ଦିନିକିଆ ମହିଳା କ୍ରିକେଟ ବିଶ୍ୱକପ୍‌ରେ ୧୩ ତମ ମ୍ୟାଚ୍‌ରେ ରବିବାର ଭାରତ ଓ ଅଷ୍ଟ୍ରେଲିଆ ମଧ୍ୟରେ ଲଢ଼େଇ ଚାଲିଛି। ବିଶାଖାପାଟଣାରେ ଖେଳା ଯାଉଥିବା ଏହି ମ୍ୟାଚ୍‌ରେ ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିବା ବେଳେ ଭାରତ ଭଲ ଆରମ୍ଭ କରିଛି । ଭାରତ ପକ୍ଷରୁ ସ୍ମୃତି ମନ୍ଧାନା ଓ ପ୍ରତୀକା ରାୱଲ ଧୂଆଁଧର ଓପନିଂ କରିଥିଲେ । ଉଭୟ ଖେଳାଳି ପାୱାର ପ୍ଲେରେ ଭଲ ସଟ୍ସ ମାରିଥିଲେ । କୌଣସି ୱିକେଟ୍ ନ ହରାଇ ପାୱାର ପ୍ଲେରେ ଭାରତ ୫୮ ରନ୍ କରିବାରେ ସକ୍ଷମ ହୋଇଥିଲା । ଆଉ ସ୍ମୃତି ମନ୍ଧାନା ଏକ ବଡ଼ ରେକର୍ଡ କରିଥିଲେ । ବାମ ହାତୀ ବ୍ୟାଟର ସମ୍ମୃତି ଚଳିତବର୍ଷ ମହିଳା ଦିନିକିଆରେ ୧ ହଜାର ରନ୍ ସଂଗ୍ରହ କରିଛନ୍ତି । ବର୍ତ୍ତମାନ ଭାରତ ପ୍ରଥମେ ବ୍ୟାଟିଂ କରି ୩୩୦ ରନ୍ ୪୮.୫ ଓଭରରେ କରି ଅଲ୍ ଆଉଟ୍ ହୋଇଯାଇଛି। ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ଆଗରେ ବିଶାଳ ସ୍କୋର କରିବ ଟାର୍ଗେଟ୍ ନେଇ ପଡ଼ିଆକୁ ଓହ୍ଲାଇଥିବା ଭାରତୀୟ ଓପନର ସ୍ମୃତି ମନ୍ଧାନା ଓ ପ୍ରତିକା ରାୱଲ ଜବରଦସ୍ତ ବ୍ୟାଟିଂ ପ୍ରଦର୍ଶନ କରିଥିଲେ। କଙ୍ଗାରୁ ବୋଲରଙ୍କୁ ପ୍ରହାର କରି ସେମାନଙ୍କର ଲାଇନ ଲେନ୍ଥ ବିଗାଡ଼ି ଦେଇଥିଲେ। ଅଷ୍ଟ୍ରେଲିଆର ଆନାବେଲ ସଦରଲ୍ୟାଣ୍ଡ ୪୯ତମ ଓଭରରେ କ୍ରାନ୍ତି ଗୌଡ ଏବଂ ଶ୍ରୀ ଚରଣୀଙ୍କୁ ଆଉଟ୍ କରି ଭାରତୀୟ ଇନିଂସକୁ ଶେଷ କରିଥିଲେ।

ଏହାପରେ ମନ୍ଧାନଙ୍କ ୱିକେଟ୍ ଯାଇଥିଲା। ଦୁଇ ଓପନର ଆଜି ଶତକ ହାସଲ କରିବାରୁ ବଞ୍ଚିତ ହୋଇଛନ୍ତି। ୨୪.୩ ଓଭର ବେଳେ ସ୍ମୃତି ମନ୍ଧାନା ୮୦ ରନ୍ କରି ଆଉଟ ହୋଇଥିଲେ। ସେ ତାଙ୍କ ଇନିଂସରେ ୯ଟି ଚୌକା ଓ ୩ ଛକ୍କା ମାରିଥିଲେ।ସଦରଲ୍ୟାଣ୍ଡ ତାଙ୍କ ଜନ୍ମଦିନରେ ପାଞ୍ଚଟି ୱିକେଟ ନେଇଥିଲେ। ତଥାପି, ଟିମ୍ ଇଣ୍ଡିଆ ଏକ ବିଶ୍ୱ ରେକର୍ଡ ସ୍ଥାପନ କରିଛି। ବିଶ୍ୱକପ ମୁକାବିଲାରେ ଏହା ଦ୍ୱିତୀୟ ଥର ପାଇଁ ଅଷ୍ଟ୍ରେଲିଆ ବିପକ୍ଷ ସ୍କୋର ୩୦୦ ଅତିକ୍ରମ କରିଛି। ଆଉ ଦୁଇଟି ଯାକ ଭାରତୀୟ ଟିମ କରି ରେକର୍ଡ କରିଛି। ରିଚା ଘୋଷ ଆଜି ମଧ୍ୟ ବିସ୍ଫୋରକ ବ୍ୟାଟିଂ ପ୍ରଦର୍ଶନ କରିଥିଲେ। ହେଲେ ସେ ଆଜି ବଡ଼ ସ୍କୋର କରିବାରେ ବିଫଳ ହୋଇଥିଲେ।

ଦ୍ରୁତ ଗତିରେ ସ୍କୋର ବଢ଼ାଇବ ଚକ୍କରେ ପ୍ରତୀକା ମଧ୍ୟ ୯୬ ବଲ୍‌ରେ ୭୫ ରନ୍ କରି ଆଉଟ୍ ହୋଇଯାଇଥିଲେ। ଆଜି ବି କ୍ୟାପ୍ଟେନ୍ କୌରଙ୍କର ପ୍ରଦର୍ଶନ ସେତେ ଭଲ ହୋଇପାରି ନଥିଲା। ସେ ମାତ୍ର ୨୨ ରନ୍ କରି ଆଉଟ୍ ହୋଇଥିଲେ। ସେହିପରି ହରଲୀନ ଦେଓଲ ଜେମିମାଙ୍କ ସହ ମିଶି ଦଳୀୟ ସ୍କୋରକୁ କିଛି ବାଟ ଆଗକୁ ନେଇଥିଲେ। ୩୭.୨ ଓଭର ବେଳକୁ ହରଲୀନ ୩୮ ରନ୍ କରି ପାଭିଲିଅନ ଫେରିଯାଇଥିଲେ। ସେପଟେ ଅଷ୍ଟ୍ରେଲିଆ ବିପକ୍ଷରେ ସ୍ମୃତି ମନ୍ଧାନା ୮୦ ରନ୍‌ କରିବା ସହ ବଡ଼ ରେକର୍ଡର ଅଧିକାରୀ ହୋଇଛନ୍ତି । ସେ ODIରେ ୫୦୦୦ ରନ ପୂରଣ କରିଛନ୍ତି । ଏପରି କରିବାରେ ବିଶ୍ୱର ପଞ୍ଚମ ଏବଂ ଭାରତର ଦ୍ୱିତୀୟ ବ୍ୟାଟର ହୋଇଛନ୍ତି ସ୍ମୃତି ମନ୍ଧାନା । ଏହା ପୂର୍ବରୁ ପୂର୍ବତନ ଭାରତୀୟ ଅଧିନାୟିକା ମିତାଲି ରାଜ ଦିନିକିଆ କ୍ରିକେଟରେ ୫୦୦୦ ରନ ପୂରଣ କରିଥିଲେ।

ଏଥିସହ ପଢ଼ନ୍ତୁ: ମହିଳା କ୍ରିକେଟରେ ପ୍ରଥମ, ଚଳିତବର୍ଷ ମହିଳା ଦିନିକିଆରେ ହଜାରେ ରନ୍ କଲେ ସ୍ମୃତି

ଭାରତକୁ ପେନାଲ୍ଟି ରନ୍, ମନ୍ଧାନଙ୍କ ରେକର୍ଡ ଆଜି ଇନିଂସର ୨୯ତମ ଓଭରରେ ଭାରତକୁ ୫ ପେନାଲ୍ଟି ରନ୍ ଦିଆଯାଇଛି । ଅଷ୍ଟ୍ରେଲୀୟ ଅଧିନାୟିକା ଏକ ବଡ଼ ଭୁଲ କରିଛନ୍ତି । ପ୍ରତୀକା ରାଓ୍ବଲ, ଆନାବେଲ ସଦରଲାଣ୍ଡଙ୍କ ଏକ ଧୀର ବଲରେ ଏକ ଶକ୍ତିଶାଳୀ ସ୍ଲଗ୍ ସ୍ୱିପ୍ ଚେଷ୍ଟା କରିଥିଲେ, କିନ୍ତୁ ସେ ବିଫଳ ହୋଇଥିଲେ । ବଲଟି ସିଧା ଷ୍ଟମ୍ପ ପଛରେ ଆଲିସା ହିଲିଙ୍କ ପାଖକୁ ଚାଲିଯାଇଥିଲା। ବଲଟି ପରେ ତଳେ ଥିବା ହିଲିଙ୍କ ହେଲମେଟରେ ବାଜି ଡିପ୍ ଫାଇନ୍ ଲେଗକୁ ଯାଇଥିଲା। ଅଷ୍ଟ୍ରେଲିଆର ବଲକୁ ଧରିବାରେ ବିଫଳତା ମହଙ୍ଗା ସାବ୍ୟସ୍ତ ହୋଇଥିଲା । ଫଳରେ ଭାରତକୁ ମିଳିଥିଲା ୫ ରନ୍‌।

MCC ରୁଲ୍ ବୁକ୍‌ର ନିୟମ 28.3.2 ଅନୁଯାୟୀ, ଯଦି ବଲ ପଡ଼ିଆରେ ଥିବା ଫିଲ୍ଡିଂ ଦଳର ହେଲମେଟରେ ବାଜେ, ତେବେ ଅମ୍ପାୟାର ବ୍ୟାଟିଂ ଦଳକୁ ୫ ପେନାଲ୍ଟି ରନ୍ ଦେବେ। ନିୟମରେ ଏହା ମଧ୍ୟ କୁହାଯାଇଛି, ‘ବଲ ହେଲମେଟରେ ବାଜିବା ପୂର୍ବରୁ ବ୍ୟାଟର କରିଥିବା ରନ ହିସାବ କରାଯିବ । ଯଦି ବଲ୍ ବାଜିବା ସମୟରେ ବ୍ୟାଟର ପରଷ୍ପରକୁ ପାସ୍ କରିଥାନ୍ତି, ତେବେ ସେହି ରନ ମଧ୍ୟ ଯୋଡାଯିବ।’ ଭାରତ-ଅଷ୍ଟ୍ରେଲିଆ ମ୍ୟାଚ୍ ରେ, ବଲ୍ ସେମାନଙ୍କ ହେଲମେଟରେ ବାଜିବା ପୂର୍ବରୁ ବ୍ୟାଟର ପରଷ୍ପରକୁ ପାସ୍ କରିପାରି ନଥିଲେ। ତେଣୁ ବ୍ୟାଟିଂ ଦଳକୁ କୌଣସି ଅତିରିକ୍ତ ରନ ମିଳି ପାରିନଥିଲା। ତେଣୁ ନିୟମ ଅନୁସାରେ, ବ୍ୟାଟିଂ କରୁଥିବା ଦଳ (ଭାରତ)କୁ ୫ ପେନାଲ୍ଟି ରନ୍‌ ମିଳିଥିଲା ।

ଅଧିକ ପଢ଼ନ୍ତୁ ଖେଳ ଖବର:

Argus News | argus news | Odisha Latest News, Breaking News, Trending News, Live TV