ଅର୍ଗସ ବ୍ୟୁରୋ: ଚନ୍ଦ୍ରଯାନ-୩ ଏବଂ ଆଦିତ୍ୟ ଏଲ-୧ ପରେ ଆଉ ଏକ ମିଶନ ପାଇଁ ପ୍ରସ୍ତୁତ ହେଉଛି ଇସ୍ରୋ । ଆଜି ଇସ୍ରୋ ପାଣିପାଗ ଉପଗ୍ରହ ଇନସାଟ୍ -3DS ଉତକ୍ଷେପଣ କରିବ । ଏହି ସାଟେଲାଇଟକୁ ସ୍ପେଶ୍ ଏଜେନ୍ସିର 'ନଟି ବଏ' ବୋଲି କୁହାଯାଏ । ଏହି ରକେଟ୍ ଏପର୍ଯ୍ୟନ୍ତ ୧୫ଟି ଲଞ୍ଚରେ ଭାଗ ନେଇଛି, କିନ୍ତୁ ୬ ଥର ସଠିକ୍ ଫଳାଫଳ ଦେଇନାହିଁ । ଅର୍ଥାତ୍ ଏହାର ବିଫଳତା ହାର ୪୦ ପ୍ରତିଶତ ।
ଶେଷ ଥର ପାଇଁ GSLV ୨୯ ମଇ ୨୦୨୩ରେ ଉତକ୍ଷେପଣ ହୋଇଥିଲା । ଯାହା ସଫଳ ହୋଇଥିଲା । କିନ୍ତୁ ପୂର୍ବ ଲଞ୍ଚ ଅଗଷ୍ଟ ୧୨, ୨୦୨୧ରେ ବିଫଳ ହୋଇଥିଲା । ଆଜି ଇସ୍ରୋ ଏହାର ଏକ ନୂଆ ଭର୍ସନ ଲଞ୍ଚ କରିବ । ଆଜି ସନ୍ଧ୍ୟା ୫.୩୫ ସମୟରେ ଆନ୍ଧ୍ରପ୍ରଦେଶର ଶ୍ରୀହାରିକୋଟା ଶତୀଶ ଧାୱନ ସ୍ପେଶ୍ ସେଣ୍ଟରରୁ ଉତକ୍ଷେପଣ ହେବ 'ନଟି ବଏ' ।
ISRO କହିଛି ଯେ, ଏହି ଉପଗ୍ରହଟି ଅତ୍ୟନ୍ତ ସ୍ୱତନ୍ତ୍ର, ଭାରତ ପାଇଁ ଏହା ନିହାତି ଆବଶ୍ୟକୀୟ। ଏହା ପାଣିପାଗ ଏବଂ ଜଳବାୟୁ ପରିବର୍ତ୍ତନ ବାବଦରେ ଜାଣିବାରେ ସାହାଯ୍ୟ କରିବ।
ଅର୍ଗସ ବ୍ୟୁରୋ : ପୁଣି ୧୯ ତାରିଖ ସଂନ୍ଧ୍ୟାରେ ଓଡିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୧୯ ତାରିଖରେ ରାତ୍ରିଯାପନ କରି ୨୦ରେ ଯିବେ ପୁରୀ ଜଗନ୍ନାଥ ମନ୍ଦିର । ପୁରୀ ବଡଦାଣ୍ଡରେ କରିବେ ରୋଡ୍ ସୋ । ରାଜ୍ୟ ବିଜେପି ନେତା, କର୍ମକର୍ତ୍ତାଙ୍କ ସହ କରିବେ ଆଲୋଚନା । ପାଖାପାଖି 1 ଘଣ୍ଟା ଯାଏଁ ନିର୍ବାଚନ ସମ୍ପର୍କରେ ବିସ୍ତୃତ ସମୀକ୍ଷା କରିବେ ମୋଦି । ଏହାପରେ ଅନୁଗୁଳ ଯାଇ ସେଠାରେ ବିଶାଳ ଜନସଭାରେ ଯୋଗଦେବା ସହ ତାପରେ କଟକ ଆସି ଜନ ସମାବେଶକୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ।
ଅଧିକ ପଢନ୍ତୁ : ୨୦ ରେ ପୁଣି ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ମୋଦି
ଅର୍ଗସ ବ୍ୟୁରୋ: ମଧୁମେହ, ଶରୀରର ଯନ୍ତ୍ରଣା, ହୃଦ୍ରୋଗ, ଯକୃତ ସମସ୍ୟା, ଆଣ୍ଟାସିଡ୍, ସଂକ୍ରମଣ, ଏବଂ ଆଲର୍ଜି, ମଲ୍ଟିଭାଇଟାମିନ୍ ଏବଂ ଆଣ୍ଟିବାୟୋଟିକ୍ ପରିନ କେତକ ଔଷଧର ମୂଲ୍ୟ ହ୍ରାସ କରାଯାଇଛି । ଏହା ସହ ଜଡିତ ୪୧ ଟି ସାଧାରଣ ଔଷଧର ମୂଲ୍ୟ ସରକାରଙ୍କ ଦ୍ଵାରା ହ୍ରାସ କରାଯାଇଛି । ଜାତୀୟ ଫାର୍ମାସ୍ୟୁଟିକାଲ ପ୍ରାଇସିଂ ଅଥରିଟି ମାନେ ଏହାର ଏକ ବୈଠକ କରି ୪୧ ଔଷଧ ତଥା ୭ଟି ଫର୍ମୁଲେଶନର ମୂଲ୍ୟ ହ୍ରାସ କରିବାକୁ ନିଷ୍ପତ୍ତି ନେଇଛି। ଏହା ଅଧୀନରେ ବିଭିନ୍ନ କମ୍ପାନୀର ଔଷଧର ଖୁଚୁରା ମୂଲ୍ୟ ସ୍ଥିର କରାଯାଇଥିଲା। ଖାଲି ତାହା ନୁହେଁ ଆଲର୍ଜି ବ୍ୟତୀତ ମଲ୍ଟିଭାଇଟାମିନ ଏବଂ ଆଣ୍ଟିବାୟୋଟିକ ମୂଲ୍ୟ ଅଧିକ ହୋଇଥିବାରୁ । ସାଧାରଣ ଚିକିତ୍ସାର ମୂଲ୍ୟ ମଧ୍ୟ ବଢିଥାଏ। ତେଣୁ ଔଷଧ ଶସ୍ତା ହେଲେ ଲୋକମାନେ ଆରାମ ପାଇବେ। ଫେବୃଆରୀରେ ଏନ୍ପିପିଏ ସୁଗାର ଏବଂ ବିପି ସମେତ ୬୯ ଔଷଧର ମୂଲ୍ୟକୁ କମାଇ ଦିଆଯାଇଥିଲା ।
ଅଧିକ ପଢ଼ନ୍ତୁ ଦେଶ ଖବର:
ଭାରତରେ ସର୍ବାଧିକ ସଂଖ୍ୟକ ମଧୁମେହ ରୋଗୀ ଆର୍ଥାତ ୧୦ କୋଟିରୁ ଅଧିକ ମଧୁମେହ ରୋଗୀ ରହିଛିନ୍ତି । ଏହାର ମୂଲ୍ୟ କମିବା ଯୋଗୁଁ ସାଧାରଣ ଲୋକଙ୍କୁ ବହୁତ ଲାଭଦାୟକ ହେବ ଯେଉଁମାନେ ଔଷଧ ଏବଂ ଇନସୁଲିନ୍ ଉପରେ ନିର୍ଭରଶୀଳ ସେହି ମାନେ ଅଧିକ ଲାଭବାନ ହେବେ ।
ବ୍ରହ୍ମପୁର: କାହା ଚାପରେ ଚୁପ ଗଞ୍ଜାମ ପୋଲିସ । ଖଲ୍ଲିକୋଟ ରାଜନୈତିକ ହିଂସା ହତ୍ୟାକାଣ୍ଡ ଘଟଣାରେ କାର୍ଯ୍ୟାନୁଷ୍ଠାନ କେବେ । ବିଜେପିର ଅଭିଯୋଗ ପରେ ବି ଚୁପ ବସିଛି ପୋଲିସ । ହତ୍ୟାକାଣ୍ଡ ପଛରେ ବିଜେଡି ନେତା ତଥା ଖଲ୍ଲିକୋଟ ରାଣୀଙ୍କ ପୁତୁରା ସାକେତ ରାମା ରାଓ ଏବଂ ଖଲ୍ଲିକୋଟ ବିଧାୟିକାଙ୍କ ସ୍ୱାମୀ ଦୈତାରି ବେହେରାଙ୍କ ହାତ ଥିବା ବିଜେପି ଅଭିଯୋଗ କରିଥିଲା । ଏ ନେଇ ବିଜେପିର ଏକ ପ୍ରତିନିଧି ମଣ୍ଡଳୀ ମଧ୍ୟ ଖଲ୍ଲିକୋଟ ଥାନାରେ ଗଞ୍ଜାମ ଏସ୍ପିଙ୍କୁ ଭେଟି ଅଭିଯୋଗ କରିଥିଲେ ।
ତୁରନ୍ତ ଏହି ଦୁଇଜଣକୁ ଗିରଫ କରିବା ପାଇଁ ଦାବି କରିଥିଲେ। ହେଲେ ଏ ପର୍ଯ୍ୟନ୍ତ ପୋଲିସ ଏହି ଦୁଇଜଣଙ୍କୁ ତଦନ୍ତ ପରିସରକୁ ଆଣିଲା ନାହିଁ । ଗତକାଲି ଏହି ଏହି ହତ୍ୟାକାଣ୍ଡକୁ ନେଇ ଖଲ୍ଲିକୋଟ ଥାନା ରଣକ୍ଷେତ୍ର ପାଲଟିଥିଲା । ପୋଲିସ ଏବଂ ଉତ୍ୟକ୍ତ ଲୋକଙ୍କ ମଧ୍ୟରେ ଖଣ୍ଡଯୁଦ୍ଧ ଦେଖିବାକୁ ମିଳିଥିଲା । ଲାଠି ଚାଲଣା ସହ ପଥର ମାଡ଼ ହୋଇଥିବା ବେଳେ ପୋଲିସ ଏବଂ ସାଧାରଣ ଲୋକ ଆହତ ହୋଇଥିଲେ । ପ୍ରଶ୍ନ ଉଠୁଛି ପୋଲିସ କାହାକୁ ସୁରକ୍ଷା ଦେବାକୁ ଚେଷ୍ଠା କରୁଛି।
ଅଧିକ ପଢନ୍ତୁ ଓଡ଼ିଶା ଖବର
