ଅର୍ଗସ ବ୍ୟୁରୋ: ଇତିହାସ ରଚିଲା ଟିମ ଇଣ୍ଡିଆ। ପୁଣି ଥରେ ବିଶ୍ବ ଟେଷ୍ଟ ଚାମ୍ପିୟନଶିପ ଫାଇନାଲରେ ପ୍ରବେଶ କଲା ଭାରତୀୟ ଟିମ। ଲଗାତାର ଭାବେ ୨ଥର ଫାଇନାଲରେ ପ୍ରବେଶ କରିବାରେ ଏକମାତ୍ର ଟିମ୍ ସାଜିଛି। ଅହମ୍ମଦାବାଦରେ ଏବେ ଭାରତ-ଅଷ୍ଟ୍ରେଲିଆ ମଧ୍ୟରେ ଚତୁର୍ଥ ଟେଷ୍ଟ ଚାଲିଛି। ଏସବୁ ମଧ୍ୟରେ ନ୍ୟୁଜିଲାଣ୍ଡରୁ ଆସିଛି ଗୁଡ ନ୍ୟୁଜ। ଶ୍ରୀଲଙ୍କା ଏବଂ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ଟେଷ୍ଟ ମ୍ୟାଚ ଶେଷ ହୋଇଛି। ଯେଉଁଥିରେ ନ୍ୟୁଜିଲାଣ୍ଡ ୨ ଓ୍ବିକେଟରେ ଶ୍ରୀଲଙ୍କାକୁ ହରାଇଛି। ଯାହାଫଳରେ ଟିମ୍ ଇଣ୍ଡିଆ ଡବ୍ଲ୍ୟୁଟିସି ୨୦୨୩ ଫାଇନାଲକୁ କ୍ବାଲିଫାଏ କରିଛି।
ଅଧିକ ଖବର ପଢ଼ନ୍ତୁ: ସେଞ୍ଚୁରୀ ମାରିବାପରେ ପତ୍ନୀ ଅନୁଷ୍କାଙ୍କ ପ୍ରତି ପ୍ରେମ ବର୍ଷା କଲେ କୋହଲି
ତେବେ ବିଶ୍ବ ଟେଷ୍ଟ ଚାମ୍ପିୟନଶିପ ଫାଇନାଲରେ ଭାରତର ମୁକାବିଲା ଅଷ୍ଟ୍ରେଲିଆ ସହିତ ହେବ। ପୂର୍ବରୁ ଅଷ୍ଟ୍ରେଲିଆ ଫାଇନାଲ ମ୍ୟାଚକୁ କ୍ବାଲିଫାଏ କରିଥିବାବେଳେ ଏବେ ଟିମ୍ ଇଣ୍ଡିଆ ପ୍ରବେଶ କରିଛି। ଫାଇନାଲ ମ୍ୟାଚ୭ରୁ ୨୧ ଜୁନ ମଧ୍ୟରେ ଲଣ୍ଡନର ଓଭାଲ ଗ୍ରାଉଣ୍ଡରେ ଖେଳାଯିବ। ଯଦି କୌଣସି କାରଣରୁ ଏହା ବାତିଲ ହୁଏ ତେବେ ଏଥିପାଇଁ ରିଜର୍ଭ ଡେ’ ଜୁନ ୧୨ ରଖାଯାଇଛି। ଟିମ ଇଣ୍ଡିଆ ଲଗାତାର ଦ୍ବିତୀୟ ଥର ପାଇଁ ବିଶ୍ବ ଟେଷ୍ଟ ଚାମ୍ପିୟନଶିପ ଫାଇନାଲରେ ପହଞ୍ଚିଛି।
