ତାଙ୍କ ସ୍ଥାନରେ ଶିକ୍ଷା ମନ୍ତ୍ରୀ ଗୋବିନ୍ଦ ସିଂ ଦୋଟାସରାଙ୍କୁ ରାଜ୍ୟ ସଭାପତି କରାଯାଇଛି। ସଚିନ ପାଇଲଟଙ୍କ ବ୍ୟତୀତ ବିଶ୍ୱନ୍ଦ୍ର ସିଂ ଏବଂ ରମେଶ ମୀନାଙ୍କୁ ମଧ୍ୟ କ୍ୟାବିନେଟ ମନ୍ତ୍ରୀ ପଦରୁ ବରଖାସ୍ତ କରାଯାଇଛି। କଂଗ୍ରେସ ପାଇଲଟ ଭଳି ନେତାଙ୍କୁ ବ୍ୟାପକ ସୁଯୋଗ ଦେଇଛି ବୋଲି ସେ କହିଥିଲେ। 26 ବର୍ଷ ବୟସରେ ସାଂସଦ, 32 ବର୍ଷ ବୟସରେ କେନ୍ଦ୍ର ମନ୍ତ୍ରୀ ଏବଂ 40 ବର୍ଷ ରୁ କମ ବୟସରେ ତାଙ୍କୁ ରାଜ୍ୟ ସଭାପତି କରାଯାଇଥିଲା। ସରକାରଙ୍କୁ ଅସ୍ଥିର କରିବା ପାଇଁ ବିରୋଧୀ ଅର୍ଥ ଶକ୍ତି ବ୍ୟବହାର କରୁଥିବା ସୁରଜେୱାଲା ଅଭିଯୋଗ କରିଛନ୍ତି। ସେ କହିଛନ୍ତି ଯେ ବିଜେପିର ଏହି ଜାଲରେ ସଚିନ ପାଇଲଟଙ୍କ ସହ ଅନ୍ୟ କିଛି କଂଗ୍ରେସ ବିଧାୟକ ମଧ୍ୟ ଜଡିତ ଅଛନ୍ତି।
ଦୁଇ ଦିନ ଜୟପୁରରେ କ୍ୟାମ୍ପ କରି କଂଗ୍ରେସ ମୁଖପାତ୍ର କହିଛନ୍ତି ଯେ, ଆମେ ସଚିନ ପାଇଲଟଙ୍କୁ ଖୋଲା ହୃଦୟରେ କହିଛୁ ଯେ ତୁମେ ଫେରି ଆସ। ଆମେ ସମସ୍ତ ସମସ୍ୟାର ସମାଧାନ କରିବୁ। ତେବେ ମନ୍ତ୍ରୀପଦରୁ ହଟିବା ପରେ ପାଇଲଟ ନିଜର ଟୁଇଟର ପେଜରୁ କଂଗ୍ରେସ ଶବ୍ଦ ହଟାଇ ଦେବା ସହ ସତ୍ୟକୁ ହଇରାଣ କରାଯାଇ ପାରେ ପରାଜିତ କରାଯାଇ ପାରେନା ବୋଲି ଟୁଇଟ କରିଛନ୍ତି। 2018 ବିଧାନସଭା ନିର୍ବାଚନ ସମୟରେ ସଚିନ ପାଇଲଟ ରାଜସ୍ଥାନ କଂଗ୍ରେସର ସଭାପତି ଥିଲେ। ପାଇଲଟଙ୍କ ନେତୃତ୍ୱରେ କଂଗ୍ରେସ ବିଜେପିକୁ ପରାସ୍ତ କରିଥିଲା। କଂଗ୍ରେସ ବିଜୟରେ ସଚିନ ପାଇଲଟଙ୍କ ଆକ୍ରମଣାତ୍ମକ ନିର୍ବାଚନ ରଣନୀତି ଏବଂ ତାଙ୍କ ନେତୃତ୍ୱକୁ ପ୍ରଶଂସା କରାଯାଇଥିଲା।
