ଶୀତଦିନେ ଆସିଲା ମାତ୍ରେ ଶରୀରରେ ଅନେକ ସମସ୍ୟା ଦେଖାଦେଇଥାଏ । ତା'ଭିତରୁ ଗୋଟିଏ ହେଲା ପାଦ ଫୁଲିବା । ଏହି ସମସ୍ୟା ଆଜି କାଲି ପ୍ରାୟ ସମସ୍ତଙ୍କ ପାଖରେ ଦେଖାଯାଉଛି । ତେବେ ଏହି ସମସ୍ୟାରୁ ମୁକ୍ତି ପାଇପାରିବେ କିଛି ଘରୋଇ ଟିପ୍ସ୍ ମାଧ୍ୟମରେ ।


ପାଦ ଫୁଲିବା ଦ୍ୱାରା ଦୈନନ୍ଦିନ ଜୀବନରେ କାମ କରିବାରେ ବହୁତ ଅସୁବିଧା ହୋଇଥାଏ । ଶୀତଦିନେ ପାଦ ଫୁଲିବା ଏବଂ ପାଦ ଯନ୍ତ୍ରଣାର ସମସ୍ୟା ଆହୁରି ବଢ଼ିଯାଇଥାଏ ।


ପାଦ ଫୁଲିବାରୁ ତୁରନ୍ତ ମୁକ୍ତି ପାଇବା ପାଇଁ, ପାଦରେ ତେଲ ମାଲିସ୍ କରିପାରିବେ । ସୋରିଷ ତେଲ, ତିଳ ତେଲ, ଜଡ଼ା ତେଲ ଏବଂ ଅଲିଭ୍ ତେଲ ବ୍ୟବହାର କରାଯାଇପାରିବେ । ଆହୁରି ଭଳ ଫଳାଫଳ ପାଇବା ପାଇଁ, ତେଲକୁ ସାମାନ୍ୟ ଗରମ କରି ଆପଣଙ୍କ ପାଦରେ ଲଗାନ୍ତୁ ଏହା ଦ୍ଵାରା ତୁରନ୍ତୁ ଆପଣଙ୍କୁ ଆରାମ ମିଳିବ ।


ଏକ ବାଲ୍ଟିରେ ଉଷୁମ ପାଣି ନିଅନ୍ତୁ ସେଥିରେ କିଛି ଲୁଣ ମିଶାନ୍ତୁ । ଏହି ଲୁଣ ପାଣିରେ ଆପଣଙ୍କ ପାଦକୁ କିଛି ସମୟ ପାଇଁ ବୁଡ଼ାଇ ରଖନ୍ତୁ । ଏହି ଘରୋଇ ଉପଚାର କରିବା ଦ୍ଵାରା ପାଦ ଫୁଲା ଦୂର ହେବା ସହ ଶରୀରକୁ ମଧ୍ୟ ଆରାମ ମିଳେ ।



ହଳଦୀକୁ ମଧ୍ୟ ପାଦ ଫୁଲା ଦୂର କରିବା ପାଇଁ ବ୍ୟବହାର କରାଯାଇପାରିବ । ହଳଦୀରେ ଅନେକ ଔଷଧୀୟ ଗୁଣ ଅଛି । ହଳଦୀର ଏକ ପେଷ୍ଟ ପ୍ରସ୍ତୁତ କରନ୍ତୁ । ସେହି ପେଷ୍ଟକୁ ଫୁଲା ସ୍ଥାନରେ ଲଗାନ୍ତୁ ଏବଂ ପେଷ୍ଟ ଶୁଖିବା ପରେ ଉଷୁମ ପାଣିରେ ପାଦ ଧୋଇ ଦିଅନ୍ତୁ ଏହା ମଧ୍ୟ ପାଦ ଫୁଲାକୁ ଦୂର କରିବ ।


ଯଦି ଏହି ଉପଚାରଗୁଡ଼ିକ ଚେଷ୍ଟା କରିବା ପରେ ମଧ୍ୟ ଆପଣଙ୍କ ପାଦ ଫୁଲା କମି ନଯାଏ, ତେବେ ଆପଣ ସତର୍କ ରହିବା ଉଚିତ ଏବଂ ବିଳମ୍ବ ନକରି ଡାକ୍ତରଙ୍କ ସହ ପରାମର୍ଶ କରନ୍ତୁ । ଏହା କିଛି ବଡ଼ ରୋଗର ସଂଙ୍କେତ ମଧ୍ୟ ହୋଇପାରେ ।


ଅଧିକ ପଢ଼ନ୍ତୁ ଜୀବନ ଶୈଳୀ ଖବର...