେ ପଶିଛି କି ଛନକା ? ସେଥିପାଇଁ ହତାସ ହୋଇ ଦେଇଛନ୍ତି କି ଏପରି ବୟାନ ?

ଗାଁ ମଝିରେ ଠେଙ୍ଗା ଓ ମାରଣାସ୍ତ୍ର ଧରି ଖେଳାଇଲେ ଆତଙ୍କରାଜ

by Jitendra Dash

ଅର୍ଗସ ବ୍ୟୁରୋ : ହାତରେ ଠେଙ୍ଗା, ମୁହଁରୁ ବାହାରୁଛି ଅଶ୍ରାବ୍ୟ ଭାଷାର ଗାଳି । ସମସ୍ତଙ୍କର ବୟସ ପ୍ରାୟ ୧୮ ରୁ ୨୫ ଭିତରେ ହେବ । ଏ ଭଳିଆ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ବାଙ୍କୀ ଡମପଡା ଗାଁରେ । ଠେଙ୍ଗା ମାରଣାସ୍ତ୍ର ଧରିଥିବା ଯୁବକ ମାନେ ହେଲେ ବିଜୁ ଯୁବ ବାହିନୀର ଜଣେ ଜଣେ ସକ୍ରିୟ ସଦସ୍ୟ ।

ଡମପଡା ପଞ୍ଚାୟତରେ ହୋଇଥିବା ଉପ ନିର୍ବାଚନରେ ହାରି ଯାଇଥିବା କାରଣରୁ, ଗଣେଶ ମୂର୍ତ୍ତି ଭସାଣି ସମୟରେ ଡମପଡା ବ୍ଲକ ବିଜୁ ଛାତ୍ର ଜନତା ଦଳର ସଭାପତି ଗୌରବ ବଳିୟାରସିଂ ଓ ତାଙ୍କର କିଛି ସମର୍ଥକ ମିଶି ସାହିରେ ଥିବା ଗୋପୀନାଥ କ୍ଳବର ସଦସ୍ୟ ମାନଙ୍କୁ କରୁଛନ୍ତି ଗାଳି ଗୁଲଜ । ପୂର୍ବ ରାଜନୈତିକ ଆକ୍ରୋଶ ରଖି ଗଣେଶ ପୂଜାରେ ଡିଜେ ସାଉଣ୍ଡକୁ କେନ୍ଦ୍ରକରି ଏଭଳି ଘଟଣା ଘଟିଥିବା ଶୁଣିବାକୁ ମିଳୁଛି ।

ସେପଟେ ବାଙ୍କୀ ବିଜେପି ନେତା ଶୁଭ୍ରାଂଶୁ ମୋହନ ପାଢ଼ୀ ଏହି ଘଟଣାକୁ ନିନ୍ଦା କରିଥିବା ବେଳେ ବାଙ୍କୀରେ ବିଜେଡି ଗୁଣ୍ଡା ବାହିନୀ ଦ୍ୱାରା ଏକ ପ୍ରକାର ଆତଙ୍କରାଜ ଚାଲିଥିବା କହିଛନ୍ତି । ବିଗତ ଦିନରେ ମଧ୍ୟ ଏହିପରି ରାଜନୈତିକ ଶତ୍ରୁତା କାରଣରୁ ବାଙ୍କୀରେ ଡବଲ ମର୍ଡର ଭଳି ଘଟଣା ଘଟିଯାଇଛି । ତେଣୁ ଏ କ୍ଷେତ୍ରରେ ବିଜେଡିକୁ ସମାଲୋଚନା କରିବା ସହିତ ବାଙ୍କୀ ପୋଲିସର କାର୍ଯ୍ୟ ଦକ୍ଷତାକୁ ନେଇ ପ୍ରଶ୍ନ ଉଠାଇଛନ୍ତି । ଆଗକୁ ସାଧାରଣ ନିର୍ବାଚନ ଆସୁଥିବା ବେଳେ ବିଜେଡିର ଏହି ଆକ୍ରମାଣତ୍ମକ କାର୍ଯ୍ୟକଳାପକୁ ଦେଖି ବାଙ୍କୀ ଅଞ୍ଚଳ ବାସୀ ଆତଙ୍କିତ ହୋଇ ପଡିଛନ୍ତି ।

Download Argus News App

Barrage of Mahanadi river Cuttack Odisha

Download Mobile App