ନିପାତ ହେଉଛନ୍ତି ମାଓବାଦୀ । ପୁଣି ଛତିଶଗଡ ଦାନ୍ତେୱାଡାରେ ଏନ୍‌କାଉଣ୍ଟର । ସୁରକ୍ଷାକର୍ମୀଙ୍କ ଗୁଳିରେ ମହିଳା ମାଓବାଦୀ ମୃତ । ଦାନ୍ତେୱାଡା ଓ ବିଜାପୁର ସୀମାରେ ଗୁଳିବିନିମୟ ଜାରି । ଇନ୍‌ସାସ୍‌ ରାଇଫଲ ସମେତ ବିପୁଳ ମାରଣାସ୍ତ୍ର ଜବତ ।

ଗତକାଲି ଛତିଶଗଡ ଦାନ୍ତେୱାଡା ରେ ଯବାନଙ୍କ ଏନକାଉଣ୍ଟରରେ ମଧ୍ୟ ୩ ମାଓବାଦୀ ନିପାତ ହୋଇଥିଲେ । ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମରେ ଟଳି ପଡିଥିଲେ ୩ ମାଓବାଦୀ । ବିଜାପୁର-ଦାନ୍ତେୱାଡା ସୀମାବର୍ତ୍ତୀ ଜଂଗଲ ରେ ଗୁଳି ବିନିମୟ ଚାଲିଥିଲା । କେବଳ ସେତିକି ନୁହେଁ ଘଟଣାସ୍ଥଳରୁ ବିପୁଳ ପରିମାଣରେ ମାରଣାସ୍ତ୍ର ଜବତ କରିଥିଲେ ସୁରକ୍ଷା କର୍ମୀ।

ଲଗାତାର ୪ ଦିନ ହେବ ଚାଲିଛି ଅପରେସନ । ଛତିଶଗଡ଼ର ଦାନ୍ତେୱାଡ଼ା-ବିଜାପୁର ସୀମାରେ ଚାଲିଛି DRG, କୋବ୍ରା ବାହିନୀଙ୍କ ମିଳିତ ଅପରେସନ ଚାଲିଛି । ମିଳିତ କୁମ୍ବିଂ ଅପରେସନ ସମୟରେ ସୁରକ୍ଷା କର୍ମୀଙ୍କ ଗୁଳିରେ ନିହତ ହେଉଛନ୍ତି ଜଣଙ୍କ ପରେ ଜଣେ ମାଓବାଦୀ । ଆଜି ଆଉ ଜଣେ ମହିଳା ମାଓବାଦୀର ମୃତଦେହ ଉଦ୍ଧାର ହୋଇଛି । ଏବେ ବି ସ୍ଥାନୀୟ ଅଞ୍ଚଳରେ ଚାଲିଛି ଗୁଳି ବିନିମୟ । ଗୋଟିଏ ଇନ୍‌ସାସ୍‌ ରାଇଫଲ୍ ଓ ଅନ୍ୟାନ୍ୟ

ମାଓ ସାମଗ୍ରୀ ଜବତ ହୋଇଛି । ଗତକାଲି ବିଜାପୁର ଜିଲ୍ଲାରେ ଏକାସାଙ୍ଗରେ ୫୦ ମାଓବାଦୀ ପୋଲିସ ନିକଟରେ ଆତ୍ମସମର୍ପଣ କରିଥିଲେ । ୬୮ ଲକ୍ଷ ଟଙ୍କା ପୁରସ୍କାର ରାଶି ଥିବା ୧୪ ଜଣ ମାଓବାଦୀଙ୍କ ସମେତ ମୋଟ ୫୦ ଜଣ ମାଓବାଦୀ ପୋଲିସ ଅଧୀକ୍ଷକ ଜିତେନ୍ଦ୍ର ଯାଦବଙ୍କ ସମ୍ମୁଖରେ ଆତ୍ମସମର୍ପଣ କରିଥିଲେ ।

Argus News | argus news | -Argusnews Home: Odisha Latest News, Breaking News, Trending News, Live TV and more