ସତେଜ ସକାଳ
ନୂଆଦିଲ୍ଲୀ: ଆଜିଠାରୁ ବିଶ୍ୱର ସର୍ବବୃହତ୍ତ ନରେନ୍ଦ୍ର ମୋଦି କ୍ରିକେଟ ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ସିରିଜର ଶେଷ ତଥା ୪ର୍ଥ ଟେଷ୍ଟ ଆରମ୍ଭ ହେବ । ଭାରତ ଏହି ଷ୍ଟାଡିୟମରେ ଇଂଲଣ୍ଡକୁ ଦ୍ୱିତୀୟ ଟେଷ୍ଟରେ ୧୦ ୱିକେଟରେ ମାତ ଦେଇଥିଲା । ଏଥିସହ ସିରିଜରେ ୨-୧ରେ ଆଗୁଆ ହୋଇଯାଇଥିଲା ।
କିନ୍ତୁ ଏବେ ବି ଭାରତ ଉପରକୁ ବିପଦ ସଂପୂର୍ଣ୍ଣ ଭାବେ ଶେଷ ହୋଇନାହିଁ । ଚତୁର୍ଥ ଟେଷ୍ଟରେ ଭାରତର ବିଶ୍ୱ ଟେଷ୍ଟ ଚାମ୍ପିୟନସିପର ଫାଇନାଲ ଟିକେଟ ବାଜିରେ ଲାଗିବ । କାରଣ ଏହି ମ୍ୟାଚରେ ଭାରତ ପରାସ୍ତ ହେଲେ ଅଷ୍ଟ୍ରେଲିଆ ଫାଇନାଲ ଟିକେଟ ହାସଲ କରିନେବ । ଅତିକମରେ ଭାରତ ଏହି ମ୍ୟାଚକୁ ଡ୍ର ରଖିଲେ ବିଶ୍ୱ ଟେଷ୍ଟ ଚାମ୍ପିୟନସିପ ଖେଳିବାକୁ ଯୋଗ୍ୟତା ଅର୍ଜନ କରିନେବ ।
