ମାର୍କ କାର୍ନି ହେବେ କାନାଡାର ନୂଆ ପ୍ରଧାନମନ୍ତ୍ରୀ । କାର୍ନି ୮୬% ଭୋଟ୍ ପାଇ ଲିବେରାଲ ପାର୍ଟିର ନେତା ନିର୍ବାଚିତ ।ଜଷ୍ଟିନ ଟ୍ରୁଡୁଙ୍କ ଜାଗା ନେବେ ମାର୍କ କାର୍ନି । ଜାନୁଆରୀରେ ପ୍ରଧାନମନ୍ତ୍ରୀ ପଦ ଛାଡିବାକୁ ଘୋଷଣା କରିଥିଲେ ଟ୍ରୁଡୋ । ଲିବରାଲ ପାର୍ଟିର ନୂଆ ନେତା ଭାବେ ନିର୍ବାଚିତ ହେବେ । ମାର୍କ କାର୍ନିଙ୍କୁ ମିଳିଲା ୮୫.୯ ପ୍ରତିଶତ ଭୋଟିଂ । ପିଏମ ରେସ୍‌ରେ ଥିବା ୩ ଜଣଙ୍କୁ ପଛରେ ପକାଇଲେ କାର୍ନି । କାର୍ନି ନିଜର ବିଜୟ ପରେ ଆମେରିକା ବ୍ୟାପାର ନିତି ଉପରେ କଠୋର ଆଭିମୁଖ୍ୟ ଗ୍ରହଣ କରି କାନାଡାର ସାର୍ବଭୌମତ୍ୱକୁ ରକ୍ଷା କରିବେ ବୋଲି କହିଥିଲେ ।

ଏଥିସହ ଟ୍ରମ୍ଫଙ୍କ ଉପରେ ନିଶାନା ଲଗାଇ କହିଥିଲେ, " ଆମର ଅର୍ଥବ୍ୟବସ୍ଥାକୁ ଦୁର୍ବଳ କରିବାକୁ ଚେଷ୍ଟା କରାଯାଉଛି । ଟ୍ରମ୍ଫ ଆମ ଦେଶର ବ୍ୟବସ୍ଥା ଉପରେ ଆମର ଜୀବନଯାପନ ଶୈଳୀ ଉପରେ ଅନୁଚିତ ଶୁଲ୍କ ଲଗାଇବାକୁ ଚେଷ୍ଟା କରୁଛନ୍ତି । ଆମେ ତାଙ୍କୁ କେବେ ବି ସଫଳ ହେବାକୁ ଦେବାନାହିଁ । ମୁଁ ଲଢେଇ କରିବାକୁ କହୁନାହିଁ , କିନ୍ତୁ କାନାଡାବାସୀ ଏବେ ଏଥିପାଇଁ ମଧ୍ୟ ପ୍ରସ୍ତୁତ ଅଛନ୍ତି । ହକି ଭଳି ବାଣିଜ୍ୟରେ ମଧ୍ୟ ଆମେ ଆମେରିକାଠାରୁ ଜିତିବା ।

କାର୍ନି କାନାଡାର ଡେପୁଟି ଗଭର୍ଣ୍ଣର ଭାବେ କାର୍ଯ୍ୟ କରିବା ପୂର୍ବରୁ ଲଣ୍ଡନ, ଟୋକିଓ, ନ୍ୟୁୟର୍କ ଆଦି ସ୍ଥାନରେ ୧୩ ବର୍ଷ କାମ କରିଛନ୍ତି । ତେବେ କାର୍ନି ଯେତେବେଳେ ନିଜର ରାଜନୀତି ଏବଂ ପ୍ରଧାନମନ୍ତ୍ରୀ ହେବାର ରୁଚି ଥିବା ନେଇ ନିଜର ଇଚ୍ଛା ପ୍ରକାଶ କରିଥିଲେ, ସେତେବେଳେ ତାଙ୍କୁ କ୍ୟାବିନେଟ ମନ୍ତ୍ରୀ ଏବଂ ସଂସଦର ସଦସ୍ୟମାନଙ୍କ ପାଖରୁ ଅନେକ ସମର୍ଥନ ମିଳିଥିଲା । କିନ୍ତୁ ତାଙ୍କର ରାଜନୈତିକ ଅନୁଭବ ଖୁବ କମ ଥିବା ସେ ପ୍ରକାଶ କରିଥିଲେ।

Argus News | argus news | -Argusnews Home: Odisha Latest News, Breaking News, Trending News, Live TV and more