ପୂର୍ବରୁ ଲୋକେ ଦୂରଯାତ୍ରା ପାଇଁ ସାଇକେଲ ବ୍ୟବହାର କରୁଥିବା ବେଳେ ଏବେ ଅନେକ ଲୋକ ସାଇକେଲ ଚଲାଇବା ଅପେକ୍ଷା ଗାଡି ଚଲାଇବାକୁ ପସନ୍ଦ କରୁଛନ୍ତି। ଯାହା ଫଳରେ ପରିବେଶ ପ୍ରଦୂଷଣର ମାତ୍ରା ବଢି ଚାଲିଛି। ଶରୀରକୁ ସୁସ୍ଥ ରଖିବା ସହ ପରିବେଶକୁ ପ୍ରଦୂଷଣ ମୁକ୍ତ କରିବା ପାଇଁ ସାଇକେଲ ଚଲାଇବାକୁ ନିଜର କଳାକୃତୀ ଜରିଆରେ ବିଶ୍ୱବାସୀଙ୍କୁ ସଚେତନତାର ବାର୍ତ୍ତା ଦେଇଛନ୍ତି ଯୁବଶିଳ୍ପୀ ଶାଶ୍ବତ ରଞ୍ଜନ। ଏହି ସାଇକେଲ କଳାକୃତୀର ଲମ୍ବ ପ୍ରାୟ ୫୦ ଇଞ୍ଚ ଏବଂ ଓସାର ପ୍ରାୟ ୨୫ ଇଞ୍ଚ। ଏଥିରେ ମୋଟ ୩୬୫୩ଟି ଦିଆସିଲି କାଠି ବ୍ୟବହାର କରାଯାଇଛି। ଏହାକୁ ଗଢିବାକୁ ପ୍ରାୟ ୭ ଦିନ ଲାଗିଥିବା ସେ କହିଛନ୍ତି ।
ବିଶ୍ୱ ସାଇକେଲ ଦିବସ ୨୦୨୧ : ଦିଆସିଲି କାଠିରେ ୧୮ ଶହ ଶତାବ୍ଦୀର ସାଇକେଲ ପ୍ରସ୍ତୁତ କଲେ ଯୁବଶିଳ୍ପୀ

ପୁରୀ : ଆଜି ବିଶ୍ୱ ସାଇକେଲ ଦିବସ । ଏହି ଅବସରରେ ଦିଆସିଲି କାଠିରେ ସାଇକେଲ ଗଢିଛନ୍ତି ପୁରୀ କୁମ୍ଭାରପଡା ଅଞ୍ଚଳର ଯୁବଶିଳ୍ପୀ ଶାଶ୍ୱତ ରଞ୍ଜନ ସାହୁ। ନିଖୁଣ କଳାକୃତୀ ଜରିଆରେ ସେ ୧୮ ଶହ ଶତାବ୍ଦୀର ଲୋକେ ବ୍ୟବହାର କରୁଥିବା ସାଇକେଲ ପ୍ରସ୍ତୁତ କରିଛନ୍ତି। ଏହି ସାଇକେଲର ଆଗ ଚକଟି ବଡ ଥିବାବେଳେ ପଛ ଚକଟି ଆଗ ଚକଠାରୁ ଅପେକ୍ଷାକୃତ ସାନ। ଏଥିରେ ହ୍ୟାଣ୍ଡେଲ ଓ ବସିବା ପାଇଁ ସିଟ୍ ରହିଛି। ସମ୍ପୂର୍ଣ୍ଣ ଭାବେ ଦିଆସିଲି କାଠିରେ ଏହି ଆକର୍ଷଣୀୟ କଳାକୃତୀକୁ ନିର୍ମାଣ କରାଯାଇଛି।
Download Argus News App
