ଚିଲିକା ହ୍ରଦ ଉପରେ ଖୋର୍ଦ୍ଧା, ଗଞ୍ଜାମ ଓ ପୁରୀର 2ଲକ୍ଷ ମତ୍ସ୍ୟଜୀବୀ ନିର୍ଭର କରିଛନ୍ତି । ହ୍ରଦରୁ ମାଛ ଧରିଲେ ସେମାନଙ୍କ ଚୁଲି ଜଳେ । କିନ୍ତୁ ଏବେ ମାଫିଆଙ୍କ କବଜାରେ ଚିଲିକା । ଚିଲିକାରେ ଜିରୋ ନେଟ ବିଛାଇବା ଉପରେ କଟକଣା ଜାରି କରାଯାଇଥିବା ବେଳେ ମାଫିଆମାନେ ଅବାଧରେ ଜାଲ ବିଛାଇ ଚଳାଇଛନ୍ତି ନିଜ କାରବାର । ଫଳରେ ମାଛର ବଂଶବିସ୍ତାରରେ ବାଧା ସୃଷ୍ଟି ହୋଇଛି
ମାଫିଆମାନେ ଜିରୋ ନେଟ୍ ବସାଇ ଛୋଟ ମାଛ ବା ଚୁନା ମାଛ ଧରି ନେଇଥାନ୍ତି । ଫଳରେ ଚିଲିକାରେ ମତ୍ସ୍ୟସମ୍ପଦ ହ୍ରାସ ପାଇଛି । ତେବେ ମତ୍ସ୍ୟଜୀବୀଙ୍କ ଅଭିଯୋଗ କ୍ରମେ ଉଚ୍ଛେଦ କାର୍ଯ୍ୟ ଆରମ୍ଭ ହେବ ବୋଲି କହିଛନ୍ତି ଭାରପ୍ରାପ୍ତ ଜିଲ୍ଲା ମତ୍ସ୍ୟଧିକାରୀ ।
ଚିଲିକାରୁ ଛୋଟ ମାଛ ଧରିବା ପରେ ଏହାକୁ ଉଚ୍ଚା ମୂଲ୍ୟରେ ବିକି ମାଲେମାଲ ହେଉଛନ୍ତି ମାଫିଆ । ଅନ୍ୟପଟେ ସବୁ ଦେଖି ଚୁପ ରହୁଛି ପ୍ରଶାସନ । ଯାହାକୁ ବିରୋଧ କରିଛନ୍ତି ଚିଲିକା ଉପରେ ନିର୍ଭର କରୁଥିବା ପ୍ରକୃତ ମତ୍ସ୍ୟଜୀବୀ ।
