ଆଇଏଏସ୍‌ ବାବୁ ବି ତିନୋ ତିନୋଟି ବାହା ହୋଇ ପାରନ୍ତି । ବାହା ହେବା ନିଶା ଆଇଏଏସ୍‌ ବାବୁଙ୍କର ପୁରା ଅଜବ । ଆଇଏଏସ୍‌ ବାବୁଙ୍କର ବି ଗୋଟିଏ ସ୍ତ୍ରୀରେ ମନ ଭରେ ନାହିଁ । ଗୋଟିଏ ବାହାଘର ସଫଳ ନହେଲେ ସଙ୍ଗେ ସଙ୍ଗେ ଆଉ ଗୋଟିଏ ବାହା ହୋଇଯାଉଛନ୍ତି । ତାହା ପୁଣି ଆଇଏଏସ୍‌ ଯୁବତୀଙ୍କୁ ବାଛିକି ବାହା ହେଉଛନ୍ତି । ଏପର୍ଯ୍ୟନ୍ତ ୩ ଜଣ ଯୁବତୀଙ୍କୁ ନିଜ ସ୍ତ୍ରୀ ରୂପରେ ଗ୍ରହଣ କରିଛନ୍ତି । ୩ ଜଣ ଯାକ ହେଉଛନ୍ତି ଜଣେ ଜଣେ ଆଇଏଏସ୍‌ । ଏମିତି ବି ପ୍ରେମ ହୁଏ । ବାରମ୍ବାର ପ୍ରେମ ହେଉଛି ଆଉ ବାରମ୍ବାର ବାହା ବି ହୋଇଯାଉଛନ୍ତି ।

ଜଣଙ୍କୁ ପ୍ରେମ କରି ବାହା ହେଉଛନ୍ତି । ହେଲେ କିଛି ବର୍ଷ ପରେ ଛାଡ଼ ପତ୍ର ଦେଉଛନ୍ତି । ପୁଣିଥରେ ପ୍ରେମ କରି ଆଉ ଜଣଙ୍କୁ ବାହା ହେଉଛନ୍ତି। କିନ୍ତୁ ଏହା ବି ସଫଳ ହେଉ ନାହିଁ ଛାଡ଼ ପତ୍ର ଦେଉଛନ୍ତି । ଏବେ ପୁଣି ପ୍ରେମ କରି ଆଉ ଜଣେ ଆଇଏଏସ୍‌ ଅଧିକାରୀଙ୍କୁ ବାହା ହୋଇଛନ୍ତି। ଏହି ବାହାଘର କେତେ ଦିନ ତିଷ୍ଟିବ କହି ହେବ ନାହିଁ ।

ଆଇଏଏସ୍‌ ଅଫିସର ଅଭିପ୍ରସାଦ, ଭାରତର ପ୍ରଶାସନିକ ଅଧିକାରୀ । ଏହି ଆଇଏଏସ୍‌ ଅଭିପ୍ରସାଦ ତିନି ତିନି ଜଣ ଆଇଏଏସ୍‌ ଅଧିକାରୀଙ୍କୁ ବିବାହ କରିଛନ୍ତି । ଉତ୍ତରପ୍ରଦେଶ ସିତାପୁର ଜିଲ୍ଲାର ହେଉଛନ୍ତି ଅଭିପ୍ରସାଦ ।

ଚଳିତ ମାସ ୧୧ ତାରିଖରେ ଅଭି ତୃତୀୟ ଥର ପାଇଁ ବିବାହ କରିଛନ୍ତି । ମଧ୍ୟପ୍ରଦେଶର ସେଓପୁର ଜିଲ୍ଲାରେ ଥିବା କୁନେ ଜାତୀୟ ଉଦ୍ୟାନରେ ଆଇଏଏସ୍‌ ଅଧିକାରୀ ଅଙ୍କିତା ଧାକ୍ରେଙ୍କ ହାତ ଧରିଛନ୍ତି ଅଭିପ୍ରସାଦ । ଅଙ୍କିତା ଧାକ୍ରେ ହେଉଛନ୍ତି ୨୦୧୭ ବ୍ୟାଚ୍‌ର ଆଇଏଏସ୍‌ ଅଧିକାରୀ । ଏହି ବାହାଘରକୁ ନେଇ ସାରା ଦେଶରେ ଚର୍ଚ୍ଚା ହେଉଛି ।

ଅଭିଙ୍କ ପ୍ରେମ ଆଉ ତାପରେ ବାହାଘର ନିଶା ପୁରା ଅଜବ । କେବଳ ଆଇଏଏସ୍‌ ଅଧିକାରୀଙ୍କୁ ଦେଖି ସେ ପ୍ରେମ କରନ୍ତି ଆଇ ତାପରେ ବାହା ମଧ୍ୟ ହୋଇ ଯାଆନ୍ତି। ଯଦି ଦେଖିବା ପ୍ରଥମ ଏବଂ ଦ୍ବିତୀୟ ପତ୍ନିଙ୍କୁ ଛାଡ଼ପତ୍ର ଦେବା ପରେ ତୃତୀୟ ଥର ପାଇଁ ବିବାହ କରିଛନ୍ତି ଅଭି। ଏବେ ଅଭିପ୍ରସାଦ ମଧ୍ୟପ୍ରଦେଶ ନିଯୁକ୍ତି ଗ୍ୟାରେଣ୍ଟିର ପରିଷଦର ମୁଖ୍ୟ କାର୍ଯ୍ୟ ନିର୍ବାହି ଅଧିକାରୀ ଭାବରେ ଦାୟିତ୍ବ ତୁଲାଇଛନ୍ତି। ସେହିଭଳି ଅଙ୍କିତା ଧାକ୍ରେ ଏବେ ରାଜ୍ୟ ସଚିବାଳୟରେ ଉପ ସଚିବ ଭାବା କାର୍ଯ୍ୟ କରୁଛନ୍ତି ।

ଅଭିଙ୍କ ପୂର୍ବ ଦୁଇ ଆଇଏଏସ୍‌ ସ୍ତ୍ରୀଙ୍କ ନାମ ହେଉଛି ରୁଜୁ ବାଫନା ଏବଂ ମିଶା ସିଂ। ଏହି ଦୁଇ ସ୍ତ୍ରୀ ଏବେ ସାଜାପୁର ଏବଂ ରତଲାମ ଜିଲ୍ଲାରେ କଲେକ୍ଟର ଭାବେ କାର୍ଯ୍ୟ ତୁଲାଉଛନ୍ତି। ବାଫନା ହେଉଛନ୍ତି ୨୦୧୪ ବ୍ୟାଚର ଆଇଏଏସ୍‌ ଏବଂ ମିଶା ହେଉଛନ୍ତି ୨୦୧୬ ବ୍ୟାଚର ଆଇଏଏସ୍‌ ।
ପଢନ୍ତୁ ଏହି ଖବର:  ଷ୍ଟଣ୍ଟ୍ ନିଶାରେ ପାଗଳ : ବସ୍ ଏବଂ ଅଟୋର ଡୋର୍ ଖୋଲିଦେଲେ ଯୁବକ...ଦେଖନ୍ତୁ ଭିଡିଓ