ବିଜେଡି ବିଜୁଙ୍କ ପ୍ରତି ନିଷ୍ଠା ନୁହଁ ବରଂ ବିଜୁଙ୍କ ନାଁକୁ ବ୍ୟବହାର କରି ରାଜନୀତି କରୁଥିଲା
ବିଧାନସଭାରେ ବିଜେଡିର ପ୍ରତିବାଦ, ବିଜେପିର କାଉଣ୍ଟର...
ଶଙ୍ଖ ଭବନରେ କାହିଁକି ବିଜୁଙ୍କ ଫଟୋ ନାହିଁ ?
ବିଜୁ ଜୟନ୍ତୀରେ ବିଧାନସଭା ଆସିଲେ ନାହିଁ ନବୀନ
ନିର୍ବାଚନ ପୂର୍ବରୁ କାହିଁକି ବ୍ୟାନରରୁ ହଟିଲା ବିଜୁଙ୍କ ଫଟୋ ?
ମାହାଙ୍ଗା ମୂର୍ତ୍ତି ଭାଙ୍ଗିବା ପଛରେ ବିଜେଡି କର୍ମୀ....

ବିଜେଡିର ପ୍ରତିବାଦ ନେଇ ଖୁସି ନାହାନ୍ତି କି ନବୀନ । ବିଜୁ ଙ୍କ ନାଁ ନେଇ ଦଳ କରୁଥିବା ପଞ୍ଚାୟତିରାଜ ଦିବସ ପଲିଟିକ୍ସ ନବୀନଙ୍କୁ କରିଛି କି ଖପ୍ପା । ବିଧାନସଭାକୁ ଆସି ବି ବିଜେଡ଼ିର ପ୍ରତିବାଦ ରେ କାହିଁକି ସାମିଲ ହେଲେ ନାହିଁ ନବୀନ । ଘଟଣା ଥିଲା- ବିଜୁଙ୍କୁ ନେଇ ଗୃହ ଭିତରେ ଗୃହ ବାହାରେ ତୋଡ଼ ଦେଖାଇଥିଲେ ବିଜେଡି ଏମଏଲଏ । କିନ୍ତୁ ନୀରବ ରହି କଡ଼େଇ ହୋଇ ଚାଲିଗଲେ ବିଜୁ ନନ୍ଦନ । ନବୀନଙ୍କ ଏ ଆଭିମୁଖ୍ୟ ସମସ୍ତଙ୍କୁ ଚକିତ କରି ରଖିଦେଲା । ବାପାଙ୍କ ପାଇଁ ସାନ ପୁଅର ନାହିଁ କି ଟିକେ ଦରଦ ? ସୁଯୋଗର ଫାଇଦା ଉଠାଇ ଜବାବ ଦେଲେ ବିଜେପି ବିଧାୟକ । ବିଜୁଙ୍କ ରୋଗଗ୍ରସ୍ତ ସମୟରେ ନବୀନ କେତେ ଯତ୍ନ ନେଇଥିଲେ ପଚାରି ବିଜେଡିର କରିଦେଲେ ମୁଁହ ବନ୍ଦ । ମନ୍ତ୍ରୀ ପଚାରିଲେ ଶଙ୍ଖ ଭବନର ଭିତିରି କଥା । ଚାଲିଲା ବାକ୍ ବିତଣ୍ଡା । ବିଧାନସଭା ବଜେଟ ଅଧିବେଶନର ଦ୍ଵିତୀୟ ପର୍ଯ୍ୟାୟରେ ଦେଖିବାକୁ ମିଳିଛି ଏମିତି ରୋଚକ ଦୃଶ୍ୟ । ବିରୋଧୀ ଦଳ ଉପ ନେତା ପ୍ରସନ୍ନ ଆଚାର୍ଯ୍ୟ ଓ ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁଙ୍କ ଯୁକ୍ତି ବ୍ୟକ୍ତିଗତ ଆକ୍ଷେପ ଉଚିତ୍ ନୁହେଁ।

ବିଜୁଙ୍କୁ ନେଇ ବିଧାନସଭାରେ ବିଜେଡିର ହଙ୍ଗାମା, ବିଜେପି କଲା କାଉଣ୍ଟର ଆଟାକ୍ । ପଞ୍ଚାୟତରାଜ ମନ୍ତ୍ରୀ କହିଲେ ଶଙ୍ଖ ଭବନରେ ନାହିଁ ବିଜୁଙ୍କ ପ୍ରତିମୂର୍ତ୍ତି । ଏ ଥିରୁ ସ୍ପଷ୍ଟ ବିଜେଡି କେତେ ବିଜୁ ବାବୁଙ୍କୁ ଦିଏ ସମ୍ମାନ । ବିଜୁଙ୍କୁ ନେଇ ବିଜେଡି ରାଜନୀତି କରୁଛି । କିନ୍ତୁ ଆମେ ତାଙ୍କୁ ଆଗରେ ରଖିଛୁ କହିଥିବା ବେଳେ ବିଜେପି ବିଧାୟକ ଟଙ୍କଧର ତ୍ରିପାଠୀ କହିଛନ୍ତି ବିଜେଡି ବିଜୁଙ୍କୁ ନେଇ ରାଜନୈତିକ ସ୍ୱାର୍ଥରେ ରାଜନୀତି କରୁଛି । ବିଜୁ ବାବୁ ଯେତେ ବେଳେ ରୋଗଗ୍ରସ୍ତ ହୋଇଥିଲେ ତାଙ୍କ ମୁଖିଆ କେତେ ତାଙ୍କର ଯତ୍ନ ନେଇଥିଲେ । ଯାହା ନାମରେ ଦଳ କଲେ ତାଙ୍କ ଫଟୋକୁ ସ୍ଥାନ ଦେଲେ ନି କିନ୍ତୁ ତାମିଲଙ୍କ ଫଟୋ ମାରି ବୁଲିଲେ।

ସେପଟେ ବିଜୁ ବାବୁଙ୍କ ଅସ୍ଥି ବିସର୍ଜନ ନ ହୋଇ ପୁରୀ ସ୍ବର୍ଗଦ୍ବାରରେ ରହିବାକୁ ନେଇ ଜଗନ୍ନାଥ ସେନା ବି କରିଛି ନିଶାନା.. ନବୀନଙ୍କ ପୁତ୍ର ଧର୍ମ କୁଆଡେ ଗଲା ବୋଲି ପ୍ରଶ୍ନ କରି ଆଉ କେତେ ଦିନ ଧରି ଅସ୍ଥି ବିସର୍ଜନ ନ ହୋଇ ରହିବ ବୋଲି କରିଛି ପ୍ରଶ୍ନ...କେବଳ ଜଗନ୍ନାଥ ସେନା ନୁହେଁ ସାଧାରଣ ଲୋକେ ବି ବିଜେଡିର ବିଜୁ ପ୍ରେମକୁ ନେଇ ପ୍ରଶ୍ନ ଉଠାଇଛନ୍ତି
ବିଜୁ ପଟ୍ଟନାୟକଙ୍କୁ ନେଇ କଣ ଚାହୁଛନ୍ତି ନବୀନ ? ବିଧାନସଭାରେ କାହିଁକି ଦେଖାଇଲେ ଏମିତି ଆଭିମୁଖ୍ୟ ? ବାପାଙ୍କୁ ନେଇ ଯେତେବେଳେ ଦଳ ରଣ ହୁଙ୍କାର ଦେଉଛି, ତାଙ୍କ ନୀରବ ରହିବା ଉଦ୍ଦେଶ୍ୟ କଣ ? କଣ ଖାଲି ସରକାରଙ୍କୁ କଟାକ୍ଷ କରି ସାରିଦେଲେ କାମ। ନା କାହାର ଚାପରେ ହୋଇଥିଲେ ସେଦିନ ଚେପା? ଦଳର ସାଥିରେ ସାଥ ନ ଦେବା ବଢ଼ାଉଛି ଦ୍ଵନ୍ଦ । ନା ସେ ସରକାରଙ୍କ ନିଷ୍ପତ୍ତିରେ ଅଛନ୍ତି ଖୁସି । ବାପାଙ୍କ ଜନ୍ମ ଜୟନ୍ତୀ ଓ ପଞ୍ଚାୟତି ରାଜ ଦିବସ ଅଲଗା ଅଲଗା ହେଉ ଚାହାଁନ୍ତି କି ନବୀନ । ତେବେ ବିଧାୟକଙ୍କୁ କଣ୍ଟ୍ରୋଲ କରୁଛି କିଏ ? ବିଜୁଙ୍କ ପାଇଁ ଅଣ ଓଡ଼ିଆ ଦଳର ସଦସ୍ୟଙ୍କୁ ବିଧାନସଭାରେ କରୁନାହାନ୍ତି ତ ବ୍ୟବହାର । ଯାହା ଆଜି ବେଶ ବାରି ହୋଇପଡୁଛି।

Argus News | argus news | Odisha Latest News, Breaking News, Trending News, Live TV