ନୂଆଦିଲ୍ଲୀ: ଭାରତ ଭଳି ଜନବହୁଳ ରାଷ୍ଟ୍ରରେ ମେଡିକାଲ୍ ଖର୍ଚ୍ଚକୁ ନେଇ ଅନେକ ଚର୍ଚ୍ଚା ହୁଏ । କୁହାଯାଏ ଭାରତ ବାହାରେ ବିଦେଶରେ ଚିକିତ୍ସା ସୁବିଧା ବେଶ ଉନ୍ନତ । ହେଲେ ଆମେରିକାରେ ପ୍ରାୟ ଦୁଇ ଦଶନ୍ଧି ରହିବା ପରେ ଚିକିତ୍ସା ବ୍ୟବସ୍ଥା ଉପରେ ଅସନ୍ତୋଷ ବ୍ୟକ୍ତ କରି ଭାରତ ଫେରି ଆସିଛନ୍ତି NRI ଦମ୍ପତି ।

୧୭ ବର୍ଷ ପରର ଲମ୍ବା ଅବଧି ପରେ ଦମ୍ପତି ଭାରତ ଫେରିଛନ୍ତି ଦୁଇ ଜାଆଁଳା ଛୁଆଙ୍କ ସହ । ଇନଷ୍ଟାଗ୍ରାମର ଏକ ଭିଡିଓ ପୋଷ୍ଟ କରି ଆମେରିକାର ସ୍ଵାସ୍ଥ୍ୟ ବ୍ୟବସ୍ଥା କିଭଳି ସେମାନଙ୍କୁ ଆର୍ଥିକ ଚାପରେ ରଖୁଥିଲା ବଖାଣିଛନ୍ତି । ଏପରିକି ବ୍ୟୟବହୁଳ ସ୍ଵାସ୍ଥ୍ୟବୀମା ସହ ଅତ୍ୟଧିକ ଚିକିତ୍ସା ଖର୍ଚ୍ଚ କଷ୍ଟକର ହେଉଥିଲା ।

ଏଥିସହ ପଢ଼ନ୍ତୁ: ବଳ ଗୋଟାଉଛି ବାତ୍ୟା 'ଫିନା'; ଘଣ୍ଟା ପ୍ରତି ୨୦୫ କିଲୋମିଟର ବେଗରେ ପବନ

ଆମେରିକାରେ ଆପଣଙ୍କର ସ୍ଵାସ୍ଥ୍ୟ ବୀମା ଥିଲେ ବି ଆପଣଙ୍କୁ ଆପଣଙ୍କ ଡିଡକ୍ସନ ସୀମା ଛୁଇଁବା ପର୍ଯ୍ୟନ୍ତ ପକେଟ୍‌ରୁ ଟଙ୍କା ଦେବାକୁ ପଡ଼େ । ଦମ୍ପତି ୧୪ ହଜାର ଡଲାରର ମାସିକ ପ୍ରିମିୟମ୍ ଦେଇ ସ୍ଵାସ୍ଥ୍ୟ ବୀମା ନେଇଥିଲେ । ଯେଉଁଥିରେ ସେମାନଙ୍କ ଜାଆଁଳା ଛୁଆ ଅନ୍ତର୍ଭୁକ୍ତ ନଥିଲେ ।

View this post on Instagram

A post shared by Dhara (@twinsbymyside)

ଦିନକୁ ଦିନ ସ୍ଵାସ୍ଥ୍ୟସେବାରେ ଖର୍ଚ୍ଚ ଅଧିକ ହେଲା । ଆଉ ଶେଷରେ ଦମ୍ପତି ନିଷ୍ପତ୍ତି ନେଲେ ଭାରତ ପଳାଇ ଆସିବାକୁ । ଆମେରିକା ଅପେକ୍ଷା ଭାରତରେ ଚିକିତ୍ସା ସୁଲଭ ଏବଂ ସୁଗମ୍ୟ ବୋଲି କହିଛନ୍ତି NRI ଦମ୍ପତି । ସେମାନେ କହିଛନ୍ତି, "ଭାରତରେ ଚିକିତ୍ସା ବ୍ୟବସ୍ଥା ଲକଜପରୀ ନୁହେଁ । ଏଠାରେ ଭଲ ଡାକ୍ତରଙ୍କୁ ସାକ୍ଷାତ କରି ହେବ । ଏହା ଜୀବନର କତା ଆର୍ଥିକ ଚାପର ନୁହେଁ ।"

ଏଥିସହ ପଢ଼ନ୍ତୁ: ଲଘୁଚାପ ପାଇଁ ରାଜ୍ୟରେ ବଦଳିବ କି ପାଗ ? ଆଗାମୀ ୭ ଦିନ ପାଇଁ କ'ଣ ରହିଛି ପାଣିପାଗ ବିଭାଗର ପୂର୍ବାନୁମାନ

ଆମେରିକାରୁ ଆସିଥିବା NRI ଦମ୍ପତିଙ୍କ ଭିଡିଓକୁ ଇନଷ୍ଟାଗ୍ରାମରେ ୧.୬ ମିଲିୟନରୁ ଅଧିକ ଦର୍ଶକ ଦେଖି ସାରିଲେଣି । ହଜାର ହଜାର କମେଣ୍ଟ ମଧ୍ୟ ଆସିଛି । ଅଧିକାଂଶ ୟୁଜର ଦମ୍ପତିଙ୍କ କଥାରେ ଏକମତ ହୋଇଥିବା ଦେଖିବାକୁ ମିଳିଛି ।

ଜଣେ ୟୁଜର୍ ଲେଖିଛନ୍ତି, "ମୋର ଜଣେ ସମ୍ପର୍କୀୟ ଆମେରିକାରେ ତାଙ୍କ ଆପେଣ୍ଡିକ୍ସ ଅପରେସନ୍ ପାଇଁ ଡାକ୍ତରଙ୍କ ସହ ଆଲୋଚନା କରିଥିଲେ । ସେଠାରେ ଅପେସରନର ଖର୍ଚ୍ଚ ପ୍ରାୟ ୪୫ ହଜାର ଆମେରିକୀୟ ଡଲାର୍ ଥିଲା । ଯେତେବେଳେ କି ଭାରତରେ ଉକ୍ତ ଅପରେସନ୍ ମାତ୍ର ୩୦ ହଜାର ଟଙ୍କାରେ ହୋଇଗଲା ।"