ଗ୍ରାହକଙ୍କ ପାଇଁ ଖୁସି ଖବର। ଏଣିକି ସୁନା କିଣିପାରିବେ ସାଧାରଣ ଲୋକେ। କାହିଁକି ନା ହଠାତ୍‌ ୧୫ ହଜାର କମିଲା ସୁନା ଦର। ସୁନା ସହ ରୁପା ବି ହେଲା ଶସ୍ତା। ବର୍ଷର ଶେଷ ଦିନରେ କମିଛି ସୁନା ରୁପା ରେଟ୍ । ଡିସେମ୍ବର ୩୧ ତାରିଖରେ ୨୪ କ୍ୟାରେଟ୍ ସୁନା ହ୍ରାସ ପାଇ ୧ ଲକ୍ଷ ୩୫ ହଜାର ୮୮୦ ଟଙ୍କାରେ ପହଁଚିଛି । ଭାରତୀୟ ବଜାରରେ ମଙ୍ଗଳବାର ଅପେକ୍ଷା ସୁନା ଗ୍ରାମ୍ ପିଛା ୩୨ ଟଙ୍କା ହ୍ରାସ ପାଇଛି । ବର୍ଷର ଶେଷ ଦିନରେ ରୁପାର ଭବିଷ୍ୟତ ଦର ପ୍ରାୟ ୬ ପ୍ରତିଶତ କମିଛି ।

ଅର୍ଥାତ ୧୫ ହଜାର ଟଙ୍କା ଶସ୍ତା ହୋଇଛି । ଏବେ କେଜି ପିଛା ରୁପା ୨ଲକ୍ଷ ୩୨ ହଜାର ୬୬୩ ଟଙ୍କାରେ ପହଁଚିଛି । ମଙ୍ଗଳବାର ଦାମ୍ ୨୧ ହଜାର ଟଙ୍କା ହ୍ରାସ ପାଇଥିବା ବେଳେ ବୁଧବାର ଏହାର ମେ ମାସ ପାଇଁ ଭବିଷ୍ୟତ ମୂଲ୍ୟ ୧୫ ହଜାର ଟଙ୍କା କମିଛି । ବିଦେଶୀ ବଜାରରେ ଦର ଆଉନ୍ସ ପିଛା ୭୫.୮୫ ଡଲାର ରହିଛି । ବର୍ତ୍ତମାନର ଚାହିଦା, ସୁରକ୍ଷିତ ନିବେଶ ପାଇଁ କ୍ରୟ ପାଇଁ ଦାମ୍ ବଢିଥିଲା । ଗତ କିଛି ଦିନ ଧରି ସୁନା ଏବଂ ରୁପାର ଦାମରେ ଅହେତୁକ ବୃଦ୍ଧି ପରିଲକ୍ଷିତ ହୋଇଥିଲା । ପ୍ରତିଦିନ ଉଭୟ ଦାମୀ ଧାତୁ ନୂଆ ନୂଆ ରେକର୍ଡ ପ୍ରତିଷ୍ଠା କରୁଥିଲେ । ଏବେ କିନ୍ତୁ ବର୍ଷ ଶେଷ ବେଳକୁ ଦାମ୍ ବୃଦ୍ଧିରେ ଲଗାମ୍ ଲାଗିଛି । ଦିଲ୍ଲୀରେ ୨୪ କ୍ୟାରେଟ୍ ସୁନାର ଦାମ୍ ଏକ ଲକ୍ଷ ୩୫ ହଜାର ୮୮୦ ଟଙ୍କା ରହିଛି । ସେହିପରି ୨୨ କ୍ୟାରେଟ୍ ଦର ଲକ୍ଷେ ୨୪ ହଜାର ୯୯୦ ଟଙ୍କା ରହିଛି । କୋଲକାତାରେ ୨୨ କ୍ୟାରେଟ୍ ସୁନା ଦର ୧ ଲକ୍ଷ ୨୪ ହଜାର ୮୪୦ ଟଙ୍କା ରହିଛି ।

ସେପଟେ ରୁପା ଭାଙ୍ଗିଲା ସବୁ ରେକର୍ଡ । ପ୍ରଥମଥର ପାଇଁ ଅଢ଼େଇ ଲକ୍ଷ ଡେଇଁଥିଲା ଦର । ଡିସେମ୍ବର ୨୯ ରେ ରୁପା ଦର ସର୍ବକାଳୀନ ରେକର୍ଡ ଭାଙ୍ଗିଥିଲା । ସୋମବାର ରୁପା ଦର ପ୍ରାୟ ୬ ପ୍ରତିଶତ ବଢ଼ିଛି । ଫଳରେ କେଜି ପିଛା ରୁପା ଦର ୨ ଲକ୍ଷ ୫୪ ହଜାର ୧୭୪ ଟଙ୍କାରେ ପହଞ୍ଚିଥିଲା ।

କାହିଁକି ବଢ଼ୁଛି ରୁପା ଦର ?

ରୁପା ଦର ଦ୍ରୁତଗତିରେ ବଢ଼ିବା ପଛରେ ଅନେକ କାରଣ ରହିଛି । ସବୁଠୁ ବଡ଼ କାରଣ ହେଉଛି- ବିଗତ ୭ ବର୍ଷ ହେଲା ଦୁନିଆରେ ରୁପା ଯୋଗାଣ ହ୍ରାସ ପାଇଛି । ଯେତେବେଳେ କି ସମାନ ସମୟରେ ରୁପାର ଚାହିଦା ବଢ଼ି ଚାଲିଛି । ଏବେ ସୋଲାର୍ ପ୍ୟାନେଲ୍ ତିଆରି, ବିଦ୍ୟୁତ୍ ଚାଳିତ ବ୍ୟାଟେରି ଗାଡ଼ି, ମୋବାଇଲ୍, ଲାପଟପ୍ ଭଳି ଇଲୋକ୍ଟ୍ରୋନିକ୍ସ ସାମଗ୍ରୀରେ ରୁପାର ବହୁଳ ବ୍ୟବହାର ହେଉଛି । ଅକ୍ଷୟ ଶକ୍ତି ଓ ନୂଆ ଟେକ୍ନୋଲୋଜିରେ ରୁପାର ଚାହିଦା ଦରକୁ ବଢ଼ାଇ ଦେଇଛି ।

ଅଧିକ ପଢ଼ନ୍ତୁ ଅର୍ଥନୀତି ଖବର: