ଯେମିତି ହଜମୋଲା କରେ ଖାନା କମ୍ପ୍ଲିଟ୍ । ସେମିତି ଭାରତୀୟଙ୍କ ଖାଇବା ଥାଳିକୁ ଅଚାର କରେ କମ୍ପ୍ଲିଟ୍ । ଆପଣ ଘରେ ଖାଆନ୍ତୁ କିମ୍ବା ରେଷ୍ଟୁରାଣ୍ଟରେ ଖାଆନ୍ତୁ, ଭାରତୀୟଙ୍କ ଥାଳି ଅଚାର ବିନା ପ୍ରାୟ ଅସମ୍ପୂର୍ଣ୍ଣ। ଯଦି ଆପଣଙ୍କ ଘରେ କୌଣସି ତରକାରୀ ନାହିଁ, ତେବେ ଟିକେ ଆଚାର ସହ ଭାତ, ପରଠା, ରୁଟି କିମ୍ବା ବିରିୟାନି ସବୁ କିଛି ଖାଇପାରିବେ ।

ତେବେ କୁହାଯାଏ ଆଚାର ମାନଙ୍କ ଭିତରେ ରାଜା ହେଉଛି ଆମ୍ବ ଆଚାର । କାରଣ ଆମ୍ବ ଆଚାର ସମସ୍ତଙ୍କ ଭଲ ଲାଗେ । ଆଉ ଆମ୍ଭର ବି ବିଭିନ୍ନ ପ୍ରକାର ଆଚାର ରହିଛି ।
ଦୋକାନରୁ କିଣାଯାଇଥିବା ଆମ୍ବ ଅଚାର ସହଜରେ ମିଳିଥାଏ କିନ୍ତୁ ଅନେକ ଲୋକ ପାରମ୍ପରିକ ପଦ୍ଧତିରେ ତିଆରି ଆଚାରକୁ ପସନ୍ଦ କରନ୍ତି । କାରଣ ଏହାର ଏକ୍ସପାରି ନଥାଏ । କିନ୍ତୁ ବଜାରରେ ମିଳୁଥିବା ଆଚାରର ଏକ୍ସପାରି ଥାଏ । ତେଣୁ ଅନେକ ଲୋକ ଘରେ ଆଚାର ତିଆରି କରିବାକୁ ପସନ୍ଦ କରନ୍ତି। ଘର ତିଆରି ଆମ୍ବ ଅଚାରର ସଠିକ୍ ଟେଷ୍ଟ ବାହାରିବାକୁ ମାସ ମାସ ସମୟ ଲାଗିଥାଏ । ଏହାକୁ ସଠିକ୍ ପ୍ରଣାଳିରେ ତିଆରି କରିବାକୁ ଆପଣଙ୍କୁ ବିଭିନ୍ନ ପଦକ୍ଷେପ ଅନୁସରଣ କରିବାକୁ ପଡିବ।

ଆମ୍ବ ଆଚାର ତିଆରି ପାଇଁ ୫ଟି ଟିପ୍ସ

ଅନ୍ୟ କିଛି କରିବା ପୂର୍ବରୁ, ମଇଳା କିମ୍ବା ଜୀବାଣୁ ଦୂର କରିବା ପାଇଁ ଆମ୍ବକୁ ଭଲ ଭାବରେ ଧୋଇ ଦିଅନ୍ତୁ। ଏହି ପଦକ୍ଷେପ ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ଅପରିଷ୍କାର ଆମ୍ବ ଆଚାରକୁ ନଷ୍ଟ କରିପାରେ।

ଧୋଇବା ପରେ, ଆମ୍ବକୁ ଏକ ସଫା ସୁତା କପଡାରେ ପୋଛି ଦିଅନ୍ତୁ, ଖଣ୍ଡ ଖଣ୍ଡ କରି କାଟି ଖରାରେ ଶୁଖିବା ପାଇଁ ଛାଡି ଦିଅନ୍ତୁ। ଏପରି କରିବା ଦ୍ଵାରା ଓଦା ଅଂଶ ଦୂର ହେଇଥାଏ ।

ଆମ୍ବ ସହିତ ମିଶ୍ରଣ କରିବା ପୂର୍ବରୁ ସବୁ ମସଲାକୁ ଶୁଖିଲା ଭାଜି ଦିଅନ୍ତୁ। ଏହା ଆଚାରର ସ୍ୱାଦକୁ ବଢାଇଥାଏ ଏବଂ ଓଦା ଅଂଶକୁ ଦୂର କରେ, ଯାହା ଆଚାରକୁ ଅଧିକ ସମୟ ପର୍ଯ୍ୟନ୍ତ ରହିବାରେ ସାହାଯ୍ୟ କରେ।

ସୋରିଷ ତେଲ ଆମ୍ବ ଆଚାର ପାଇଁ ବହୁତ ଭଲ ହୋଇଥାଏ। ଅଚାରକୁ ଜାର୍ ଭିତରେ ତେଲରେ ସମ୍ପୂର୍ଣ୍ଣ ବୁଡ଼ାଇ ରଖିବା ଉଚିତ। ଏହା ଏକ ପ୍ରାକୃତିକ ସଂରକ୍ଷଣକାରୀ ଭାବରେ କାର୍ଯ୍ୟ କରେ ଏବଂ ନଷ୍ଟ ହେବାକୁ ଦେଇନଥାଏ।

ଅଚାରକୁ ସବୁବେଳେ ଏକ ସଫା, ଜୀବାଣୁମୁକ୍ତ ଜାରରେ ସଂରକ୍ଷଣ କରନ୍ତୁ ଯେଉଁଥିରେ କୌଣସି ଆର୍ଦ୍ରତା ନଥିବ । ଏକ ସ୍ୱଚ୍ଛ କାଚ ପାତ୍ରରେ ରଖନ୍ତୁ ଯାହା ଦ୍ଵାରା ଏହା ସୂର୍ଯ୍ୟକିରଣ ଆଚାର ପର୍ଯ୍ୟନ୍ତ ପହଞ୍ଚାଇଥାଏ ଏବଂ ନରମ ହେବା ସହିତ ଏହାର ସ୍ୱାଦକୁ ବୃଦ୍ଧି କରିଥାଏ।

ପ୍ରସ୍ତୁତି ପ୍ରଣାଳୀ
-ଏକ ଗରମ ପ୍ୟାନରେ ସୁଖିଲା ମସଲାକୁ ଭାଜି ତାହାକୁ ଗ୍ରାଇଣ୍ଡିଂ କରିଦିଅନ୍ତୁ।
-ଏବେ କଡାରେ ତେଲ ଗରମ କରନ୍ତୁ, ସେଥିରେ ମେଥି ଦାନା, ହେଙ୍ଗୁ ଏବଂ ହଳଦି ପାଉଡର ପକାଇ ଧୀମା ଆଞ୍ଚରେ ୧୫ ସେକେଣ୍ଡ ପଯ୍ୟର୍ନ୍ତ ଭାଜନ୍ତୁ।
-ଏହାପରେ ଛୋଟ ସାଇଜରେ କାଟି ରଖିଥିବା କଞ୍ଚା ଆମ୍ବକୁ ପକାଇ ଧିମା ଆଞ୍ଚରେ ରାନ୍ଧନ୍ତୁ।
-ଏହାପରେ ଏକ ଅଲଗା ପାତ୍ରରେ ପାଣି ଏବଂ ଚିନି ପକାଇ ଘୋଳ ବନାନ୍ତୁ।
-ଯେତେବେଳେ ଆମ୍ବ ନରମ ହୋଇଯିବ ସେଥିରେ ସୁଖିଲା ମସଲା ପକାଇ ଦିଅନ୍ତୁ।
-ମସଲା ପକାଇ ୫ –୧୦ ମିନିଟ ପଯ୍ୟର୍ନ୍ତ ଭାଜନ୍ତୁ, ଏହାପରେ ରଖିଥିବା ଚିନିର ଘୋଳକୁ ସେଥିରେ ପକାନ୍ତୁ।
-ଏବେ ଏହି ସବୁକୁ ମିଶାଇ ରାନ୍ଧନ୍ତୁ। ଏହାର ରଙ୍ଗ ସୁନେଲୀ ହେବା ପଯ୍ୟର୍ନ୍ତ ରଖନ୍ତୁ।
-ଏବେ ଆପଣଙ୍କ ଖଟା ମିଠା ଆମ୍ବ ପ୍ରସ୍ତୁତ ହୋଇଯାଇଛି।

Argus News | argus news | Odisha Latest News, Breaking News, Trending News, Live TV