ଆଇସିସିର ନୂତନ ନିୟମ ଅନୁଯାୟୀ ପ୍ରତ୍ୟେକ ଟେଷ୍ଟ ମ୍ୟାଚ୍ ପାଇଁ 12 ପଏଣ୍ଟ ଦିଆଯିବ, ଯେଉଁଥିରେ ମ୍ୟାଚ୍ ଡ୍ର ହେଲେ ୪ ପଏଣ୍ଟ ଦିଆଯିବ ଏବଂ ମ୍ୟାଚ୍ ଟାଇ ହେଲେ ୬ ପଏଣ୍ଟ ଦିଆଯିବ। ସିରିଜ୍ ଯେତେ ମ୍ୟାଚର ହେଉନା କାହିଁକି, ଏହା ପଏଣ୍ଟ ଉପରେ ପ୍ରଭାବ ପକାଇବ ନାହିଁ। ଦଳର ର଼୍ୟାଙ୍କିଙ୍ଗ ପୂର୍ବ ପରି ଶତକଡ଼ା ପଏଣ୍ଟ ଆଧାରରେ ରହିବ। ଏଭଳି ପରିସ୍ଥିତିରେ ଦୁଇଟି ମ୍ୟାଚ୍ ସିରିଜରେ ମୋଟ 24 ପଏଣ୍ଟ ଏବଂ ତିନି ମ୍ୟାଚ୍ ସିରିଜରେ 36 ପଏଣ୍ଟ ରହିବ।
ବିଶ୍ୱ ଟେଷ୍ଟ ଚାମ୍ପିଅନସିପ୍ 2021 ରେ ପଏଣ୍ଟ ସିଷ୍ଟମ୍ ସମ୍ପୂର୍ଣ୍ଣ ଭିନ୍ନ ଥିଲା। ଟେଷ୍ଟ ଚାମ୍ପିଅନସିପ୍ 2023 ଅଗଷ୍ଟ 4 ରୁ ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ଟେଷ୍ଟ ସିରିଜ୍ ସହିତ ଆରମ୍ଭ ହେବ। ଭାରତ ଏହି ସମୟ ମଧ୍ୟରେ ଶ୍ରୀଲଙ୍କା, ନ୍ୟୁଜିଲ୍ୟାଣ୍ଡ, ଅଷ୍ଟ୍ରେଲିଆ ବିପକ୍ଷରେ ଘରୋଇ ସିରିଜ୍ ଖେଳିବାକୁ ଥିବାବେଳେ ବାଂଲାଦେଶ, ଇଂଲଣ୍ଡ ଏବଂ ଦକ୍ଷିଣ ଆଫ୍ରିକା ଟେଷ୍ଟ ସିରିଜ୍ ଖେଳିବାକୁ ଯିବ।
