ଇରାନ୍‌ରେ ଯୁଦ୍ଧ କାଶ୍ମୀରରେ ପ୍ରଭାବ । ଆକ୍ସନ ମୁଡ଼ରେ ରହିଛି ଭାରତୀୟ ସେନା । ଅଶାନ୍ତ ହୋଇଛି ଜାମ୍ମୁକାଶ୍ମୀର । ରାସ୍ତାକୁ ଓହ୍ଲାଇଛନ୍ତି ଜାମ୍ମୁକାଶ୍ମୀରରେ ଥିବା ଖାମେନେଇଙ୍କ ପ୍ରଶଂସକ । ଇରାନରେ ଆରମ୍ଭ ହୋଇଛି ସାଂଘାତିକ ଆକ୍ରମଣ। ଏମିତି ଆକ୍ରମଣ ହୋଇଛି କି ଇରାନ୍‌ର ସର୍ବୋଚ ନେତାଙ୍କର ହୋଇଛି ମୃତ୍ୟୁ । ଖାମେନେଇଙ୍କ ଉପରେ ପଡ଼ିଛି ୩୦ ମିଶାଇଲ। ଯାହା ପରେ ଘର ଭିତରେ ପୋତି ହୋଇ ଯାଇଛନ୍ତି ଖାମେନେଇ । ଆଉ ଖାମେନେଇଙ୍କ ମୃତ୍ୟୁ ପରେ ଭାରତରେ ପଡ଼ିଛି ଏହାର ପ୍ରଭାବ । ଭାରତରେ ଥିବା ଖାମେଇଙ୍କର ପ୍ରଶଂସକ ମାନେ ଆନ୍ଦୋଳନକୁ ଓହ୍ଲାଇଛନ୍ତି ।

ଜାମ୍ମୁ କାଶ୍ମୀରର ଦୃଶ୍ୟ ଦେଖିଲେ ଜାଣିପାରିବେ । ଖାମେନେଇଙ୍କର ପ୍ରଶଂସକ ଆନ୍ଦୋଳନକୁ ଓହ୍ଲାଇଛନ୍ତି । ଖାମେନେଇଙ୍କ ମୃତ୍ୟୁ ଖବର ପାଇବା ପରେ ରାସ୍ତା ଉପରକୁ ଓହ୍ଲାଇଛନ୍ତି ଶହଶହ କାଶ୍ମୀର ବାସିନ୍ଦା । ହାତରେ ଖାମେନେଇଙ୍କ ଫଟୋକୁ ଧରି ଆନ୍ଦୋଳନ କରୁଛନ୍ତି। ଛାତିକୁ ପିଟି ଚିତ୍କାର କରୁଛନ୍ତି ଏମାନେ । ଘରୁ ବାହାରି ଗଳି କନ୍ଦିରେ କରୁଛନ୍ତି ଆନ୍ଦୋଳନ। ଲାଲ ଚୌକରେ ବି ଇରାନର ପତାକ ଧରି ଖାମେନେଇଙ୍କ ପତାକା ଧରି ଆନ୍ଦୋଳନ କରୁଛନ୍ତି ।

ହେଲେ ଏମିତି କ'ଣ ପାଇଁ ? ଭାରତରେ ରହି ଖାମେନେଇଙ୍କ ପ୍ରତି ଏତେ ଭଲପାଇବା କ'ଣ ପାଇଁ ? କାହିଁକି ଏମାନେ ଆନ୍ଦୋଳନ କରୁଛନ୍ତି ? ଏମାନେ ସମସ୍ତେ ହେଉଛନ୍ତି ସିଆ ସମ୍ପ୍ରଦାୟର ଲୋକେ । ସୂଚନା ମୁତାବକ ଇସ୍ରାଏଲ ଏବଂ ଆମେରିକା ମିଶି ଇରାନ୍‌ ଉପରେ କରିଛନ୍ତି ଆକ୍ରମଣ। ଯେଉଁଥିରେ ଖାମେନେଇଙ୍କର ହୋଇଛି ମୃତ୍ୟୁ ।

ଇସ୍ରାଏଲ-ଇରାନ ଯୁଦ୍ଧ ଯୋଗୁ ଭାରତ ଉପରେ ପଡ଼ିବ ବଡ଼ ପ୍ରଭାବ । ଭାରତର ଆମଦାନୀ ଉପରେ ଏହାର ପ୍ରଭାବ ପଡ଼ିବ । ଭାରତ ଆବଶ୍ୟକ କରୁଥିବା ଅଶୋଧିତ ତୈଳର ୮୦% ରୁ ଅଧିକ ଅନ୍ତର୍ଜାତୀୟ ଉତ୍ସ ଉପରେ ନିର୍ଭର କରେ । ଯାହା ହର୍ମୁଜ ପ୍ରଣାଳୀ ଦେଇ ଆସିଥାଏ। ଜଳପଥ ପରିବହନରେ ବାଧା ଉପୁଜିଲେ ଇନ୍ଧନ ଦର ଏବଂ ଆମଦାନୀ ଖର୍ଚ୍ଚରେ ବହୁତ ବଢ଼ିଯିବ । ପରିବହନ ବା ଲଜିଷ୍ଟିକ୍ସ ଖର୍ଚ୍ଚ ବଢ଼ିବା ଫଳରେ ମଧ୍ୟବର୍ତ୍ତୀକାଳୀନ ପଣ୍ୟ ଦ୍ରବ୍ୟ ଯୋଗାଣରେ ବିଳମ୍ବ ଘଟିବ। ଭାରତର ରପ୍ତାନି ଉପରେ ବି ପ୍ରଭାବ ପଡ଼ିବ ।