ମହାଦେବଙ୍କ ଅତିପ୍ରିୟ ଶ୍ରାବଣ । ଧାର୍ମିକ ମାନ୍ୟତା ଅନୁସାରେ ଏହି ମାସରେ ଭଗବାନ ଶିବ ଓ ମାତା ପାର୍ବତୀଙ୍କୁ ବିଧିବିଧାନ ସହକାରେ ପୂଜା କଲେ ମନସ୍କାମନା ପୂର୍ଣ୍ଣ ହୋଇଥାଏ। କୁହାଯାଏ ଯେ, ମାତା ପାର୍ବତୀ ଭଗବାନ ଶିବଙ୍କୁ ପାଇବା ପାଇଁ ଶ୍ରାବଣ ମାସରେ କଠୋର ତପ କରିଥିଲେ। ଶ୍ରାବଣରେ ମାତା ପାର୍ବତୀ ଓ ଭଗବାନ ଶିବ ଭୂଲୋକରେ ଭ୍ରମଣ କରନ୍ତି । ତେଣୁ ଏହି ପବିତ୍ର ମାସରେ ମହାଦେବଙ୍କ ଆଶୀର୍ବାଦ ପାଇଁ କାଉଡ଼ି ଯାତ୍ରାର ପରମ୍ପରା ରହିଆସିଛି ।

ପାଦରେ ଫୋଟକା ବାହାରୁ, ଚମ ଛାଡୁ...ଯେତେ କଷ୍ଟ ହେଉ ପଛେ କାଉଡିଆ ଟିଏ କିଲୋମିଟର କିଲୋମିଟର ଚାଲି ଚାଲି ଶିବଙ୍କୁ ଜଳ ଅର୍ପଣ କରିଥାଏ । ସେ ଯେତେ କଷ୍ଟ ହେଉ ନା କାହିଁକି ଥରେ ପାଣି ଉଠାଇଲେ ଯେ ପର୍ଯ୍ୟନ୍ତ ଜଳ ଲିଙ୍ଗ ଉପରେ ଅର୍ପିଣ ନକରିଛନ୍ତି ସେ ପର୍ଯ୍ୟନ୍ତ ଚାଲିଥାନ୍ତି କାଉଡିଆ । ଏହି ଯାତ୍ରା ଯେତେ ଅସମ୍ଭବ ହେଉ ନା କାହିଁକି ପ୍ରତିବର୍ଷ ଲକ୍ଷ ଲକ୍ଷ କାଉଡିଆ ଯାତ୍ରା କରିଥାନ୍ତି ।

Argus News | argus news | Odisha Latest News, Breaking News, Trending News, Live TV