ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମାଷ୍ଟରପ୍ଲାନ। ଯାହା ପରେ ଥରହର ପାକିସ୍ତାନ। ଏବେ କଣ କରିବ ପାକିସ୍ତାନ ? ଚିନ୍ତାରେ ପାକିସ୍ତାନ ପ୍ରଧାନମନ୍ତ୍ରୀ ଶେହବାଦ ସରିଫ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଦିନ ମୁମ୍ବାଇର ଲୋକଭବନରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନଙ୍କୁ ଭେଟିଥିଲେ। ବୈଠକ ପରେ, ଦୁଇ ନେତା ଦ୍ୱିପାକ୍ଷିକ ଆଲୋଚନା କରିବେ। ୧୧୪ଟି ରାଫେଲ ଏବଂ ହାମର କ୍ଷେପଣାସ୍ତ୍ର କ୍ରୟକୁ ଚୂଡ଼ାନ୍ତ କରାଯିବ। ଅନ୍ୟାନ୍ୟ ଅନେକ ପ୍ରସଙ୍ଗରେ ମଧ୍ୟ ଆଲୋଚନା ହେବ। ସୂତ୍ର ଅନୁଯାୟୀ ପ୍ରତିରକ୍ଷା ବାଣିଜ୍ୟ, ଦକ୍ଷତା, ସ୍ୱାସ୍ଥ୍ୟ ଏବଂ ଯୋଗାଣ ଶୃଙ୍ଖଳା କ୍ଷେତ୍ରରେ ଅନେକ ଚୁକ୍ତିନାମା ହେବ।

୨୦୦୮ ମସିହାରେ ପାକିସ୍ତାନୀ ଆତଙ୍କବାଦୀଙ୍କ ଦ୍ୱାରା କରାଯାଇଥିବା ଆତଙ୍କବାଦୀ ଆକ୍ରମଣରେ ଦୁଇ ଜଣ ଫରାସୀ ନାଗରିକଙ୍କ ସମେତ ୧୫୦ ରୁ ଅଧିକ ଲୋକ ପ୍ରାଣ ହରାଇଥିଲେ। ମୁମ୍ବାଇରେ ପହଞ୍ଚିବା ପରେ, ମହାରାଷ୍ଟ୍ର ରାଜ୍ୟପାଳ ଆଚାର୍ଯ୍ୟ ଦେବବ୍ରତ ଏବଂ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ତାଙ୍କୁ ବିମାନବନ୍ଦରରେ ସ୍ୱାଗତ କରିଥିଲେ। ପ୍ରାୟ ଏକ ଡଜନ ଚୁକ୍ତିନାମା/ଏମଓୟୁ ସ୍ୱାକ୍ଷରିତ ହେବାର ଆଶା କରାଯାଉଛି। ଦୁଇ ନେତା ମିଳିତ ଭାବରେ ଭାରତ-ଫ୍ରାନ୍ସ ନବସୃଜନ ବର୍ଷକୁ ଉଦଘାଟନ କରିବେ। ୨୦୨୬ ବର୍ଷକୁ ଉଭୟ ଦେଶରେ ଭାରତ-ଫ୍ରାନ୍ସ ନବସୃଜନ ବର୍ଷ ଭାବରେ ପାଳନ କରାଯିବ। ମାକ୍ରୋନ୍ ଗୁରୁବାର ଦିଲ୍ଲୀରେ ଏଆଇ ସମ୍ମିଟରେ ମଧ୍ୟ ଅଂଶଗ୍ରହଣ କରିବେ। ରାଷ୍ଟ୍ରପତି ମାକ୍ରୋନ୍ ପ୍ରଧାନମନ୍ତ୍ରୀ ମୋଦୀଙ୍କ ନିମନ୍ତ୍ରଣରେ ଫେବୃଆରୀ ୧୭ ରୁ ୧୯ ପର୍ଯ୍ୟନ୍ତ ଭାରତକୁ ସରକାରୀ ଗସ୍ତରେ ଅଛନ୍ତି।

ଏହା ତାଙ୍କର ଚତୁର୍ଥ ଭାରତ ଗସ୍ତ ଏବଂ ପ୍ରଥମ ମୁମ୍ବାଇ ଗସ୍ତ। ଦୁଇ ନେତା ମୁମ୍ବାଇର ଲୋକ ଭବନରେ ଦ୍ୱିପାକ୍ଷିକ ଆଲୋଚନା କରିବେ। ଏକ ସରକାରୀ ବିବୃତ୍ତି ଅନୁଯାୟୀ, ଦୁଇ ନେତା ଭାରତ-ଫ୍ରାନ୍ସ ରଣନୈତିକ ସହଭାଗୀତାରେ ଅଗ୍ରଗତି ସମୀକ୍ଷା କରିବେ। ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ମଙ୍ଗଳବାର ସକାଳେ ମୁମ୍ବାଇରେ ପହଞ୍ଚିଥିଲେ। ଏହାପରେ ସେ ମୁମ୍ବାଇର ତାଜମହଲ ପ୍ୟାଲେସ ହୋଟେଲରେ ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ପୀଡିତମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ଏଥିସହ ପଢ଼ନ୍ତୁ: ପାକିସ୍ତାନ ସରକାରଙ୍କୁ ଚିଠି ଲେଖିଲେ କପିଲ ଦେବ, କହିଲେ ଇମ୍ରାନଙ୍କୁ ଦିଆଯାଉ...

ସେପଟେ ଜେଲରେ ବନ୍ଦୀ ପାକିସ୍ତାନର ପୂର୍ବତନ ଅଧିନାୟକ ତଥା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇଛି। ତାଙ୍କର ଚିକତ୍ସା ହେବା ଦରକାର ବୋଲି ଦାବି ଜୋର ଧରିଛି । ଇମ୍ରାନଙ୍କ ଚିକିତ୍ସା ଦାବି କରି ପାକିସ୍ତାନ ସରକାରଙ୍କୁ ଚିଠି ଲେଖିଛନ୍ତି ୧୪ ଜଣ ପୂର୍ବତନ ଅଧିନାୟକ ।

ଅଧିକ ପଢ଼ନ୍ତୁ ଦେଶ ଖବର: