ଏ ସରକାର ହେଉଛନ୍ତି ମିଛ ପ୍ରବଞ୍ଚନାର ସରକାର...
ଅର୍ଗସ ବ୍ୟୁରୋ: ପଶ୍ଚିମବଙ୍ଗର ନିର୍ବାଚନି ଉତ୍ସାହ ମଧ୍ୟରେ ଚଳଚ୍ଚିତ୍ର ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ମଙ୍ଗଳବାର ଦିନ ରାଷ୍ଟ୍ରୀୟ ସ୍ବୟଂସେବକ ସଂଗଠନର ସରସଂଘଚାଳକ ମୋହନ ଭାଗବତ ଭେଟିଛନ୍ତି । ବିଶେଷ କଥା ହେଉଛି ଆରଏସଏସ ମୁଖ୍ୟ ମୋହନ ଭଗବତ ନିଜେ ମୁମ୍ବାଇର ମିଥୁନ ଚକ୍ରବର୍ତ୍ତୀଙ୍କ ଘରେ ପହଞ୍ଚିଥିଲେ। ମିଥୁନ ଚକ୍ରବର୍ତ୍ତୀଙ୍କ ସହ ଆରଏସଏସ ମୁଖ୍ୟଙ୍କ ବୈଠକକୁ ନେଇ ଅନେକ କଳ୍ପନାଜଳ୍ପନା ଆରମ୍ଭ ହୋଇଛି । ଚଳିତ ବର୍ଷ ଏପ୍ରିଲ-ମେ ମାସରେ ହେବାକୁ ଥିବା ପଶ୍ଚିମବଙ୍ଗରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଭାଗବତଙ୍କର ମିଥୁନଙ୍କ ସହ ଭେଟ କରିବା ରାଜନୈତିକ ମାହୋଲରେ ଚର୍ଚ୍ଚାର ବିଷୟ ପାଲଟିଛି।
ତେବେ ସେମାନଙ୍କ ମଧ୍ୟରେ ସାକ୍ଷାତ ନେଇ ମିଥୁନ ଏହା ରାଜନୈତିକ ନୁହେଁ ବୋଲି କହିନଥିଲେ ମଧ୍ୟ ପଶ୍ଚିମବଙ୍ଗରେ ନିର୍ବାଚନ ପୂର୍ବରୁ ଭାଗବତଙ୍କ ମିଥୁନଙ୍କ ସହିତ ସାକ୍ଷାତ ନିଶ୍ଚିତ ଭାବରେ ନିର୍ବାଚନ ସହିତ ଜଡିତ ବୋଲି କୁହାଯାଇଛି। ଯଦିଓ ମିଥୁନ ଏହି ସାକ୍ଷାତ ନେଇ କୈାଣସି ଆକଳନ କରିବାକୁ ମନା କରିଛନ୍ତି ତେବେ ତାଙ୍କର ଭାଗବତଙ୍କ ସହିତ ସମ୍ପର୍କ 'ଆଧ୍ୟାତ୍ମିକ ଏବଂ ଗଭୀର' ଅଟେ ବୋଲି ସେ କହିଛନ୍ତି। ଏହି ବୈଠକରେ କୈାଣସି ରାଜନୈତିକ ଦିଗ ନାହିଁ ବୋଲି ଅଭିନେତା ସ୍ପଷ୍ଟ କରିଛନ୍ତି। ସେ ଭବିଷ୍ୟତରେ ପଶ୍ଚିମବଙ୍ଗରେ ବିଜେପିର ମୁଖ୍ୟମନ୍ତ୍ରୀ ପଦର ଚେହେରା ହୋଇପାରନ୍ତି ବୋଲି ପରିହାସ ଢଂଗରେ ମିଥୁନ ଚକ୍ରବର୍ତ୍ତୀ କହିଛନ୍ତି। ତେବେ ମୋହନ ଭାଗବତଙ୍କ ସହିତ ଥିବା ସୁସଂପର୍କ ଯୋଗୁଁ ଓ ଅନ୍ୟାନ୍ୟ କିଛି ଦିଗକୁ ଦେଖି ମିଥୁନଙ୍କର ବଜେପିରେ ପ୍ରବେଶ ନେଇ ଅନେକ କଳ୍ପନା ଜଳ୍ପନା ଲାଗିରହିଛି। ଚକ୍ରବର୍ତ୍ତୀଙ୍କ ସହ ଭାଗବତଙ୍କ ସାକ୍ଷାତ ଏକ ଘଣ୍ଟାରୁ ଅଧିକ ସମୟ ଧରି ଚାଲିଥିଲା। ନିକଟ ଭବିଷ୍ୟତରେ ଉଭୟଙ୍କ ମଧ୍ୟରେ ଆଉ ଏକ ସାକ୍ଷାତ ହେବାର ସମ୍ଭାବନା ଅଛି।
ତେବେ ସୂଚନା ଯୋଗ୍ୟ ଯେ, 2011 ମସିହାରେ ଟିଏମସି ମୁଖ୍ୟ ମମତା ବାନାର୍ଜୀଙ୍କ ଆମନ୍ତ୍ରଣରେ ମିଥୁନ ଟିଏମସିରେ ଯୋଗ ଦେଇଥିଲେ। ଏହାପରେ ସେ ଜଣେ ରାଜ୍ୟସଭା ସଦସ୍ୟ ରହି ଆସିଥିଲେ ଏବଂ ଦୀର୍ଘ ଦିନ ଧରି ତ୍ରୁଣମୂଳ କଂଗ୍ରେସ ସହ ଜଡିତ ରହିଥିଲେ ତେବେ ସ୍ୱାସ୍ଥ୍ୟଗତ କାରଣରୁ ସେ 2016 ରେ ଇସ୍ତଫା ଦେଇଥିବାର ଜଣା ପଡିଥିଲା।
ଆରଏସଏସ ସହଯୋଗୀ ଭାରତୀୟ ଜନତା ପାର୍ଟି ପୂର୍ବରୁ ରାଜ୍ୟରେ ଜୋରଦାର ପ୍ରଚାର ଚଳାଇଛି ଏବଂ ଗୃହମନ୍ତ୍ରୀ ଅମିତ ଶାହ ଏବଂ ଦଳର ସଭାପତି ଜେ.ପି ନଡ୍ଡାଙ୍କ ସମେତ ପ୍ରମୁଖ ନେତାମାନେ ସାରା ରାଜ୍ୟରେ ପାଞ୍ଚଟି 'ପରିବର୍ତନ ଯାତ୍ରା' ଆରମ୍ଭ କରିଛନ୍ତି। ଏପରି ସମୟରେ ଆରଏସଏସ ମୁଖ୍ୟ ମୋହନ ଭାଗବତଙ୍କର ବେଙ୍ଗଲର ସବୁଠାରୁ ଲୋକପ୍ରୟ ଅଭିନେତା ମିଥୁନ ଚକ୍ରବର୍ତୀଙ୍କ ସହିତ ସାକ୍ଷାତ ରାଜନିତୀରେ ମିଥୁନଙ୍କ ଦ୍ଵିତୀୟ ଇନିଂସର ଶୁଭାରମ୍ଭ ବୋଲି କୁହାଯାଇପାରେ।
