ଅର୍ଗସ ବ୍ୟୁରୋ: ଖୋର୍ଦ୍ଧା ଜିଲ୍ଲା ଟାଙ୍ଗି ବନାଞ୍ଚଳ ଇଲାକା କୁହୁଡି ରତନପୁର ଗାଁର ବଧିସାହିର ଏକ ଚଳପ୍ରଚଳ କୂଅରେ ପଡ଼ି ଜଙ୍ଗଲୀ ବାରାହାର ମୃତ୍ୟୁ ହୋଇଛି। ସୂଚନା ଅନୁଯାୟୀ ଗତକାଲି ରାତିରେ ପଶ୍ଚିମା ଝଡ଼ ପ୍ରଭାବରେ ଅଦିନିଆ କାଳବୈଶାଖୀ ଯୋଗୁଁ ଗୋଠ ଛଡା ହୋଇ ଖାଦ୍ୟ ଅନ୍ଵେଷଣରେ ଆସିଥିବା ଜଙ୍ଗଲୀ ବାରହାର କୂଅରେ ପଡି ମୃତ୍ୟୁ ହୋଇଥିଲା।
ରତନପୁର ବଧି ସାହିର ଦାଶ ବେହେରାଙ୍କ କୂଅରେ ଏକ ଜଙ୍ଗଲୀ ବାରହା ପଡ଼ିଥିବାର ଦେଖି ଗାଁ ଲୋକମାନେ ଅଗ୍ନିଶମ ବିଭାଗକୁ ଖବର ଦେଇଥିଲେ। ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି କୂଅରୁ ମୃତ ବାରାହାକୁ ଉଦ୍ଧାର କରି ବନବିଭାଗକୁ ହସ୍ତାନ୍ତର କରିଛନ୍ତି ବୋଲି ଟାଙ୍ଗି ଅଗ୍ନିଶମ ବିଭାଗ ଅଧିକାରୀ ସୂଚନା ଦେଇଛନ୍ତି।
ଅଧିକ ଓଡ଼ିଶା ଖବର ପଢ଼ନ୍ତୁ
