ଅର୍ଗସ ବ୍ୟୁରୋ: ଇତିହାସ ରଚିଲା ହାଇଦ୍ରାବାଦ୍ । ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଦିଲ୍ଲୀ କ୍ୟାପିଟାଲ୍ସ ଏବଂ ସନରାଇଜର୍ସ ହାଇଦ୍ରାବାଦ ମୁହାଁମୁହିଁ । ଟ୍ରାଭିସ୍ ହେଡ୍-ଅଭିଷେକ ଶର୍ମାଙ୍କର ଧୂଆଁଧାର ବ୍ୟାଟିଂରେ ବଳରେ ହାଇଦ୍ରାବାଦ୍ ବିଜୟ ରଥ ଅବ୍ୟହତ । ଦିଲ୍ଲିକୁ 67 ରନରେ ହାରାଇଛି ହାଇଦ୍ରାବାଦ । 267 ରନର ବିଜୟ ଲକ୍ଷ୍ୟ ଜବାବରେ ଦିଲ୍ଲୀ 19.1 ଓଭରରେ 119 ରନରେ ଆଲଆଉଟ୍ ହୋଇଛି ଫ୍ରେଜେର ମ୍ୟାକଗର୍କ 18 ବଲରୁ 65 ରନର ଇନିଂସ ଖେଳିଥିବା ବେଳେ ଅଭିଷେକ ପୋରେଲ 42 ରନ ଓ ଅଧିନାୟକ ଋଷଭ ପନ୍ତ 44 ରନ କରିଛନ୍ତି ।
ଟି ନଟରାଜନ କେବଳ 19 ରନ ଦେଇ 4 ଓ୍ବିକେଟ୍ ନେଇ ଦଳକୁ ବିଜୟ ହୋଇଛି । ଏହା ସହ ପ୍ରଥମେ ବ୍ୟାଚିଂ କରି ଟ୍ରେଭିସ୍ ହେଡଙ୍କ ବିସ୍ଫୋରକ 89 ରନ, ଶାହବାଜ ମହମ୍ମଦଙ୍କ 59 ରନ ଓ ଅଭିଷେକ ଶର୍ମାଙ୍କ 46 ରନର ଧୂଆଁଧାର ଇନିଂସ ବଳରେ ହାଇଦ୍ରାବାଦ ଆଇପିଏଲ ଇତିହାସରେ ମୃତୀୟ ସର୍ବୋଚ୍ଚ ସ୍କୋର କରିଥିଲା । ଆଜିର ମ୍ୟାଚ ପରେ ହାଇଦ୍ରାବାଦ 5ଟି ବିଜୟ ସହ ପଏଣ୍ଟ ଟେବୁଲର ଦ୍ବିତୀଯ ସ୍ଥାନରେ ରହିଛି । ଏହା ସହ ଦିଲ୍ଲୀ ପଞ୍ଚମ ସ୍ଥାନକୁ ଖସି ଆସିଛି ।
ଅଧିକ ପଢ଼ନ୍ତୁ ଖେଳ ଖବର:
ଅର୍ଗସ ବ୍ୟୁରୋ: ଏୟାର ଇଣ୍ଡିଆ ଏକ୍ସପ୍ରେସ ଗତକାଲିର ସମସ୍ୟା ପରେ ୩୦ ଜଣ କ୍ରୁ ସଦସ୍ୟଙ୍କୁ ବହିଷ୍କାର କରିଛି କମ୍ପାନି। ପୂର୍ବରୁ ନ ଜଣାଇ ଅଚାନକ ଗଣ ଛୁଟିରେ ଯିବା ହେତୁ ଏୟାର ଇଣ୍ଡିଆ ଏକ୍ସପ୍ରେସକୁ ମଙ୍ଗଳବାର ୧୦୦ରୁ ଅଧିକ ବିମାନ ବାତିଲ କରିବାକୁ ପଡ଼ିଥିଲା। ଯାହାଫଳରେ ୧୫ ହଜାର ଯାତ୍ରୀ ପ୍ରଭାବିତ ହୋଇଥିଲେ।
ସେହି ୩୦ ଜଣଙ୍କୁ ଛାଡ଼ି ବାକିମାନଙ୍କୁ ଗୁରୁବାର (ଆଜି) ଅପରାହ୍ନ ୪ଟା ସୁଦ୍ଧା ଡ୍ୟୁଟିରେ ଯୋଗଦେବାକୁ ନିର୍ଦ୍ଦେଶ ଦେଇଛି କମ୍ପାନି। ଯଦି ସେମାନେ ସେପରି ନକରନ୍ତି ତ ବହିଷ୍କୃତର ସମ୍ମୁଖୀନ ହେବେ ବୋଲି କମ୍ପାନି ସୂଚାଇ ଦେଇଛି। ବିମାନ ସେବା ପକ୍ଷରୁ ଆହୁରି ବି କୁହାଯାଇଛି ଯେ ୨୯୨ଟି ବିମାନ ଚଳାଚଳ କରିବ।
କୌଣସି ଯଥାର୍ଥ କାରଣ ନଥାଇ ଏପରି ଅଚାନକ ସମୂହ ଛୁଟିରେ ଯିବା ଏୟାର ଇଣ୍ଡିଆ ଏକ୍ସପ୍ରେସ କର୍ମଚାରୀଙ୍କ ନିୟମକୁ ଉଲ୍ଲଂଘନ କରିଛି। ଉଡ଼ାଣ ପାଇଁ କ୍ରୁ' ମାନଙ୍କ ନାମ ତାଲିକାଭୁକ୍ତ ହୋଇ ସାରିଥିବା ବେଳେ ଶେଷ ମୁହୂର୍ତ୍ତରେ ଏପରି ସମୂହ ଛୁଟିରେ ଯିବା କାରଣରୁ କମ୍ପାନି ପୂର୍ବରୁ ୩୦ଜଣଙ୍କୁ ବହିଷ୍କୃତ କରିସାରିଛି।
ଆପଣ ଆଉ କର୍ମଚାରୀ ଭବେ ବିବେଚିତ ହେବେ ନାହିଁ। ଅଫିସିଆଲ୍ ମେଲ୍, ସର୍ଭର ଏବଂ ଅନ୍ୟାନ୍ୟ ଯୋଗାଯୋଗକୁ ଆଉ ଆପଣ ଆଜିଠାରୁ ବ୍ୟବହାର କରିପାରିବେ ନାହିଁ’’ ବୋଲି ମେଲ୍ରେ କର୍ମଚାରୀମାନଙ୍କୁ କୁହାଯାଇଛି।
ଅଧିକ ପଢ଼ନ୍ତୁ ଭାରତ ଖବର
ଅର୍ଗସ ବ୍ୟୁରୋ: ନିରବ ରୁହନ୍ତୁ। ଦୂର ହେବ ଚାପ । ପ୍ରତ୍ୟେକ ଦିନ କରନ୍ତୁ ଏହି କାମ କରନ୍ତୁ । ଦୂର ହୋଇଯିବ ଆପଣଙ୍କ ସମସ୍ତ ଚାପ। ବିଶ୍ୱାସ ହେଉନାହିଁ ଯଦି ଥରେ କରିକି ଦେଖନ୍ତୁ। ଆଜିକାଲିର ବ୍ୟସ୍ତବହୁଳ ଜୀବନରେ ଅଧିକାଂଶ ଲୋକ ଚାପରେ ରହୁଥିବା ଦେଖାଯାଉଛି । ପାରିବାରିକ ସମସ୍ୟା, ବୃତ୍ତିଗତ ଜୀବନରେ କାର୍ଯ୍ୟ ଭାର ଚିନ୍ତା, ଆର୍ଥିକ ସମସ୍ୟା, ସ୍ୱାସ୍ଥ୍ୟଗତ ସମସ୍ୟା ଆଦି ବିଭିନ୍ନ କାରଣରୁ ଲୋକମାନେ ଅଶାନ୍ତିରେ ଜୀବନ ଯାପନ କରୁଛନ୍ତି ।
ଯଦି ଦିନକୁ କେବଳ ୧୨ ମିନିଟ୍ ନିରବରେ ବିତାଇ ପାରିବେ ତେବେ ଆପଣଙ୍କୁ ଅନେକ ଫାଇଦା ମିଳିବ । ସେତେବେଳେ ଆପଣଙ୍କର ବ୍ରେନ ଶାନ୍ତ ହୋଇଯାଇଥାଏ ଓ ରିଲାକ୍ସ ମୁଡ଼ରେ ଚାଲିଯାଇଥାଏ । ଏହି ଅବସରରେ ଶରୀର ରେଷ୍ଟୋରେସନ ମୋଡ଼ରେ କାମ କରିଥାଏ ଓ ବ୍ରିଡ ଡିଟକ୍ସରେ ତାହା ସହାୟକ ହୋଇଥାଏ । ଫଳରେ ଆପଣଙ୍କୁ ଓଭର ଥିଙ୍କିଂ ଓ ଚିନ୍ତାକୁ ନିୟନ୍ତ୍ରଣରେ ସହାୟତା ମିଳିଥାଏ । ନିରବ ରହିବା ଆପଣଙ୍କୁ ମାନସିକ ଭାବେ ମଜବୁତ କରିଥାଏ ।
ଅଧିକ ପଢ଼ନ୍ତୁ ଜୀବନ ଶୈଳୀ ଖବର:
ଅର୍ଗସ ବ୍ୟୁରୋ : ପହଁରିବା ନଶିଖିଥିଲେ ପାଣିରେ କିଏ ବି ବୁଡ଼ିଯିବ। କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ କି ପୃଥିବୀ ପୃଷ୍ଠରେ ଏମିତି ଏକ ସମୁଦ୍ର ଅଛି ଯେଉଁଠି ଆପଣ ପହଁରିବା ନଜାଣିଥିଲେ ବି ବୁଡ଼ିବେନି। ହଁ ଆଜ୍ଞା ଇସ୍ରାଏଲ୍ ଏବଂ ଜୋର୍ଡାନ ମଧ୍ୟରେ ଏକ ସମୁଦ୍ର ଅଛି ଯାହାର ନାଁ ହେଉଛି ମୃତ ସମୁଦ୍ର ବା ଡେଡ୍ ସି। ଏହି ସମୁଦ୍ରର ସବୁଠାରୁ ବଡ଼ ବିଶେଷତ୍ବ ହେଉଛି ଏଠାରେ କିଏ ଚାହିଁଲେ ବି ବୁଡ଼ିପାରବେ ନାହିଁ ଏହାର କାରଣ ହେଉଛି ଏହି ସମୁଦ୍ରର ପାଣିରେ ସ୍ବାଭାବିକ ଠାରୁ ବହୁତ ଅଧିକ ଲୁଣ ଅଛି। ସାଧାରଣ ସମୁଦ୍ର ଜଳଠାରୁ ମୃତ ସମୁଦ୍ରର ପାଣି ୧୦ ଗୁଣ ଅଧିକ ଲୁଣିଆ। ପୃଥିବୀ ପୁଷ୍ଠର ସବୁଠାରୁ ନିମ୍ନ ଭାଗରେ ଏହି ଜଳାଶୟ ଅବସ୍ଥିତ।
କାହିଁକି ଏହାର ନାମ ମୃତ ସମୁଦ୍ର?
ମୃତ ସମୁଦ୍ରରେ ୩୫% ହେଉଛି ଲୁଣ। ପ୍ରଚୁର ଲୁଣ ଥିବା କାରଣରୁ କୌଣସି ବି ପ୍ରାଣୀ ବା ଉଦ୍ଭିଦ ଏଥିରେ ବଞ୍ଚିପାରନ୍ତି ନାହିଁ। ସେଥିପାଇଁ ଏହାର ନାମ ମୃତ ସମୁଦ୍ର ବା ଡେଡ୍ ସି ରଖାଯାଇଛି।
ମୃତ ସମୁଦ୍ର ଏତେ ଲୋକପ୍ରିୟ କାହିଁକି?
ବହୁମାତ୍ରାରେ ପର୍ଯ୍ୟଟକମାନେ ଏହି ସମୁଦ୍ରକୁ ଏହାର ଓୌଷଧୀୟ ଗୁଣର ଲାଭ ଉଠାଇବାକୁ ଆସିଥାନ୍ତି। ଏହି ସମୁଦ୍ରର କାଦୁଅରେ ଉପକାରୀ ହିଆଲୁରୋନିକ୍ ଏସିଡ୍ ଏବଂ ଅନେକ ଖଣିଜ ପଦାର୍ଥ ରହିଥାଏ ଯାହା ଚର୍ମ ପାଇଁ ଖୁବ୍ ଲାଭଦାୟକ। ଲୋକମାନେ ଏଠାରେ ପହଁରିବା ସହିତ ସେହି କାଦୁଅକୁ ଲଗାଇଥାନ୍ତି।
ତେବେ ପୃଥିବୀରେ ଅନେକ ରହସ୍ୟମୟ ସ୍ଥାନ ଅଛି । କିଛି ରହସ୍ୟ ପ୍ରାକୃତିକ ଥାଏ ତ ଆଉ କିଛି ରହସ୍ୟ ପଛରେ ବୈଜ୍ଞାନିକ କାରଣ ଲୁଚିରହିଥାଏ ସେଥିରୁ ଡେଡ୍ ସି ହେଉଛି ଅନ୍ୟତମ।
ଅଧିକ ପଢ଼ନ୍ତୁ ବିଦେଶ ଖବର
