ନିଜ ଡିପାଟମେଣ୍ଟ ଭିତରକୁ କେହି ମଧ୍ୟ ପ୍ଲାଷ୍ଟିକ ନିର୍ମିତ ଜିନିଷ ଆଣିବେ ନାହିଁ ବୋଲି ସେମାନେ ନିଜ ଭିତରେ ନିଷ୍ପତି ନେଇଛନ୍ତି । ଏପରିକି ବିଭାଗର ରେ ପ୍ଲାଷ୍ଟିକ ପାଣି ବୋତଲ ବ୍ୟବହାର କୁ ସମ୍ପୁର୍ଣ୍ଣ ଭାବେ ବନ୍ଦ କରାଯିବା ସହ ନିଜ ଆଡୁ ଭ୍ୟାନିଟି ବ୍ୟାଗ ବ୍ୟବହାର ବ୍ୟାନ କରି ଜୁଟ ବ୍ୟାଗ ବ୍ୟହାର କରୁଛନ୍ତି ।
ନୂତନ ଛାତ୍ରଛାତ୍ରୀ ମାନେ କ୍ଲାସ ଆସିବାର ପ୍ରଥମ ଦିନରୁ ସେମାନଙ୍କୁ ପ୍ଲାଷ୍ଟିକ ବ୍ୟାନ କରିବା ପାଇଁ ପ୍ରେରଣା ଦିଆଯାଉଛି । ସେମାନଙ୍କୁ ସ୍ବାଗତ କରିବା ପାଇଁ ଆୟୋଜିତ ହୋଇଥିବା ଫ୍ରେସରର୍ସ ପାର୍ଟିରେ ମଧ୍ୟ କୌଣସି ପ୍ଲାଷ୍ଟିକ ଜିନିଷ ବ୍ୟବହାର ହୋଇନାହିଁ ।
ବ୍ୟାନର, ଗିଫ୍ଟ ରୁ ଆରମ୍ଭ କରି ଫୁଲ ଗଛ ମଧ୍ୟ କାଗଜରେ ପ୍ୟାକିଙ୍ଗ କରାଯାଇଛି । ଏପରିକି ନୋଟିସ ବୋର୍ଡ ଓ ଫଟୋ ଗ୍ୟାଲେରୀ ରେ ମଧ୍ୟ କେବଳ ପେପର ର ବ୍ୟବହାର କରାଯାଇଛି । ଏଭଳି ପଦକ୍ଷେପ ଆଗକୁ ଅନ୍ୟ ବିଭାଗର ଛାତ୍ରଛାତ୍ରୀଙ୍କୁ ମଧ୍ୟ ପ୍ରେରଣା ଦେବ ବୋଲି ମତ ପ୍ରକାଶ ପାଇଛି ।
ଗୋଟିଏ ପଟେ ରାଜଧାନୀକୁ ପ୍ଲାଷ୍ଟିକ ମୁକ୍ତ କରିବା ପାଇଁ ବିଏମସିର ବାରମ୍ବାର ଚଢ଼ାଉ ପରେ ବି ପ୍ଲାଷ୍ଟିକ ଉପରେ ରୋକ ଲାଗି ପାରୁନାହିଁ । ଏଭଳି ସ୍ଥିତିରେ ପାଠପଢ଼ା କ୍ୟାମ୍ପସ ଭିତରେ ଛାତ୍ରଛାତ୍ରୀଙ୍କ ଏଭଳି ପ୍ରୟାସ ନିଆରା ଉଦାହରଣ ସୃଷ୍ଟି କରିଛି ।
