ଓଡ଼ିଶା ଖବର

ବାରାଣସୀ, ୨୦/୦୮: ବାରାଣସୀର ଲାଲ ବାହାଦୁର ଶାସ୍ତ୍ରୀ ଅନ୍ତର୍ଜାତୀୟ ବିମାନବନ୍ଦରରେ ଏକ ବଡ଼ଧରଣର ବିମାନ ଦୁର୍ଘଟଣା ଅଳ୍ପକେ ଟଳିଯାଇଛି। ନଭି ମୁମ୍ବାଇ ଅଭିମୁଖେ ଯାଉଥିବା ଆକାଶା ଏୟାରର ବିମାନ (QP-1430) ଉଡ଼ାଣ ଭରିବା ସମୟରେ ଏକ ପକ୍ଷୀ ଧକ୍କାର ଶିକାର ହୋଇଥିଲା। ଫଳରେ ପାଇଲଟ୍ ସତର୍କତା ଅବଲମ୍ବନ କରି ବିମାନକୁ ପୁଣି ବାରାଣସୀ ବିମାନବନ୍ଦରକୁ ସୁରକ୍ଷିତ ଭାବେ ଫେରାଇ ଆଣିଥିଲେ। ଏହି ଘଟଣା ପରେ ବିମାନରେ ଥିବା ଯାତ୍ରୀମାନଙ୍କ ମଧ୍ୟରେ କିଛି ସମୟ ପାଇଁ ଆତଙ୍କ ଖେଳିଯାଇଥିଲା।ଇଞ୍ଜିନ ପ୍ରଭାବିତ ଓ ମରାମତି କାର୍ଯ୍ୟପକ୍ଷୀ ଧକ୍କା ହେତୁ ବିମାନର ଇଞ୍ଜିନ ସାମାନ୍ୟ ପ୍ରଭାବିତ ହୋଇଥିବା ଜଣାପଡିଛି। ମୁମ୍ବାଇରୁ ଆସିଥିବା ଏକ ସ୍ୱତନ୍ତ୍ର ଇଞ୍ଜିନିୟର ଦଳ ବୁଧବାର ରାତି ପର୍ଯ୍ୟନ୍ତ ନିରନ୍ତର ପରିଶ୍ରମ କରି ବିମାନଟିର ମରାମତି କରିଥିଲେ। ଶେଷରେ ବୁଧବାର ରାତି ୮:୩୦ ଟାରେ ବିମାନଟି କ୍ରୁ ସଦସ୍ୟଙ୍କ ସହ ମୁମ୍ବାଇ ଅଭିମୁଖେ ଯାତ୍ରା ଆରମ୍ଭ କରିଥିଲା।ଯାତ୍ରୀମାନଙ୍କ ମଧ୍ୟରେ ଆତଙ୍କ ଦେଖାଦେଇଥିଲାବିମାନରେ ୧୮୨ ଜଣ ଯାତ୍ରୀ ଏବଂ ୬ ଜଣ କ୍ରୁ ସଦସ୍ୟ ଥିଲେ। ପକ୍ଷୀ ଧକ୍କା ପରେ ଯାତ୍ରୀମାନଙ୍କ ମଧ୍ୟରେ ଆତଙ୍କ ଦେଖାଦେଇଥିଲା। ବିମାନ ଫେରିବା ପରେ ସମ୍ପୃକ୍ତ କର୍ତ୍ତୃପକ୍ଷ ବିମାନର ବୈଷୟିକ ଯାଞ୍ଚ ଆରମ୍ଭ କରିଥିଲେ। ଏହାପରେ ଆକାଶା ଏୟାର ପକ୍ଷରୁ ଯାତ୍ରୀମାନଙ୍କୁ ଏକ ହୋଟେଲରେ ରଖାଯାଇଥିଲା ଏବଂ ପରଦିନ ଅନ୍ୟ ବିମାନ ଯୋଗେ ସେମାନଙ୍କୁ ଗନ୍ତବ୍ୟସ୍ଥଳକୁ ପଠାଇବାର ବ୍ୟବସ୍ଥା କରାଯାଇଥିଲା। ତେବେ ୨୫ ଜଣ ଯାତ୍ରୀ ନିଜ ଯାତ୍ରା ବାତିଲ କରିଥିବା ଜଣାପଡ଼ିଛି।ପଢନ୍ତୁ ଏହି ଖବର: ରାଜଧାନୀରେ ପେଟ୍ରୋଲ-ଡିଜେଲ-CNG ଗାଡ଼ିକୁ 'ବ୍ରେକ୍'ଯାତ୍ରୀଙ୍କ ପାଇଁ ବ୍ୟବସ୍ଥା ଓ ବାତିଲ୍ ଯାତ୍ରାବିମାନଟି ଜରୁରୀକାଳୀନ ଅବତରଣ କରିବା ପରେ ଏୟାରଲାଇନ୍ସ କର୍ତ୍ତୃପକ୍ଷ ଯାତ୍ରୀମାନଙ୍କୁ ଏକ ହୋଟେଲରେ ରହଣିର ବ୍ୟବସ୍ଥା କରିଥିଲେ ଏବଂ ପରଦିନ ଅନ୍ୟ ଏକ ବିମାନରେ ଗନ୍ତବ୍ୟସ୍ଥଳକୁ ପଠାଇବାର ଯୋଜନା କରିଥିଲେ। ତେବେ, ଏହି ଭୟାବହ ଅଭିଜ୍ଞତା ପରେ ମୋଟ ୨୫ ଜଣ ଯାତ୍ରୀ ସେମାନଙ୍କର ଯାତ୍ରା ସମ୍ପୂର୍ଣ୍ଣ ଭାବେ ବାତିଲ କରିଦେଇଥିଲେ।ପୂର୍ବରୁ ଜରୁରୀକାଳୀନ ଅବତରଣ କରିଥିଲାସୂଚନା ମୁତାବକ, ଏହି ବିମାନଟି ପୂର୍ବରୁ ମୁମ୍ବାଇ ବିମାନବନ୍ଦରରେ ଜଣେ ଅସୁସ୍ଥ ଯାତ୍ରୀଙ୍କ ପାଇଁ ଜରୁରୀକାଳୀନ ଅବତରଣ କରିଥିଲା। ଏହି କାରଣରୁ ବିମାନଟି ପ୍ରାୟ ଦୁଇ ଘଣ୍ଟା ବିଳମ୍ବରେ ବାରାଣସୀରେ ପହଞ୍ଚିଥିଲା। ଏହାପରେ ମୁମ୍ବାଇ ଫେରିବା ସମୟରେ ପକ୍ଷୀ ଧକ୍କାର ସମ୍ମୁଖୀନ ହୋଇଥିଲା। ଘଟଣାଟି ବାରାଣସୀ ବିମାନବନ୍ଦରର ସୁରକ୍ଷା ବ୍ୟବସ୍ଥା ନେଇ ମଧ୍ୟ ପ୍ରଶ୍ନ ଉଠାଇଛି। ବିମାନବନ୍ଦର ଅଞ୍ଚଳରେ ପକ୍ଷୀ ଧକ୍କାର ସମ୍ଭାବନା ନେଇ ପୂର୍ବରୁ ସତର୍କତା ଜାରି ହୋଇଥିବା ସତ୍ତ୍ୱେ ଆବଶ୍ୟକ ପଦକ୍ଷେପ ନିଆଯାଇନଥିବା ଅଭିଯୋଗ ରହିଛି। ଭବିଷ୍ୟତରେ ଏଭଳି ଘଟଣାକୁ ରୋକିବା ପାଇଁ ବିମାନବନ୍ଦର ପ୍ରଶାସନ ପକ୍ଷରୁ ଅଧିକ ସତର୍କତା ଓ ପ୍ରଭାବୀ ପଦକ୍ଷେପ ନେବାର ଆବଶ୍ୟକତା ରହିଛି।

ଆସୁଛି ଆଉ ଏକ ଲଘୁଚାପ... ଆସନ୍ତା ୨୨ ଓ ୨୩ ଆଡ଼କୁ ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ପାର୍ଶ୍ୱବର୍ତ୍ତୀ ଉତ୍ତର ଓଡ଼ିଶା ଉପକୂଳରେ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି । ଯାହାର ପ୍ରଭାବରେ ଆସନ୍ତା ୨୨ ତାରିଖରୁ ରାଜ୍ୟରେ ପୁଣି ବଢ଼ିବ ବର୍ଷା । ଏପଟେ ଉତ୍ତର ଝାଡ଼ଖଣ୍ଡ, ସଂଲଗ୍ନ ଦକ୍ଷିଣ-ପଶ୍ଚିମ ବିହାର ଓ ଦକ୍ଷିଣ-ପୂର୍ବ ଉତ୍ତରପ୍ରଦେଶ ଉପରେ ଥିବା ଅବପାତ ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରି ଦୁର୍ବଳ ହୋଇ ସୁସ୍ପଷ୍ଟ ଲଘୁଚାପ କ୍ଷେତ୍ରରେ ପରିଣତ ହୋଇଛି । ଆସନ୍ତା ୨୪ ଘଣ୍ଟା ପାଇଁ ରାଜ୍ୟରେ ବର୍ଷାର ସମ୍ଭାବନା ନଥିବାରୁ କୌଣସି ଚେତାବନୀ ଜାରି କରାଯାଇନାହିଁ। କିନ୍ତୁ ୨୧ ତାରିଖ ପାଇଁ ମୟୁରଭଞ୍ଜ, କେଉଁଝର ଓ ସୁନ୍ଦରଗଡ଼ ଜିଲ୍ଲାରେ ବିଜୁଳି ଘଡ଼ଘଡ଼ି ସହ ପ୍ରବଳ ବର୍ଷା ସମ୍ଭାବନା ଥିବାରୁ ଜାରି ହୋଇଛି ୟେଲୋ ଆଲର୍ଟ।ସେପଟେ ସୁବର୍ଣ୍ଣରେଖା ନଦୀରେ ବନ୍ୟା ଆସିବା ଫଳରେ ବାଲେଶ୍ବର ଜିଲ୍ଲା ଜଳେଶ୍ବର, ଭୋଗରାଇ, ବାଲିଆପାଳ ଓ ବସ୍ତା ବ୍ଲକ୍‌ରେ ବନ୍ୟା ପରିସ୍ଥିତି ଗମ୍ଭୀର ହୋଇଛି। ବନ୍ୟା ଯୋଗୁ ଶତାଧିକ ଗାଁ ଜଳବନ୍ଦି ହୋଇପଡ଼ିଛି । ଉତ୍ତର ବାଲେଶ୍ବରର ୪୦ଟି ପଞ୍ଚାୟତର ଲକ୍ଷାଧିକ ଲୋକ ପ୍ରଭାବିତ ହୋଇଛନ୍ତି । ବିଶେଷକରି ଭୋଗରାଇ ଓ ବାଲିଆପାଳ ବ୍ଲକ୍‌ର ହଜାର ହଜାର ଲୋକ ଏବେ ପାଣି ଘେରରେ ଅଛନ୍ତି। ଜରୁରୀକାଳୀନ ସ୍ଥିତିର ମୁକାବିଲା ପାଇଁ ଉତ୍ତର ବାଲେଶ୍ବରର ୪ଟି ବ୍ଲକ୍‌ରେ ଓଡ୍ରାଫ୍, ଏନଡିଆରଏଫ୍ ଓ ଅଗ୍ନିଶମ ବାହିନୀକୁ ନିୟୋଜିତ କରାଯାଇଛି ।ବିପଦ ସଙ୍କେତ ଉପରେ ସୁବର୍ଣ୍ଣରେଖା ନଦୀର ଜଳସ୍ତର । ଫଳରେ ବାଲିଆପାଳ ବ୍ଲକର ୯ରୁ ଉର୍ଦ୍ଧ୍ବ ପଞ୍ଚାୟତ ପ୍ରଭାବିତ ହୋଇଛି । ରାଜଘାଟ ଠାରେ ବିପଦ ସଂକେତ ଟପିଛି ନଦୀର ଜଳସ୍ତର । ବିପଦ ସଂକେତ ୧୦.୩୬ ମିଟର ରହିଥିବା ବେଳେ ସକାଳ ୬ଟା ସୁଦ୍ଧା ଏହା ୧୧.୮୦ ମିଟରରେ ପ୍ରବାହିତ ହେଉଛି। ବନ୍ୟା ବିପନ୍ନଙ୍କ ପାଇଁ ପ୍ରଶାସନ ପକ୍ଷରୁ ୧୫ଟି ସ୍ଥାନରେ ମାଗଣା ରନ୍ଧା ଖାଦ୍ୟର ବ୍ୟବସ୍ଥା କରାଯାଇଛି । ସମସ୍ତ ପ୍ରଭାବିତ ଅଞ୍ଚଳରେ ଲୋକଙ୍କୁ ଶୁଖିଲା ଖାଦ୍ୟ ଯୋଗାଇ ଦିଆଯାଉଛି। ତେବେ ବାଲିଆପାଳ ବ୍ଲକର ୪୫ ହଜାରରୁ ଅଧିକ ଲୋକ ବନ୍ୟା ଦ୍ବାରା ପ୍ରଭାବିତ ହୋଇଥିବା ବେଳେ ଅଞ୍ଚଳରେ ଉଦ୍ଧାର କାର୍ଯ୍ୟଲାଗି ନିୟୋଜିତ ଅଛନ୍ତି ୯ଟି ଏସଆରସି ଓ ବୋଟ୍ ସମେତ 3ଟି ଓଡ୍ରାଫ ଟିମ୍। ନଦୀ ବନ୍ଧ ଭାଙ୍ଗିଯିବା ଭୟରେ ରାତି ତମାନ ପହରା ଦେଇଛନ୍ତି ଅଞ୍ଚଳବାସୀ । କେନ୍ଦ୍ରାପଡ଼ାରେ ବୈତରଣୀ ଓ ଖରସ୍ରୋତା, ବ୍ରାହ୍ମଣୀ ଓ କାଣୀ ନଦୀରେ ବନ୍ୟା ଜଳ ଆସିବା ପରେ ଚିନ୍ତା ବଢ଼ିଛି। ରାଜକନିକା ବ୍ଲକ ଅନ୍ତର୍ଗତ ବାରହା ଦୋମଣ୍ଡ ପଞ୍ଚାୟତର କାଇମା କନପୁରୁରୁ ଗୁଣ୍ଠଳ ଲୁଣା ଘେରି ବନ୍ଧରେ ସୃଷ୍ଟି ହୋଇଛି ୭୦ ଫୁଟର ଘାଇ । ଭୟ ଭିତରେ ଗୁଣ୍ଠଳ, ମାନପୁରୁ ଓ ଦୋମଣ୍ଡ ଗାଁ ଲୋକେ। ହଜାର ହଜାର ହେକ୍ଟର ଚାଷ ଜମିରେ ମାଡି ଗଲା ବନ୍ୟା ପାଣି ।