ଅପ୍ପୁ ବାଉରୀ, ଫିର୍ଦ୍ଦୋସ ଶେଖ୍, ଶେଖ୍ ରିଆଜୁଦ୍ଦିନ, ନସିରୁଦ୍ଦିନ ଓ ସଫିକ୍ ଗୁଲ୍ । ଏ 5 ଅଭିଯୁକ୍ତ ହେଲେ ସେହି ଦୁର୍ବୃତ୍ତ ଯେଉଁମାନେ ଓଡ଼ିଆ ଡାକ୍ତରୀ ଛାତ୍ରୀଙ୍କୁ ଦେଇଥିଲେ ନିର୍ଯାତନା । ବନ୍ଧା ହୋଇଥିବା ଏ 5 ଅଭିଯୁକ୍ତଙ୍କୁ ନେଇ ଆଜି ସେଦିନର କ୍ରାଇମ୍ ସିନ୍ ରି କ୍ରିଏସନ କରିଛି ପୋଲିସ । କେମିତି ପୁରା ଘଟଣା ଘଟିଲା, କେତେବେଳେ ଯୁବତୀଙ୍କୁ ଡାକିଲେ, କେଉଁ ରାସ୍ତାରେ ଯାଇଥିଲେ ତମାମ ଘଟଣାର ସିନ ରିକ୍ରିଏସନ କରାଯାଇଛି । ଆଉ ଇଏ ହେଉଛି ଓ୍ବାସିଫ ଅଲ୍ଲୀ, ସମ୍ପୃକ୍ତ ଡାକ୍ତରୀ ଛାତ୍ରୀଙ୍କ ପୁରୁଷ ବନ୍ଧୁ । ଯାହା ସହ ସେଦିନ ହଷ୍ଟେଲରୁ ବାହାରକୁ ଯାଇଥିଲେ ପୀଡ଼ିତା । ପୁରା ଘଟଣାରେ ସନ୍ଦେହ ଘେରରେ ଏ ପୁରୁଷ ବନ୍ଧୁ ୱାସିଫ୍ ଅଲ୍ଲୀର ଭୂମିକା । କାରଣ ସେଦିନ ରାତିରେ ପୀଡ଼ିତାଙ୍କୁ ବାହାରକୁ ଆସିବାକୁ ୱାସିଫ୍ ହିଁ ଜିଦ୍ ଧରିଥିଲା । ତେଣୁ ଯୋଜନା ବଦ୍ଧ ଭାବେ ପୀଡ଼ିତାଙ୍କୁ ବାହାରକୁ ଆସିବାକୁ ବାଧ୍ୟ କରିଥିଲା କି ପୁରୁଷ ବନ୍ଧୁ ? ଗଣଦୁଷ୍କର୍ମରେ ସାମିଲ 5 ଦୁର୍ବୃତ୍ତଙ୍କ ସହ ତାର ସମ୍ପର୍କକୁ ନେଇ ସୃଷ୍ଟି ହୋଇଛି ସନ୍ଦେହ ।

ଘଟଣାଦିନ ରାତିରେ ଜେରା କରିବା ପରେ ୱାସିଫକୁ ଛାଡ଼ି ଦେଇଥିଲା ପୋଲିସ। ଏଣୁ ପଶ୍ଟିମବଙ୍ଗ ପୋଲିସର ଭୂମିକା ବି ଆସିଛି ବିବାଦ ଘେରକୁ । ଏବେ ତାକୁ ଅଟକ ରଖି ଜେରା କରୁଛି ପୋଲିସ । ଦିନକ ତଳେ ଝିଅର ସୁରକ୍ଷା ନେଇ ଚିନ୍ତା ବ୍ୟକ୍ତ କରିଥିଲେ ପୀଡ଼ିତାଙ୍କ ବାପା। ମମତା ସରକାର ସହଯୋଗ କରୁନଥିବା ଏବଂ ଘଟଣାକୁ ଚାପି ଦେବାକୁ ଉଦ୍ୟମ କରାଯାଉଥିବା ଆଣିଥିଲେ ଅଭିଯୋଗ । ଝିଅକୁ ଓଡ଼ିଶା ନେଇ ଆସିବାକୁ ମୁଖ୍ୟମନ୍ତ୍ରୀଙ୍କୁ କରିଥିଲେ ଅନୁରୋଧ। ସେପଟେ ପୀଡ଼ିତାଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସୁଥିବା ଏବଂ ବାପାଙ୍କ ସହ କଥା ହୋଇଥିବା କହିଛନ୍ତି ବାଲେଶ୍ବର ଜିଲ୍ଲାପାଳ ।

ଏଥିସହ ପଢ଼ନ୍ତୁ: ମମତାଙ୍କ ପୋଲ ଖୋଲିଦେଲେ ବାଂଶୁରୀ

ପ୍ରଶାସନର ଟିମ୍ ଯାଇ ପୀଡ଼ିତାଙ୍କୁ ଭେଟିଛନ୍ତି, ଏବେ ବି ସେଠାରେ ଅଛନ୍ତି ବାଲିଆପାଳ ବିଡିଓ । ପୀଡ଼ିତା ଓ ପରିବାରକୁ ସବୁ ପ୍ରକାର ସହାୟତା ଯୋଗାଇ ଦେଉଛନ୍ତି ସରକାର । ମାମଲାର ସମସ୍ତ ଅଭିଯୁକ୍ତ ଗିରଫ ହୋଇସାରିଥିବାବେଳେ ସେମାନଙ୍କୁ କଠୋର ଦଣ୍ଡବିଧାନ ପାଇଁ କେମିତି ତଦନ୍ତ ଆଗକୁ ବଢ଼ାଉଛି, ଚାର୍ଜସିଟ୍ ପ୍ରସ୍ତୁତ କରୁଛି ବେଙ୍ଗଲ ପୋଲିସ ତା ଉପରେ ନଜର।

ଅଧିକ ପଢ଼ନ୍ତୁ ଦେଶ ଖବର: