YOUNG man died in Dubai while undergoing treatment

ଦୁବଇରୁ ଆସିଲା ଓଡ଼ିଆ ଯୁବକଙ୍କ ମୃତଦେହ

ଦୁବଇରୁ ଆସିଲା ଓଡ଼ିଆ ଯୁବକଙ୍କ ମୃତଦେହ

by Ritu Das

YOUNG man died in Dubai while undergoing treatment

ଅର୍ଗସ ବ୍ୟୁରୋ: ଚିକିତ୍ସାଧୀନ ଅବସ୍ଥାରେ ବିଦେଶରେ ଓଡ଼ିଆ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ କୃଷ୍ଣପ୍ରସାଦ ରଞ୍ଜିତ। ୨୦୨୩ ଜାନୁୟାରୀ ୧ରେ କୃଷ୍ଣଙ୍କର ହୃଦ୍‌ଘାତ ହୋଇଥିଲା। ତାଙ୍କୁ ଦୁବାଇର ଫେକେ ବିଶ୍ୱବିଦ୍ୟାଳୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ତାଙ୍କୁ ଆଇସିୟୁରେ ଭେଣ୍ଟିଲେଟରରେ ରଖାଯାଇଥିଲା। ଅଧିକ ଖର୍ଚ୍ଚ ହେଉଥିବାରୁ ସ୍ତ୍ରୀ ଆସିମା ତାଙ୍କୁ ଏବଂ ତାଙ୍କ ସ୍ବାମୀଙ୍କୁ ଭୁବନେଶ୍ୱର ଓଡ଼ିଶା ପଠାଇବାକୁ ଅନୁରୋଧ କରିଥିଲେ। ପରେ ତାଙ୍କ ସ୍ବାମୀଙ୍କର ମୃତ୍ୟୁ ଘଟିଥିଲା।

କୃଷ୍ଣ ପ୍ରସାଦ ରଞ୍ଜିତଙ୍କ ମୃତ୍ୟୁ ଖବର ଶୁଣି ସ୍ତ୍ରୀ ଅସୀମାଙ୍କୁ ସାହାଯ୍ୟ କରିବା ଏବଂ ଦୁବାଇ ସରକାରଙ୍କ ଠାରୁ ମାମଲା ରୁଜୁ କରି ରଞ୍ଜିତଙ୍କ ମୃତଦେହକୁ ଓଡିଶା ପୁରୀକୁ ପଠାଇବା ପାଇଁ ପ୍ରଖ୍ୟାତ ସାମାଜିକ କର୍ମୀ ତଥା ଗ୍ଲୋବାଲ୍ ଓଡିଆ ଡାଏସପୋରାର ନିର୍ଦ୍ଦେଶକ ଡ. ଅରୁଣ କୁମାର ପ୍ରହରାଜ ଅସୀମାଙ୍କୁ ସାହାଯ୍ୟ କରିବା ପାଇଁ ଯୋଗାଯୋଗ କରିଥିଲେ। ସେ ତୁରନ୍ତ ରାଜ୍ୟ ବିଦେଶ ମନ୍ତ୍ରୀ ଶ୍ରୀ ମୁରଲୀଧରନ୍ ଜୀ ଏବଂ ଦୁବାଇର ଦୂତାବାସ ସହାୟତାରେ ସମସ୍ତ ବିଚାରାଧୀନ ମାମଲାର କ୍ଲିୟରାନ୍ସ ବ୍ୟବସ୍ଥା କରିଥିଲେ। ଆଜି ରଞ୍ଜିତଙ୍କ ମୃତଦେହକୁ ଏୟାର ଇଣ୍ଡିଆ ବିମାନ ଦ୍ୱାରା ଦୁବାଇରୁ ବିଶାଖାପାଟନମକୁ ପଠାଯାଉଛି। ଆସନ୍ତା କାଲି ବିଶାଖାପାଟନମ୍ ରୁ ଶବକୁ ଆମ୍ବୁଲାନ୍ସ ଦ୍ୱାରା ସ୍ୱର୍ଗଦ୍ୱାର ପୁରୀକୁ ଅନ୍ତିମ ସଂସ୍କାର ପାଇଁ ନିଆଯିବ।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ଭୟଙ୍କର ଦୁର୍ଘଟଣା; ଟ୍ରକ୍ କୁ ପିଟିଲା ଭ୍ୟାନ୍ , 7 ମୃତ

by Smruti Parija

ଅର୍ଗସ ବ୍ୟୁରୋ: ଅଧାରେ ରହିଲା ମା' ତାରିଣୀଙ୍କ ଦର୍ଶନ । ଟ୍ରକ୍ କୁ ପିଟିଲା ୱିଙ୍ଗର ଭ୍ୟାନ୍ । ଦୁର୍ଘଟଣାରେ 7ଜଣଙ୍କର ମୃତ୍ୟୁ ହୋଇଥିବା ସୂଚନା ରହିଛି । କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ 20 ନମ୍ବର ଜାତୀୟ ରାଜପଥର ବାଲିଯୋଡି ନିକଟରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ମୃତକ ଦିଗପହଣ୍ଡି ଅଞ୍ଚଳର ବୋଲି ଜଣାପଡିଛି ।

ରାସ୍ତାକଡରେ ଠିଆ ହୋଇଥିବା ଟ୍ରକ୍ ସହ ଧକ୍କା ହୋଇଛି ଭ୍ୟାନ୍ । ଭ୍ୟାନ୍ ଚୁର୍ ମାର୍ । ଦୁର୍ଘଟଣାରେ ଆଉ 8 ଗୁରୁତର ହୋଇଛନ୍ତି । ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସମସ୍ତେ ତାରିଣୀ ଦର୍ଶନ ପାଇଁ ଦିଗପହଣ୍ଡିରୁ ଆସିଥିବା ସୂଚନା ରହିଛି। ତାରିଣୀ ମନ୍ଦିରରୁ ମାତ୍ର 3 କିମି ପୂର୍ବରୁ ଏହି ଦୁର୍ଘଟଣା ଘଟିଛି ।

ମହିଳାଙ୍କ ଉପରେ ଚଢ଼ିଗଲା ଆଇରନ ବୋଝେଇ ଟ୍ରକ

ଦୁବାଇ ବିମାନବନ୍ଦରରେ ମୋଦିଙ୍କୁ ଭବ୍ୟ ସ୍ବାଗତ

by Smruti Parija

ଅର୍ଗସ ବ୍ୟୁରୋ: ଦୁବାଇରେ ପହଁଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦୁବାଇ ବିମାନବନ୍ଦରରେ ପହଁଚିଲା ପରେ ମୋଦିଙ୍କୁ ଭବ୍ୟ ସ୍ବାଗତ କରାଯାଇଛି । ସେଠାରେ ବାସ କରୁଥିବା ପ୍ରବାସୀ ଭାରତୀୟ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ଭବ୍ୟ ସ୍ବାଗତ କରିଛନ୍ତି । ଆଜି ମୋଦି ଦୁବାଇରେ ଅନୁଷ୍ଠିତ ହେଉଥିବା COP-28 ର ବିଶ୍ୱ ଜଳବାୟୁ ଆକ୍ସନ୍ ସମ୍ମିଳନୀରେ ଯୋଗଦେବେ । 200 ରୁ ଅଧିକ ଦେଶର ପ୍ରତିନିଧି ଏହି ସମ୍ମିଳନୀରେ ଯୋଗଦେବେ । ଚଳିତ ବର୍ଷ ଦୁବାଇରେ ଏହି ସମ୍ମିଳନୀ ନଭେମ୍ବର 30 ରୁ ଡିସେମ୍ବର 12 ପର୍ଯ୍ୟନ୍ତ ଅନୁଷ୍ଠିତ ହେଉଛି ।

ଡିସେମ୍ବର ୧ରେ COP28 ବିଶ୍ୱ ଜଳବାୟୁ ପରିବର୍ତ୍ତନ ସମିଟ୍ ରେ ଯୋଗ ଦେବେ ପ୍ରଧାନମନ୍ତ୍ରୀ

ରାଜ୍ୟ ସଭାପତିଙ୍କ ଉପସ୍ଥିତିରେ ବିଜେଡି ଦଳର ଶତାଧିକ କାର୍ଯ୍ୟକର୍ତ୍ତା ବିଜେପିରେ ହେଲେ ସାମିଲ

by Jitendra Dash

In the presence of state president Manmohan Samal, hundreds of BJD party workers joined the BJP

ଅର୍ଗସ ବ୍ୟୁରୋ : ଆଜି ରାଜ୍ୟ କାର୍ଯ୍ୟାଳୟଠାରେ ରାଜ୍ୟ ସଭାପତି ଶ୍ରୀ ମନମୋହନ ସାମଲଙ୍କ ଉପସ୍ଥିତିରେ ବରଗଡ ଜିଲ୍ଲା ବିଜେଡିର ବରିଷ୍ଠ ସଂଗଠକ ଡା. ସୁଶିଲ କୁମାର ଶର୍ମା ଆଜି ଆନୁଷ୍ଠାନିକ ଭାବେ ବିଜେପିରେ ଯୋଗ ଦେଲେ । ଶ୍ରୀ ଶର୍ମାଙ୍କ ସମେତ ତାଙ୍କର ଶତାଧିକ ସମର୍ଥକ ଓ ବିଜେଡିର ଶତାଧିକ ନେତା ଓ କର୍ମୀ ବିଜେପିରେ ଯୋଗ ଦେଇଛନ୍ତି । ସେହିପରି ପ୍ରମୋଦ କୁମାର ଦେବତ, ସୁରେନ୍ଦ୍ର ସାହୁ, ନରେନ୍ଦ୍ର କୁମାର ସାହୁ, ସନାତନ ବଢ଼େଇ, ନନ୍ଦକିଶୋର ସାହୁ, ଡକ୍ଟର ବିଶ୍ୱାଳ, ପ୍ରମୋଦ କୁମାର ପଣ୍ଡା, ପ୍ରମିଳା ବଢ଼େଇ, ଉମାକାନ୍ତ ବଢ଼େଇ, ବାଶୁଦେବ ସାହୁ, ଲକ୍ଷ୍ମୀ ସେଠୀ, ଦମୟନ୍ତୀ ସାହୁ, ଗୌତମ ସାହୁ, ରାକେଶ ନେଗି, କରୁଣାକର ସାହୁ, ଯୁଗେଶ୍ୱର ସାହୁ ପ୍ରମୁଖ ଆନୁଷ୍ଠାନିକ ଭାବେ ବିଜେପି ସାମିଲ ହୋଇଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ଏବଂ ଭାରତୀୟ ଜନତା ପାର୍ଟି ପ୍ରତି ଦେଶବାସୀ ତଥା ରାଜ୍ୟବାସୀଙ୍କ ଆସ୍ଥା ବୃଦ୍ଧି ପାଇଚାଲିଛି ଏବଂ ଆଗାମୀ ଦିନରେ ଓଡ଼ିଶାରେ ମଧ୍ୟ ଏହା ନିଶ୍ଚିତ ପ୍ରତିଫଳିତ ହେବ ବୋଲି ରାଜ୍ୟ ସଭାପତି ଶ୍ରୀ ମନମୋହନ ସାମଲ କହିଛନ୍ତି ।

ଯଶ୍ୱସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଆସ୍ଥା ଓ ରାଜ୍ୟ ସଭାପତି ଶ୍ରୀ ସାମଲଙ୍କ ନେତୃତ୍ୱ ଏବଂ ଦୃଢ଼ ସଂଗଠନ ପାଇଁ ଆଜି ପାର୍ଟିରେ ଯୋଗ ଦେଇଛି । ଆଗାମୀ ଦିନରେ ମୋଦିଜୀଙ୍କ ହାତ ମୁଠାକୁ ଦୃଢ଼ କରିବା ପାଇଁ ଯେଉଁ କାର୍ଯ୍ୟ ପାର୍ଟି ଦେବ ତାହା ମୁଁ କରିବି । ରାଜ୍ୟରେ ଅନ୍ୟାୟ, ଦୁର୍ନୀତି, ଭ୍ରଷ୍ଟାଚାର ବହୁ ବୃଦ୍ଧି ପାଇଛି । ବରଗଡ ଆଜି ବିଭିନ୍ନ ବିକାଶମୂଳକ କାର୍ଯ୍ୟରୁ ବଂଚିତ ରହୁଛନ୍ତି । ବହୁ ଶୀଘ୍ର ବରଗଡବାସୀ ଶାସକ ବିଜେଡିକୁ ଉଚିତ୍ ଜବାବ୍ ଦେବେ ବୋଲି ଡା. ଶର୍ମା କହିଛନ୍ତି ।

ଶ୍ରୀ ସୁଶୀଲ କୁମାର ଶର୍ମାଙ୍କ ସମେତ ଅନ୍ୟ ସମସ୍ତ ନୂତନ ସଦସ୍ୟଙ୍କୁ ଦଳୀୟ ଉତରୀୟ ଓ ଟୋପି ପିନ୍ଧାଇ ସ୍ୱାଗତ କରିଥିଲେ ରାଜ୍ୟ ସଭାପତି ଶ୍ରୀ ମନମୋହନ ସାମଲ । ଏହି ମିଶ୍ରଣ ପର୍ବ ଅବସରରେ ରାଜ୍ୟ ଉପସଭାପତି ବିରଂଚି ନାରାୟଣ ତ୍ରିପାଠୀ, ରାଜ୍ୟ ସମ୍ପାଦକ ସରୋଜ କର, ରାଜ୍ୟ ମୁଖପାତ୍ର ରମାରଞ୍ଜନ ବଳିୟାରସିଂହ, ମନୋଜ ମହାପାତ୍ର, ସମବାୟ ପ୍ରକୋଷ୍ଠର ରାଜ୍ୟ ସଂଯୋଜକ ପବିତ୍ର ଦାସ ପ୍ରମୁଖ ଉପସ୍ଥିତ ଥିଲେ ।

Download Argus News App

YOUNG man died in Dubai while undergoing treatment

Download Mobile App