ଅର୍ଗସ ବ୍ୟୁରୋ : ମମତାଙ୍କ ପିଛା ଛାଡୁନି ଦୁର୍ଘଟଣା । ପୁଣି ଥରେ ଦୁର୍ଘଟଣାର ଶିକାର ହୋଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଲୋକସଭା ନିର୍ବାଚନ ଚାଲିଥିବା ବେଳେ ପୁଣି ଥରେ ଆହତ ହୋଇଛନ୍ତି । ପ୍ରଚାର ପାଇଁ ଯିବା ବେଳେ ଏହି ଅଘଟଣ ଘଟିଛି। ଦୁର୍ଗାପୁରରେ ହେଲିକପ୍ଟର ଚଢିବା ସମୟରେ ମମତା ଆହତ ହୋଇଛନ୍ତି । ହେଲିକପ୍ଟରରେ ଚଢ଼ିବା ବେଳେ ସେ ପଡ଼ି ଯାଇଥିଲେ ।
ଏଥିରେ ତାଙ୍କ ପାଦରେ ସାମାନ୍ୟ ଆଘାତ ଲାଗିଥିବା ଲାଗିଥିବା ଜଣାପଡ଼ିଛି । ଦୁର୍ଗାପୁରରୁ ଆସନସୋଲ ଯାଉଥିଲେ ଦିଦି । ସେଠାରେ ସେ ଟିଏମସି ପ୍ରାର୍ଥୀ ଶତ୍ରୁଘ୍ନ ସିହ୍ନାଙ୍କ ସମର୍ଥନରେ ଏକ ରାଲିକୁ ସମ୍ବୋଧିତ କରିବାର କାର୍ଯ୍ୟକ୍ରମ ଥିଲା । ସେ ହେଲିକପ୍ଟର ଭିତରକୁ ଯାଉଥିବା ବେଳେ ଭାରସାମ୍ୟ ହରାଇ ପଡିଯାଇଥିଲେ ।
ଅଧିକ ପଢନ୍ତୁ ଭାରତ ଖବର
ତାଙ୍କ ପାଦରେ ଆଘାତ ଲାଗିଥିବା ସୂଚନା ମିଳିଛି । ହେଲିକପ୍ଟରରେ ଚଢିବା ସମୟରେ ତାଙ୍କର ପାଦ ଖସିଯିବାରୁ ସେ ପଡିଯାଇଥିଲେ । ତେବେ ସେଠାରେ ଉପସ୍ଥିତ ସୁରକ୍ଷାକର୍ମୀ ତାଙ୍କୁ ଉଠାଇ ହସ୍ପିଟାଲରେ ଭର୍ତ୍ତି କରିଛନ୍ତି ।
ଭୁବନେଶ୍ୱର: ସରିଲା ପ୍ରଧାନମନ୍ତ୍ରୀ ମୋଦିଙ୍କ ବିଶାଳ ରୋଡ ସୋ । ହାତ ହଲାଇ ପଦ୍ମ ଫୁଲ ଦେଖାଇଲେ, ଲୋକଙ୍କ ଆଶୀର୍ବାଦ ମାଗିଲେ ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀଙ୍କ ଗୋଟିଏ ଝଲକ ପାଇଁ ଜନପଥରେ ଏକାଠି ହୋଇଥିଲେ ଲକ୍ଷାଧିକ ଲୋକ । ଜନନାୟକଙ୍କୁ ଭେଟିବାକୁ ଜନସମୁଦ୍ର ପାଲଟିଥିଲା ଜନପଥ । ମୋଦିଙ୍କୁ ପାଖରୁ ପାଇ କିଏ ସେଲଫି ଉଠାଉଥିଲା, ତ କିଏ ଭିଡିଓ କରୁଥିଲା । ମୋଦି ମୋଦି ନାରାରେ କମ୍ପିଲା ଜନପଥ ।
ରାମମନ୍ଦିରରୁ ବାଣୀବିହାର ଲୋକଙ୍କ ଅସମ୍ଭାଳ ଭିଡ ଦେଖିବାକୁ ମିଳିଥିଲା । ରାଜ୍ୟ ସଭାପତି ମୋନମୋହନ ସାମଲ ଓ ଅପରାଜିତା ଷଡଙ୍ଗୀ ରୋଡ ସୋ' ରେ ସାମିଲ ହୋଇଥିଲେ । ରୋଡ ସୋରେ ପାରମ୍ପିରକ ପୋଷାକ ପିନ୍ଧି ମହିଳାମାନେ ଚାଲୁଥିବା ଦେଖିବାକୁ ମିଳିଥିଲା ।
ରୋଡ ସୋ ସାରି ରାଜଭବନରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ । ରାଜଭବନରେ ରାତ୍ରି ବିଶ୍ରାମ ନେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କାଲି ଆଉ 3ଟି ଜନସଭାକୁ ସମ୍ୱୋଧନ କରିବେ ପ୍ରଧାନମନ୍ତ୍ରୀ।
ଆହୁରି ପଢନ୍ତୁ ଭାରତ ଖବର...
ଭୁବନେଶ୍ୱର: 2024 ଇସ୍ତାହାରରେ ପୁରୁଣା ପ୍ରତିଶ୍ରୁତି ଦୋହରାଇଲେ ନବୀନ । ବିକାଶର ଗୋଲାପି ଛବି ଦେଖାଇ ପୁଣି ରାଜ୍ୟବାସୀଙ୍କୁ ଧୋକା ଦେବାକୁ ପ୍ରୟାସ । କୁଆଡେ ଗଲା ବିଜେଡିର 2014 ଓ 2019 ପ୍ରତିଶ୍ରୁତି । ପକ୍କାଘର, ଜଳସେଚନ, ଶୀତଳ ଭଣ୍ଡାର, ନିଯୁକ୍ତି ସହ ଶୂନ ପ୍ରତିଶତ କୃଷି ଋଣ ସାଜିଛି ପ୍ରତାରଣା । ବିଜେଡି ଇସ୍ତାହାରକୁ କାଗଜ ଦସ୍ତାବିଜ କହି ବର୍ଷିଲେ କେନ୍ଦ୍ରମନ୍ତ୍ରୀ ।..
2024 ଇସ୍ତାହାରରେ ଓଡ଼ିଶାବାସୀଙ୍କୁ ନୂଆ ସ୍ବପ୍ନ ଦେଖାଇଛି ବିଜେଡି। ସ୍ବତନ୍ତ୍ର ଓଡିଶା ଗଠନର ଶହେ ବର୍ଷ ପାଳନ କରିବାର 2 ବର୍ଷ ପୂର୍ବରୁ 2034 ସୁଦ୍ଧା ଓଡିଶାକୁ ଦେଶର 1 ନମ୍ବର ରାଜ୍ୟ କରିବାକୁ ପ୍ରତିଶ୍ରୁତି ଦେଇଛି ଶାସକ ଦଳ।
ଏଥିସହ ସ୍ବତନ୍ତ୍ର ବଜେଟ ଆଣିବ କହି ଯୁବକଙ୍କୁ ଧରାଇଛି ଲଲିପପ୍। ପୁଣି ଦେଖାଇଛି ରୋଜଗାର ଦେବାକୁ ସ୍ବପ୍ନ। ସେପଟେ ବିରୋଧୀଙ୍କ ଅଭିଯୋଗ 2014 ଓ 2019 ଇସ୍ତାହାରରେ ବିଜେଡିର ଗ୍ୟାରେଣ୍ଟି ପାଲଟିଛି ପ୍ରତାରଣା । ବିଜେଡି ନିର୍ବାଚନୀ ଇସ୍ତାହାର ପାଲଟିଛି ମିଛ ପ୍ରତିଶ୍ରୁତିର ପାହାଡ଼।
ବିଜେଡି ଇସ୍ତାହାର କେବଳ କାଗଜର ଦସ୍ତାବିଜ୍ କହି କଟାକ୍ଷ କରିବା ସହ 2019 ଭଳି ଏଥର ମଧ୍ୟ ବିଜେଡି ଲୋକଙ୍କ ସହ ପ୍ରତାରଣା କରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ପୁରୁଣା ପ୍ରତିଶ୍ରୁତି ପୂରଣ ହବ କହି ବର୍ଷ ପରେ ବର୍ଷ ଗଡ଼ାଇବା ଛଡ଼ା ବିଜେଡି ପାଖରେ ଅନ୍ୟ ଉତ୍ତର ନାହିଁ। ଏବେ ଆସନ୍ତୁ ନଜର ପକାଇବା ବିଜେଡିର ପୁରୁଣା ପ୍ରତିଶ୍ରୁତି କିପରି ପାଲଟିଛି ପ୍ରତାରଣା।
14 ଓ 19 ଇସ୍ତାହାରରେ ବିଜେଡିର କୃଷକ କଲ୍ୟାଣ ପ୍ରତିଶ୍ରୁତି ପାଲଟିଛି ପ୍ରତାରଣା। କାଳିଆ ଯୋଜନାରେ 1 କୋଟି ଚାଷୀ ବଦଳରେ 44 ଲକ୍ଷ ଦେଇ ଭଣ୍ଡେଇଦେଇଛି ବିଜେଡି । ଶୂନ ପ୍ରତିଶତ କୃଷି ଋଣ ସାଜିଛି ପ୍ରବଞ୍ଛନା ।
ପ୍ରତାରଣା-ନମ୍ବର-2- ଶୀତଳ ଭଣ୍ଡାର
314 ବ୍ଲକରେ ଶୀତଳ ଭଣ୍ଡାର ଓ ସବୁ ପଂଚାୟତରେ ୱେୟାରହାଉସର ପ୍ରତିଶ୍ରୁତି ଦେଇଥିଲା ବିଜେଡି। ହେଲେ ଏବେ କାମ କରୁଛି ମାତ୍ର 36 ଶୀତଳ ଭଣ୍ଡାର।
ପ୍ରତାରଣା-ନମ୍ବର-3- ଜମିକୁ ଜଳସେଚନ
ଜଳସେଚନକୁ ନେଇ ରାଜ୍ୟବାସଙ୍କୁ ଧୋକା ଦେଇଛନ୍ତି ରାଜ୍ୟ ସରକାର। ରାଜ୍ୟର ସମସ୍ତ 314 ବ୍ଲକର 35 ପ୍ରତିଶତ ଜମିରେ ଜଳସେଚନ ସୁବିଧା କରିବାକୁ ଠକି ଦେଇଛି ବିଜେଡି ସରକାର । ଜଳସେଚନ ପ୍ରତିଶ୍ରୁତି ପାଲଟିଛି ପାଣିର ଗାର
ପ୍ରତାରଣା-ନମ୍ବର-4 - ଶୁଦ୍ଧ ପାନୀୟ ଜଳ ଯୋଗାଣ
ଉଭୟ 2014 ଓ 2019ରେ ଓଡ଼ିଶାବାସୀଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣର ପ୍ରତିଶ୍ରୁତି ଦେଇଥିଲା ବିଜେଡି ସରକାର। ଏବେ ବି ରାଜ୍ୟର ପ୍ରାୟ 24 ଲକ୍ଷ ପରିବାର ବିଶୁଦ୍ଧ ପାନୀୟ ଜଳ ପାଇବାରୁ ବଂଚିତ । ରାଜ୍ୟରେ ଫେଲ ମାରିଛି ବସୁଧା ଯୋଜନା । ଉପାନ୍ତରୁ ଉପକୂଳ ରାଜ୍ୟର ସବୁଠି ବଢିଛି ଜଳକଷ୍ଟ ।
ପ୍ରତାରଣା-ନମ୍ବର-5 - ମୁଣ୍ଡ ଉପରେ ପକ୍କା ଘର
2014 ଇସ୍ତାହାରରେ ସମସ୍ତଙ୍କ ମୁଣ୍ଡ ଉପରେ ପକ୍କା ଘରର ପ୍ରତିଶ୍ରୁତି ଦେଇଥିଲା ବିଜେଡି। ହେଲେ 2024 ଯାଏ ପ୍ରତିଶ୍ରୁତି ପୂରଣରେ ବିଫଳ ହୋଇଛି ଦଳ । ବିଜେଡ଼ି ନିର୍ବାଚନୀ ଇସ୍ତାହାରରେ ଓଡ଼ିଶା ଲୋକଙ୍କ ପାଇଁ କଣ ଅଛି ? 2009, 2014, 2019 ପ୍ରତିଶ୍ରୁତି କେତେ ପୂରଣ କରିଛି ବିଜେଡ଼ି ? ଉତ୍ତର ମାଗିଲା ବିଜେପି । 24 ନିର୍ବାଚନରେ ବିଜେପିର 21 ସଂକଳ୍ପ ବନାମ ବିଜେଡିର 24 ଗ୍ୟାରେଣ୍ଟି ମଧ୍ୟରେ ଲଢେଇ । ନିର୍ବାଚନୀ ଇସ୍ତାହାରକୁ ନେଇ ମୁହାଁମୁହିଁ ବିଜେପି-ବିଜେଡି ।
ଅଧିକ ପଢନ୍ତୁ ଓଡିଶା ଖବର
