ସାରା ଦେଶରେ ଖସୁଛି ମାଓବାଦୀଙ୍କ ଗ୍ରାଫ। ୮କୁ ଖସିଲା ମାଓ ପ୍ରବଣ ଜିଲ୍ଲା। ଛତିଶଗଡ଼ର ୬ଟି ଜିଲ୍ଲା, ଝାଡ଼ଖଣ୍ଡର ଗୋଟିଏ ଜିଲ୍ଲା ମାଓପ୍ରବଣ। ଓଡ଼ିଶାର କେବଳ କନ୍ଧମାଳ ଜିଲ୍ଲା ମାଓ ପ୍ରଭାବିତ ରହିଛି ।  ସେପଟେ ମାଲକାନଗିରିରେ ଏରିଆ କମିଟି ମେମ୍ବର ସୁଖରାମ ମର୍କମ କଲା ଆତ୍ମସମର୍ପଣ। ଦୀର୍ଘ ବର୍ଷ ଧରି ମାଓ ସଂଗଠନ ରେ କାର୍ଯ୍ୟ କରୁଥିଲା ସୁଖରାମ ।

ସେପଟେ ଗତ କିଛିଦିନ ତଳେ ଓଡ଼ିଶା-ଝାଡ଼ଖଣ୍ଡ ସୀମାନ୍ତ ସରଣ୍ଡା ଜଙ୍ଗଲରେ ସୁରକ୍ଷା କର୍ମୀ ଓ ମାଓ ବାଦୀଙ୍କ ମଧ୍ୟରେ ହୋଇଥିଲା ବଡ଼ ଧରଣା ଏନ କାଉଣ୍ଟର। ଏନକାଉଣ୍ଟରରେ ଟଳିଲେ ୧୫ ମାଓବାଦୀ। ଏମାନଙ୍କ ମଧ୍ୟରେ ୧ କୋଟି ପୁରସ୍କାର ଘୋଷଣା ହୋଇଥିବା ଜଣେ କୁଖ୍ୟାତ ମାଓନେତା ଅନଲଦା ବି ନିହତ ହୋଇଥିଲା।

ମାଓ ବାଦୀ କେତେବେଳେ ରାସ୍ତାବନ୍ଦ କରୁଥିଲେ ତ କେତେବେଳେ ସ୍କୁଲ ଖୋଲିବାକୁ ଖୋଲାଖୋଲି ମନା କରୁଥିଲେ । ରୋଗୀ ସେବା ପାଇଁ ହସ୍ପିଟାଲ ନିର୍ମାଣରେ ସେମାନେ ବାଧା ଉପୁଜାଉଥିଲେ । ଡାକ୍ତରମାନଙ୍କୁ ଧମକ ଦେବା ସହ ଅନେକ ସ୍ଥାନରେ ମୋବାଇଲ ଟାଓ୍ବାର ଉଡାଇ ଦେଉଥିଲେ । କିନ୍ତୁ ସେମାନେ ଏବେ ହିଂସା ଛାଡି ନୂଆ ବିକାଶ ପ୍ରକ୍ରିୟାରେ ସାମିଲ ହେଉଛନ୍ତି । ଅପହଞ୍ଚ ଇଲାକାକୁ ଯୋଡୁଛି ରାସ୍ତା । ସ୍କୁଲ ଓ ହସ୍ପିଟାଲ ନିର୍ମାଣ ଦ୍ବାରା ସ୍ଥାନୀୟ ଅଂଚଳର ଶିଶୁମାନଙ୍କ ପାଇଁ ନୂଆ ସମ୍ଭାବନା ସୃଷ୍ଟି ହୋଇଛି ବୋଲି କହିଛନ୍ତି ବୁଦ୍ଧିଜୀବୀ। ଏବେ ମାଓବାଦୀଙ୍କୁ ନିସ୍ତାର ନାହିଁ । କ୍ରମାଗତ ଭାବେ ଗୋଟିଏ ପରେ ଗୋଟିଏ ମୁଣ୍ଡ ଗଡିବା ପରେ ଏବେ ବଡ଼ ବଡ଼ ନକ୍ସଲ କମାଣ୍ଡର ଆତ୍ମସମର୍ପଣ ମଧ୍ୟ କରୁଛନ୍ତି । କାହିଁକି ନା ସେମାନେ ଜାଣିସାରିଛନ୍ତି , ଆଗକୁ ସ୍ଥିତି ଆହୁରି ସଙ୍ଗୀନ ହେବ । କେନ୍ଦ୍ର ସରକାରଙ୍କ ନକ୍ସଲଙ୍କ ବିରୋଧରେ କଡା ଆଭିମୁଖ୍ୟ ରହିଥିବାରୁ ଏବେ ମାଓବାଦୀ ଶେଷ ନିଶ୍ବାସ ନେଉଛନ୍ତି । ପ୍ରତିଟି ନକ୍ସଲ ଅପରେସନକୁ ମିଳୁଛି ବଡ଼ ସଫଳତା