ଉତ୍ତରାଖଣ୍ଡ ରୁଦ୍ରପ୍ରୟାଗ ଜିଲ୍ଲାରେ ମର୍ମନ୍ତୁଦ ବସ୍ ଦୁର୍ଘଟଣା । ଅଳକାନନ୍ଦା ନଦୀକୁ ବସ୍ ଖସି ୧୧ଜଣ ନିଖୋଜ ହୋଇଯାଇଛନ୍ତି । ବସରେ ୧୮ଜଣ ଯାତ୍ରୀ ଥିଲେ । ନିଖୋଜ ଯାତ୍ରୀମାନଙ୍କୁ ଉଦ୍ଧାର କରିବା ପାଇଁ ଆରମ୍ଭ ହୋଇଛି ଯୁଦ୍ଧକାଳୀନ ଅପରେସନ୍ । ଏସଡିଆରଏଫ୍ ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି । କିନ୍ତୁ ଅଳକାନନ୍ଦା ନଦୀରେ ସୁଅ ଅଧିକା ଥିବାରୁ ଉଦ୍ଧାର କାରୀ ଟିମ୍ ପାଇଁ ବଡ ଚ୍ୟାଲେଂଜ ହୋଇଛି ।

ସେପଟେ ହିମାଚଳ ପ୍ରଦେଶରେ ପ୍ରକୃତିର ତାଣ୍ଡବ । ବାଦଲ ଫଟା ବର୍ଷା ଯୋଗୁଁ ଦୁଇଜଣଙ୍କର ମୃତ୍ୟୁ ହେବା ସହ ୧୦ରୁ ଅଧିକ ଲୋକ ଭାସି ଯାଇଛନ୍ତି । ମାଟି ଅତଡା ଖସିବାରୁ ଜନଜୀବନ ଗୁରୁତର ପ୍ରଭାବିତ ହୋଇଛି । ମାଟି ଅତଡା ତଳେ ଅନେକ ଘର ଦବି ଯାଇଛି । ଗତ କିଛି ଦିନ ହେଲା ହିମାଚଳ ପ୍ରଦେଶରେ ଲଗାଣ ବର୍ଷା ହେଉଛି । ଗତକାଲି କାଙ୍ଗ୍ରା ଜିଲ୍ଲାରେ ବାଦଲ ଫଟା ବର୍ଷା ଯୋଗୁଁ ଦୁଇଜଣଙ୍କ ମୃତ୍ୟୁ ହୋଇଛି । ନିଖୋଜ ମାନଙ୍କୁ ଉଦ୍ଧାର କରିବାକୁ ଏନଡିଆରଏଫ୍‍ ଏସଡିଆରଏଫ୍ ଓ ପୋଳିସ ଟିମ୍ ପହଞ୍ଚିଛନ୍ତି ।