ଆମେରିକାରେ ୧୨ ବର୍ଷରୁ ଅଧିକ ସମୟ ବିତାଇବା ପରେ, ଜଣେ ପ୍ରବାସୀ ଭାରତୀୟ ୨.୯ କୋଟି ବାର୍ଷିକ ଦରମା ଛାଡ଼ି ସେ ତାଙ୍କ ପରିବାର ସହିତ ଭାରତ ଫେରିବାକୁ ଯୋଜନା କରିଛନ୍ତି । କାରଣ ଟଙ୍କା ନୁହେଁ... ପରିବାର ପ୍ରଥମ ।

ଆମେରିକାରେ ୧୨ ବର୍ଷ ରହିବା ପରେ, ୩୬ ବର୍ଷୀୟ ବ୍ୟକ୍ତି ନିଷ୍ପତ୍ତି ନେଇଛନ୍ତି ଯେ ତାଙ୍କ ପିଲାମାନେ ସେମାନଙ୍କ ଜେଜେମାଆଙ୍କ ସହିତ ବଡ଼ ହେବା ଉଚିତ । ଏବେ, ସେ ମୁମ୍ବାଇରେ ତାଙ୍କ ପରିବାର ସହିତ ରହିବାକୁ ନିଷ୍ପତି ନେଇଛନ୍ତି । ଏହି କାହାଣୀ କେବଳ ଦରମା ତୁଳନା ବିଷୟରେ ନୁହେଁ, ବରଂ ଜୀବନର ପ୍ରାଥମିକତା ବିଷୟରେ ।

ଆମେରିକାର ୨.୯ କୋଟି ଟଙ୍କା ଦରମା ଛାଡିବାର ନିଷ୍ପତ୍ତି କାହିଁକି?
ଏହି ଏନଆରଆଇ ଜଣକ ଏକ ରେଡିଟ୍ ପୋଷ୍ଟରେ ଲେଖିଛନ୍ତି, "ମୁଁ ୩୬ ବର୍ଷ ବୟସ୍କ, ବର୍ତ୍ତମାନ ନଭେମ୍ବର ୨୦୧୮ରୁ ଏକ H1B ଭିଜା ନେଇ ଆମେରିକାରେ ରହୁଛି । ବହୁତ ବିଚାର ବିମର୍ଶ ପରେ, ମୁଁ ଏବଂ ମୋ ସ୍ତ୍ରୀ ଏହି ଜୁନରେ ଆମର ପାଞ୍ଚ ଜଣିଆ ପରିବାରକୁ ନେଇ ମୁମ୍ବାଇକୁ ଫେରୁ ଯିବାକୁ ନିଷ୍ପତ୍ତି ନେଇଛୁ।" ଏହି ଏନଆରଆଇ କହିଛନ୍ତି ଯେ ଆମେରିକାରେ ତାଙ୍କର ବାର୍ଷିକ ଆୟ ୨.୯କୋଟି ଏବଂ ସେଠାରେ ଏକ ଘରର ମାଲିକ ମଧ୍ୟ । କିନ୍ତୁ ତାଙ୍କର ଭାରତୀୟ ଚାକିରି ମିଳିଥିବା ଅଫରର ବାର୍ଷିକ ଟଙ୍କା ୧.୫ କୋଟି ଟଙ୍କାର ପ୍ୟାକେଜ୍ ।

"ମୋ ବାପା-ମା ହାଇଦ୍ରାବାଦରେ ଅଛନ୍ତି, ତେଣୁ ପରିବାର ସହିତ ନିକଟତର ହେବା ଏକ ବଡ଼ କଥା । ଆମେ ଚାହୁଁଛୁ ଯେ ପିଲାମାନେ ସେମାନଙ୍କ ଜେଜେମାଆ ଏବଂ ଭାଇଭଉଣୀମାନଙ୍କ ସହିତ ବଢ଼ିବେ"

ପଢନ୍ତୁ ଏହି ଖବର: ଜଣଙ୍କୁ ବାହା ହୋଇ ମନ ନଭରିଲେ ଆଉ ଜଣଙ୍କୁ ବାହା ହେଉଛନ୍ତି IAS

ତାଙ୍କୁ ଭାରତରେ ବାର୍ଷିକ ପ୍ରାୟ ୧.୫ କୋଟି ଟଙ୍କାର ଚାକିରି ପ୍ରସ୍ତାବ ମିଳିଥିଲା, ଯେଉଁଥିରେ ଇକ୍ୱିଟି ଅନ୍ତର୍ଭୁକ୍ତ । ସୋସିଆଲ ମିଡିଆରେ ଅନେକ ଲୋକ ମନ୍ତବ୍ୟ ଦେଇଥିଲେ ଯେ ୧.୫ କୋଟି ଦରମା ମୁମ୍ବାଇରେ ଏକ ଅତ୍ୟନ୍ତ ଆରାମଦାୟକ ଜୀବନ ବିତାଇପାରିବେ । ଭାରତରେ, ଖର୍ଚ୍ଚ କମ୍, ଘରୋଇ ସହାୟକ ସହଜରେ ମିଳିପାରିବ ଏବଂ ପରିବାର ସମର୍ଥନ ବ୍ୟବସ୍ଥା ଦୃଢ଼। ଅନେକ ବ୍ୟବହାରକାରୀ ସ୍ୱୀକାର କରିଛନ୍ତି ଯେ ସେମାନେ ଏହି ଦରମାର ୫୦ ପ୍ରତିଶତ ପର୍ଯ୍ୟନ୍ତ ସଞ୍ଚୟ ମଧ୍ୟ କରିରାରିବେ।

NRI ବ୍ୟବହାରକାରୀମାନେ ପଚାରିଥିଲେ ଯେ ସେମାନଙ୍କର ଆମେରିକାରେ ଜନ୍ମିତ ପିଲାମାନେ ଭାରତୀୟ ସ୍କୁଲ ବ୍ୟବସ୍ଥା ଏବଂ ଜୀବନଶୈଳୀ ସହିତ କିପରି ଖାପ ଖାଆନ୍ତି । କେତେକ କହିଛନ୍ତି ଯେ ଭାରତୀୟ ପିଲାମାନେ ସଂସ୍କୃତି, ପାରିବାରିକ ମେଳାପ ଏବଂ ସାଂସ୍କୃତିକ ମୂଳର ଏକ ଦୃଢ଼ ଭାବନା ହାସଲ କରନ୍ତି । ଅନ୍ୟମାନେ କୁହନ୍ତି ଯେ ଆମେରିକାର ବ୍ୟବସ୍ଥା ଅଧିକ ସଂରଚିତ ଏବଂ ବିଶ୍ୱସ୍ତରୀୟ ପରିଚିତି ହୋଇଥାଏ । ଶେଷରେ, ନିଷ୍ପତ୍ତି ପିତାମାତାଙ୍କ ପ୍ରାଥମିକତା ଉପରେ ନିର୍ଭର କରେ ।

ଅଧିକାଂଶ ଲୋକ ଏହି ନିଷ୍ପତ୍ତିକୁ ପ୍ରଶଂସା କରିଥିଲେ । ଜଣେ କହିଥିଲେ, "ଠିକ୍ କିମ୍ବା ଭୁଲ ଆପଣଙ୍କର ପ୍ରାଥମିକତା ଉପରେ ନିର୍ଭର କରେ।" ଅନ୍ୟ ଜଣେ ଲେଖିଛନ୍ତି, "୧.୫ କୋଟି ଭାରତ ପ୍ୟାକେଜ୍ ଏବଂ କିଛି ସଞ୍ଚୟ ସହିତ, ଆପଣଙ୍କର ଜୀବନ ଚମତ୍କାର ହେବ।" ଅନେକ ଏହାକୁ "ପରିବାର ପ୍ରଥମେ" ର ଏକ ଭଲ ଉଦାହରଣ ବୋଲି କହିଥିଲେ ।