କେତେବେଳେ କାହାର ଭାଗ୍ୟ ପରିବର୍ତ୍ତନ ହୁଏ ତାହା କାହାକୁ ଜଣାନଥାଏ । ଏହିପରି ଏକ ଘଟଣା ଘଟିଛି ବିହାରର ଛୋଟ ସହର ବାର୍ହରୁ ଆମେରିକା ଯାତ୍ରା କରିଥିବା ପ୍ରଭାକର ପ୍ରସାଦଙ୍କ ସହ । ଆଉ ଯିଏ କି ବର୍ତ୍ତମାନ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛନ୍ତି । ଯିଏ କି "ବିହାରୀ ଚାଇୱାଲା" ଭାବରେ ଜଣାଶୁଣା । ଏକ ଭିଡିଓ ଭାଇରାଲ ହୋଇଛି ଯେଉଁଥିରେ ସେ ଆମେରିକାର ଲସ୍ ଆଞ୍ଜେଲସରେ ପ୍ରାୟ ୮ ଡଲାର ଆଉ ଏହା ଭାରତୀୟ ମୁଦ୍ରାରେ ପାଖା ପାଖି ୭୮୦ ଟଙ୍କରେ ଚା ବିକ୍ରି କରୁଥିବାର ଦେଖାଯାଉଛି ।

ପ୍ରଭାକରଙ୍କ ପିଲାଦିନ ବହୁତ ଦୁଖଃ କଷ୍ଟରେ ବିତିଥିଲା । ସେ ସେହି ସମୟ ବିଷୟରେ କହିଥିଲେ ଯେତେବେଳେ ତାଙ୍କ ପରିବାର ପାଖରେ କମ୍ବଳ କିଣିବା ପାଇଁ ବି ଟଙ୍କା ନଥିଲା, ଏବଂ ଶୀତଦିନେ ସେମାନଙ୍କୁ ଡାଲି ବସ୍ତା ତଳେ ଶୋଇବାକୁ ପଡୁଥିଲା । ପରେ, ଏପରି କିଛି ଘଟଣା ଯାହା ପାଇଁ ତାଙ୍କ ପରିବାର ବିହାର ଛାଡି ଭୋପାଳ ଚାଲିଗଲେ, ଯେଉଁଠାରେ ସେମାନେ ଏକ ନୂଆ ଜୀବନ ଆରମ୍ଭ କଲେ ।

ଖାଲି ସେତିକି ନୁହେଁ ପାଠପଢ଼ା ସମୟରେ ସେ ଅନେକ ଅସୁବିଧାର ସମ୍ମୁଖୀନ ହୋଇଥିଲେ, କିନ୍ତୁ ସେ ହାର ମାନିବାକୁ ପ୍ରସ୍ତୁତ ନଥିଲେ ଏବଂ କଠିନ ପରିଶ୍ରମ ଜାରି ରଖିଥିଲେ । ଏହି କଠିନ ପରିଶ୍ରମ ତାଙ୍କୁ IIT ପରୀକ୍ଷାରେ ଉତ୍ତୀର୍ଣ୍ଣ ହେବାରେ ସାହାଯ୍ୟ କରିଥିଲା ​​ଏବଂ ପାଠପଢ଼ା ସରିବା ପରେ ସେ ଏକ କର୍ପୋରେଟ୍ ଚାକିରି ମଧ୍ୟ କରିଥିଲେ ।

View this post on Instagram

A post shared by प्रभाकर Prasad (@chaiguy_la)

ଏହ ପରେ, ପ୍ରଭାକର ମଡେଲିଂ କରିବା ପାଇଁ ମୁମ୍ବାଇ ଚାଲିଗଲେ । ତା'ପରେ ସେ ଆମେରିକା ଯାତ୍ରା କଲେ, ଯେଉଁଠାରେ ସେ MBA ଡିଗ୍ରୀ ହାସଲ କଲେ ଏବଂ କିଛି ବର୍ଷ ପାଇଁ ଏକ କର୍ପୋରେଟ୍ ଚାକିରିରେ କାମ କଲେ । କିନ୍ତୁ ୨୦୨୫ ମସିହାରେ, ଟେକ୍ନୋଲୋଜି କ୍ଷେତ୍ରରେ ଏକ ଛଟେଇ ସମୟରେ ସେ ଚାକିରି ହରାଇଲେ ।

ଚାକିରି ହରାଇବା ପରେ, ସେ ହାର ମାନି ନଥିଲେ ଏବଂ ଲସ୍ ଆଞ୍ଜେଲସ୍‌ରେ ଭାରତୀୟ ଶୈଳୀର ଚା ବିକ୍ରି ପାଇଁ ଏକ ଛୋଟ ବ୍ୟବସାୟ ଆରମ୍ଭ କରିଥିଲେ । ଆଜି, ତାଙ୍କର ଚା ଏବଂ ତାଙ୍କ କାହାଣୀ ସୋସିଆଲ ମିଡିଆରେ ଭାଇରାଲ ହେଉଛି ।

ପ୍ରଭାକର କୁହନ୍ତି ଯେ ଡାଲି ବସ୍ତା ତଳେ ଶୋଇବା ଠାରୁ ଆମେରିକାରେ ଚା ବିକ୍ରି କରିବା ପର୍ଯ୍ୟନ୍ତ ଯାତ୍ରା ସହଜ ନଥିଲା, କିନ୍ତୁ ଏବେ ସେ 'ଚା ବାଲା' ହୋଇ ଶାନ୍ତି ପାଉଛନ୍ତି ।

ପଢନ୍ତୁ ଏହି ଖବର: ଜଣଙ୍କୁ ବାହା ହୋଇ ମନ ନଭରିଲେ ଆଉ ଜଣଙ୍କୁ ବାହା ହେଉଛନ୍ତି IAS