ଅର୍ଗସ ବ୍ୟୁରୋ : ଓଡ଼ିଶାରେ ରାହୁଲ ଗାନ୍ଧୀଙ୍କ ଆଜି ନ୍ୟାୟ ଯାତ୍ରାର ତୃତୀୟ ଦିନ । ଝାରସୁଗୁଡାରେ ଏକ ସାଧାରଣ ସଭାରେ ଯୋଗ ଦେବେ ରାହୁଲ । ଗତକାଲି ସୁନ୍ଦରଗଡ଼ ଜିଲ୍ଲାରେ ନ୍ୟାୟ ଯାତ୍ରା ବେଳେ ବିଜେଡିକୁ ରାହୁଲ ଗାନ୍ଧି ସାଙ୍ଘାତିକ ଆକ୍ରମଣ କରିଥିଲେ । ସେ କହିଥିଲେ ଓଡ଼ିଶାରେ ବହୁ ଶିଳ୍ପ ପ୍ରତିଷ୍ଠାନ ବନ୍ଦ ହୋଇ ଯାଇଥିବା ବେଳେ ବେରୋଜଗାରୀ ବଢ଼ିଛି। ଗତ ୪୦ ବର୍ଷରେ ଦେଶରେ ସବୁଠାରୁ ଅଧିକ ବେରୋଜଗାର ଓଡ଼ିଶାରେ ଥିବା କହିଥିଲେ।
ଅଧିକ ପଢନ୍ତୁ : ଓଡ଼ିଶାରେ ଜାରି ରାହୁଲ ଗାନ୍ଧିଙ୍କ ନ୍ୟାୟ ଯାତ୍ରା
ସେ ଆହୁରି ମଧ୍ୟ କହିଥିଲେ ବାହାର ରାଜ୍ୟରୁ ଓଡ଼ିଶାକୁ ଲୁଟିବାକୁ 30 କୋଟିପତି ଆସିଛନ୍ତି। ତେଣୁ ଓଡ଼ିଶାରୁ ୩୦ ଲକ୍ଷ ଲୋକ ବାହାରକୁ ଚାଲି ଯାଇଥିବା ବେଳେ ବାହାରୁ 30ଜଣ ରାଜ୍ୟ ଭିତରକୁ ଆସିଛନ୍ତି। ସେମାନେ ଓଡ଼ିଶାକୁ ଲୁଟି ନିଜେ କୋଟିପତି ହେଉଛନ୍ତି। ଓଡ଼ିଶା ଏକ ଆଦିବାସୀବହୁଳ ରାଜ୍ୟ । ମାତ୍ର ଏଠାରେ ଆଦିବାସୀ, ଦଳିତ ଓ ପଛୁଆବର୍ଗଙ୍କ ପ୍ରତି ଅତ୍ୟାଚାର ହେଉଥିବା ପରି ଆରୋପ ଲଗାଇଛନ୍ତି ରାହୁଲ ଗାନ୍ଧି ।
ଅର୍ଗସ ବ୍ୟୁରୋ: କୋରାପୁଟ ଜିଲ୍ଲା ନନ୍ଦପୁର ବ୍ଲକରେ ଜାରି ରହିଛି ବର୍ଷା । ଲଗାଣ ବର୍ଷା ଯୋଗୁଁ ମାଟି ଅତଡା ଖସି ରାସ୍ତା ବନ୍ଦ ହୋଇଯାଇଥିବା ବେଳେ, ଜୟପୁର ଲମତାପୁଟ ମୁଖ୍ୟ ରାସ୍ତାରେ ବିଭନ୍ନ ଜାଗାରେ ଗଛ ପଡ଼ି ଯାତାୟାତ ବାଧାପ୍ରାପ୍ତ ହୋଇଛି । ଅଗ୍ନିଶମ ବିଭାଗ କର୍ମଚାରୀ ରାସ୍ତାରେ ଗଛ ଗୁଡିକୁ କାଟି ରାସ୍ତା ସଫେଇରେ ଲାଗି ପଡିଛନ୍ତି l ନନ୍ଦପୁର ବ୍ଲକର କାଲାଡ଼ି ଗାଁ ନିକଟରେ ମାଟି ଅତଡା ଧସି ଖେମୁଣ୍ଡୁଗୁଡା ଏବଂ ନନ୍ଦକାକୁ ଯାତାୟତ ଠପ୍ ହୋଇଛି l ଗତ 24 ଘଣ୍ଟାରେ କୋରାପୁଟ ଜିଲ୍ଲାରେ 949 ମିଲିମିଟର ବର୍ଷା ହୋଇଥିବା ବେଳେ, ନନ୍ଦପୁର ବ୍ଲକରେ 136 ମିଲିମିଟର ଏବଂ ଲମତାପୁଟ ବ୍ଲକ ରେ 115 ମିଲିମିଟର ବର୍ଷା ରେକର୍ଡ କରାଯାଇଛି l
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଆଉ ଫିଲ୍ମ କରିବେନି ଅଭିନେତ୍ରୀ ସାମନ୍ଥା ରୁଥ ପ୍ରଭୁ। ସେଥିପାଇଁ ଗଣି ଗଣି ୧୨କୋଟି ଟଙ୍କା ଫେରାଇଦେଲେ ଅଭିନେତ୍ରୀ। ଏହାକୁ ନେଇ ଚର୍ଚ୍ଚା ଜୋର ଧରିଛି।ତେଲୁଗୁ ଏବଂ ତାମିଲ ଫିଲ୍ମ ଇଣ୍ଡଷ୍ଟିରେ ଆଗ ଧାଡିର ଅଭିନେତ୍ରୀ ହେଉଛନ୍ତି ସାମନ୍ଥା। ସାମନ୍ଥା ଦେଖିବାକୁ ଯେମିତି ସୁନ୍ଦର, ତାଙ୍କ ଅଭିନୟ ମଧ୍ୟ ଖୁବ ଭଲ। ଯାହାଦ୍ୱାରା ସେ ସମସ୍ତଙ୍କ ହୃଦୟରେ ରାଜ କରନ୍ତି। ହେଲେ ଏବେ ସାମନ୍ଥାଙ୍କ ଜୀବନରେ ଖେଳିଯାଇଛି ଦୁଃଖ। ଆଉ ଫିଲ୍ମ କରିବେନି ସାମନ୍ଥା। କାହିଁକି କରିବେନି ବୋଲି ସମସ୍ତଙ୍କ ମନରେ ପ୍ରଶ୍ନ।
ପ୍ରକୃତରେ ସ୍ୱାସ୍ଥ୍ୟଗତ ସମସ୍ୟା ନେଇ ଗତି କରୁଛନ୍ତି ସାମନ୍ଥା। ଯାହାର ପ୍ରଭାବ ତାଙ୍କ ବୃତ୍ତିଗତ କାମ ଉପରେ ମଧ୍ୟ ପଡୁଛି। ତାଙ୍କ କ୍ୟାରିୟର ମଧ୍ୟ ତଳକୁ ତଳକୁ ଖସୁଛି। ମାୟୋସିଟିସ୍ ନାମକ ଏକ ଅଟୋମ୍ୟୁମ୍ୟୁନ୍ ରୋଗରେ ପୀଡିତ ସାମନ୍ଥା। ଏହି ରୋଗ ମାଂସପେଶୀକୁ ପ୍ରଭାବିତ କରିଥାଏ। ଯାହା ଦ୍ୱାରା ଦୁର୍ବଳତା ଏବଂ ଯନ୍ତ୍ରଣା ହୋଇଥାଏ । ଏହି ରୋଗରେ ଅନେକ ଦିନ ଧରି ସେ ପୀଡିତ ଅଛନ୍ତି। ସେଥିପାଇଁ ସେ ଚିକିତ୍ସିତ ହେଉଛନ୍ତି।ଏନେଇ ଅଭିନେତ୍ରୀ ନିଜେ ତାଙ୍କ ସୋସିଆଲ ମିଡିଆରେ ପ୍ରଶଂସକଙ୍କୁ ଜଣାଇଛନ୍ତି। ସେ ବାହାରେ ଏବେ ରହୁଛନ୍ତି। ନିଜକୁ ସମୟ ଦେଉଛନ୍ତି।
ଏହା ପୂର୍ବରୁ ସାମନ୍ଥା ତିନୋଟି ଫିଲ୍ମ ପାଇଁ ସାଇନ୍ କରିଥିଲେ। ଭଲ ଭଲ ଡିରେକ୍ଟର ଏବଂ ଭଲ ପ୍ରୋଜେକ୍ଟ ମଧ୍ୟ ଥିଲା। ହେଲେ ବର୍ତ୍ତମାନ ସାମନ୍ଥା ଏହା କରିପାରିବେ ନାହିଁ। କାରଣ ତାଙ୍କ ସ୍ୱାସ୍ଥ୍ୟ ଭଲ ହେବା ପାଇଁ ସେ ଟ୍ରିଟମେଣ୍ଟ ହେଉଛନ୍ତି। ସାମନ୍ଥାଙ୍କ ଏଭଳି ନିଷ୍ପତ୍ତି ତାଙ୍କ କ୍ୟାରିୟର ଉପରେ ପ୍ରଭାବ ପକାଇଛି। ଶେଷରେ ୧୨ କୋଟି ଟଙ୍କା ରିର୍ଣ୍ଣ ଦେଇଛନ୍ତି ସାମନ୍ଥା।ସାମନ୍ତ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ତାଙ୍କ ପ୍ରଶଂସକ ଏବଂ ସହକର୍ମୀଙ୍କଠାରୁ ବିପୁଳ ସମର୍ଥନ ପାଇଛନ୍ତି | ତାଙ୍କ ସ୍ୱାସ୍ଥ୍ୟକୁ ପ୍ରାଥମିକତା ଦେବା ପାଇଁ ତାଙ୍କ ନିଷ୍ପତ୍ତିକୁ ଅନେକେ ପ୍ରଶଂସା କରିଛନ୍ତି ଏବଂ ତାଙ୍କୁ ଶୀଘ୍ର ଆରୋଗ୍ୟ କାମନା କରିଛନ୍ତି।
ସାମନ୍ଥା ଙ୍କ ଧ୍ୟାନ ତାଙ୍କ ସ୍ୱାସ୍ଥ୍ୟ ଉପରେ ଥିବାବେଳେ ସେ ସୁସ୍ଥ ହେବା ପରେ ଫିଲ୍ମ ଇଣ୍ଡଷ୍ଟ୍ରିକୁ ଫେରିବା ନେଇ ଆଶାବାଦୀ ଅଛି | ସେ ତାଙ୍କ ଭବିଷ୍ୟତ ପ୍ରୋଜେକ୍ଟ ପାଇଁ ଭଲ କାମ କରିବେ | ସାମନ୍ଥା ଶୀଘ୍ର ଭଲ ହୋଇ ଇଣ୍ଡଷ୍ଟ୍ରିକୁ ଫେରିଆସନ୍ତୁ ବୋଲି ସମସ୍ତେ କାମନା କରୁଛନ୍ତି। କିଛି ଦିନ ତଳେ ସାମନ୍ଥା ନିଜ ଫଟୋ ଶେୟାର କରିଛନ୍ତି। ସେଥିରେ ତାଙ୍କ ହାତରେ ଡ୍ରିପ୍ ଲାଗିଥିବା ଏବଂ ପାଖରେ ଏକ ବୋତଲ ଥିବା ଦେଖାଯାଇଛି। ଫଟୋ ଶେୟାର କରି ସେ ଲେଖିଛନ୍ତି, ଆପଣଙ୍କ ଭଲପାଇବା ହିଁ ମୋର ଶକ୍ତି। କିଛି ମାସ ପୂର୍ବେ ମୋତେ ମୋୟୋସିଇଟିସ୍ ନାମକ ରୋଗ ହୋଇଛି। ଭାବୁଥିଲି ଶୀଘ୍ର ଠିକ ହୋଇଯିବି। ହେଲେ ସମୟ ଲାଗୁଛି। ସବୁବେଳେ ନିଜକୁ ଶକ୍ତ ଦେଖାଇପାରିବି ନାହିଁ। ଡାକ୍ତରମାନେ କହୁଛନ୍ତି ଶୀଘ୍ର ଠିକ୍ ହୋଇଯିବି। ହେଲେ ପ୍ରତିଦିନ ମୁଁ ଠିକ୍ ହେବାର ଆଉ ଗୋଟିଏ ଦିନ ପାଖକୁ ଯାଉଛି। ମୁଁ ସମସ୍ତଙ୍କୁ ବହୁତ ଭଲପାଏ। ଏ ସମୟ ବିତିଯିବ ବୋଲି ସେ କହିଛନ୍ତି। ଏହା ପରେ ଫ୍ୟାନ୍ସଙ୍କ ମଧ୍ୟରେ ଏହାକୁ ନେଇ ଚିନ୍ତା ବଢ଼ିଥିଲା।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
ଅର୍ଗସ ବ୍ୟୁରୋ: ପୁଣି ଖଟିଆରେ ବୁହାହେଲେ ଗର୍ଭବତୀ । ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ କରଡ଼ାବଣି ଗାଁରେ ଅଭାବନୀୟ ଘଟଣା। ଗାଁର ଜଣେ ଗର୍ଭବତୀଙ୍କୁ ଖଟିଆରେ ବୋହି ନଦୀ ପାର୍ କରିବା ପରେ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଛି। କରଡାବଣି ଗାଁର ହରିହର ହାଁସଦାଙ୍କ ସ୍ତ୍ରୀ ବୀଜ ହାଁସଦାଙ୍କ ପ୍ରସବ ବେଦନା ହେବାରୁ ତାଙ୍କୁ ରାମିଆଳ ନଦୀ ପାର କରାଯାଇ ମେଡିକାଲକୁ ନିଆଯାଇଥିଲା । ପରେ କାମାକ୍ଷାନଗର ମେଡ଼ିକାଲରେ ତାଙ୍କର ଏକ କନ୍ୟା ସନ୍ତାନ ଜନ୍ମ ହୋଇଥିବା ଜଣାପଡିଛି । କରଡ଼ାବଣି ଗାଁକୁ ଭଲ ରାସ୍ତା ନଥିବାରୁ ଲୋକମାନେ ଚିକିତ୍ସା କ୍ଷେତ୍ରରେ ବିଭିନ୍ନ ସମସ୍ୟା ଦେଇ ଗତି କରୁଛନ୍ତି । ଯାହାର ଫଳ ସ୍ୱରୂପ ଆମ୍ୱୁଲାନ୍ସ ଆସିପାରୁନାହିଁ। ଅଣ୍ଟାଏ ଅଣ୍ଟାଏ ପାଣିରେ ଲୋକେ ଗର୍ଭବତୀ ମହିଳାଙ୍କୁ ନେଇ ଯିବାଆସିବା କରୁଛନ୍ତି।
ଅଧିକ ପଢ଼ନ୍ତୁ ଓଡିଶା ଖବର:
