ଅର୍ଗସ ବ୍ୟୁରୋ : ମୟୂରଭଞ୍ଜ ଜିଲ୍ଲା ଶୁଳିଆପଦା ଥାନା ପୋଲିସର ନିର୍ଯାତନାର ଶିକାର ହୋଇ ଧାତିକା ପଞ୍ଚାୟତ ସାରଡିହା ଗ୍ରାମର ଆଦିମ ଜନଜାତି ଯୁବକ ରଜ ପାଣିପାତ୍ର ଆତ୍ମହତ୍ୟା କରିଛନ୍ତି। ଏହି ଅଭିଯୋଗରେ ଜାତୀୟ ମାନବ ଅଧିକାର କମିଶନଙ୍କ ହସ୍ତକ୍ଷେପ ଲୋଡିଛନ୍ତି ମାନବିକ ଅଧିକାର କର୍ମୀ ଶ୍ରୀ ଅଖଣ୍ଡ। ସେ ଏହାକୁ ଗୁରୁତର ସହକାରେ ନେଇ ଏକ ପିଟିସନ ଦାୟର କରିଛନ୍ତି। ସେ ଦର୍ଶାଇଛନ୍ତି ଯେ ଗତ ୧୭ ତାରିଖରେ ଶୁଳିଆପଦା ଥାନା ପୋଲିସ ବେଆଇନ ଭାବରେ ରାତିରେ ସୋଇଥିବା ସମୟରେ ସରଡିହା ଗ୍ରାମର ଯୁବକକୁ ମାଡ଼ ମାରି ଜୋରଜବରଦସ୍ତ ଘରୁ ଉଠାଇଆଣିଥିଲେ। ୪ ଦିନ ଥାନାରେ ରଖି ଅକଥନୀୟ ନିର୍ଯାତନା ଦିଆଯାଇଥିଲା। ନିର୍ଯ୍ୟାତନା ସହିନପାରି ଯୁବକ ଆତ୍ମହତ୍ୟା କରିଥିବାର ଅଭିଯୋଗ ଆଣିଥିଲେ ପରିବାର ଲୋକେ। ଏବଂ ପରିବାର ଲୋକେ ମୟୂରଭଞ୍ଜ ଏସପି ଙ୍କୁ ଭେଟି ନ୍ୟାୟ ପାଇଁ ନିବେଦନ କରିଥିଲେ। କିନ୍ତୁ କିଛି କାର୍ଯ୍ୟାନୁଷ୍ଠାନ ହେଲାନାହିଁ।
ମାନବିକ ଅଧିକାର କମିଶନ ଏହାକୁ ଗ୍ରହଣ କରି ତୁରନ୍ତ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣକରିବା ସହ ପୀଡ଼ିତ ପାରିବାରକୁ ରିଲିଫ ଓ ଥଇଥାନ କରିବାକୁ ନିବେଦନ କରିଛନ୍ତି ଶ୍ରୀ ଅଖଣ୍ଡ। ଏଥିରେ ପୋଲିସ ଡିଜି, ମୟୂରଭଞ୍ଜ ଏସପି ଓ ମୟୂରଭଞ୍ଜ ଜିଲ୍ଲାପାଳଙ୍କୁ ପକ୍ଷଭୁକ୍ତ କରାଯାଉଛି।
ଓଡ଼ିଶା ଖବର ଆହୁରି ପଢ଼ନ୍ତୁ ।
