ଉଦଯାପନୀ ହୋଇଛି ପୁରୀ ବଗଲା ଧର୍ମଶାଳାରେ ଭାରତୀୟ ମଜଦୁର ସଂଘ ପକ୍ଷରୁ ଆୟୋଜିତ ୨୧ ତମ ଅଖିଳ ଭାରତୀୟ ତ୍ରୟବାର୍ଷିକ ଅଧିବେଶନ । ଏହି ସମ୍ମୀଳନିକୁ କେନ୍ଦ୍ର ଶ୍ରମମନ୍ତ୍ରୀ ଉଦଘାଟନ କରିଥିଲେ । କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ କାର୍ଯ୍ୟକ୍ରମରେ ସ୍ୱତନ୍ତ୍ର ଅତିଥି ଭାବେ ଯୋଗଦେଇ ଶ୍ରମିକ କଲ୍ୟାଣ ଉପରେ ବିସ୍ତୃତ ଆଲୋଚନା କରିଥିଲେ। ଅଧିବେଶନରେ ୨୦୨୬ ରୁ ୨୦୨୯ ପର୍ଯ୍ୟନ୍ତ ନୂତନ କେନ୍ଦ୍ରୀୟ କମିଟି ଗଠନ କରାଯାଇଛି । ନିର୍ବାଚନ ଅଧିକାରୀ ଏସ୍‌. କେ. ରାଠୋରଙ୍କ ନିରୀକ୍ଷଣରେ ଏହି ନିର୍ବାଚନ ପ୍ରକ୍ରିୟା ସମ୍ପନ୍ନ ହୋଇଥିଲା । ନୂତନ କମିଟିରେ ଏସ୍‌. ମଲେଶମଙ୍କୁ ଭାରତୀୟ ମଜଦୁର ସଂଘର ଅଧ୍ୟକ୍ଷ ଭାବେ ଚୟନ କରାଯାଇଛି । ସୁରେନ୍ଦ୍ର କୁମାର ପାଣ୍ଡେୟଙ୍କୁ ମହାମନ୍ତ୍ରୀ ଭାବେ ନିଯୁକ୍ତ କରାଯାଇଛି । ଏକାଧିକ କାର୍ଯ୍ୟକର୍ତ୍ତାଙ୍କୁ ସଂଘର ଅଲ୍ ଇଣ୍ଡିଆ ସେକ୍ରେଟାରୀ ଭାବେ ଚୟନ କରାଯାଇଛି । ଶ୍ରମିକଙ୍କ ସ୍ୱାର୍ଥ ସମ୍ପର୍କିତ ୪ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବ ପାରିତ ହୋଇଛି ବୋଲି କହିଛନ୍ତି ଭାରତୀୟ ମଜଦୁର ସଂଘର ଅଧ୍ୟକ୍ଷ ଏସ୍ ମଲେଶମ।

୩ ଦିନିଆ ଏହି ସମ୍ମିଳନୀରେ ଭାରତର ୨୮ଟି ରାଜ୍ୟ, ୪ଟି କେନ୍ଦ୍ର ଶାସିତ ଅଞ୍ଚଳ, ୪୨ଟି ଶିଳ୍ପ ଫେଡେରେସନର ପ୍ରତିନିଧିତ୍ଵ କରୁଥିବା ସମଗ୍ର ଭାରତରୁ ୨୫୦୦ ପ୍ରତିନିଧି ଯୋଗ ଦେଇଥିଲେ । ଶ୍ରମିକ ମାନଙ୍କ କଲ୍ୟାଣ ପାଇଁ କେନ୍ଦ୍ର ସରକାର ସମସ୍ତ ପଦକ୍ଷେପ ନେଉଛନ୍ତି । ଭାରତର ଅର୍ଥନୀତି ସୁଦୃଢ ହେବାରେ ଶ୍ରମଶକ୍ତିର ଅବଦାନ ରହିଛି । ତେଣୁ ଭାରତର ଶ୍ରମ ଶକ୍ତିକୁ ଆଧୁନିକ ଢାଞ୍ଚାରେ ନେବାପାଇଁ କେନ୍ଦ୍ର ସରକାର ବିଭିନ୍ନ ଦକ୍ଷତା ଏବଂ କୌଶଳ ଭିତ୍ତିକ ପ୍ରଶିକ୍ଷଣ ଶ୍ରମିକ ମାନଙ୍କୁ ପ୍ରଦାନ କରାଯାଉଛି । ଏଆଇ ଟେକ୍ନୋଲୋଜି ମାଧ୍ୟମରେ ଶ୍ରମ ଶକ୍ତିକୁ ଆହୁରି କିଭଳି ସଶକ୍ତ କରିହେବ ସେନେଇ କେନ୍ଦ୍ର ସରକାର ବିଭିନ୍ନ ପଦକ୍ଷେପ ନେଉଛନ୍ତି ବୋଲି କହିଥିଲେ କେନ୍ଦ୍ରମନ୍ତ୍ରୀ । ଅନ୍ୟପଟେ ଭାରତୀୟ ମଜଦୁର ସଂଘର ଅଲ୍ ଇଣ୍ଡିଆ ସେକ୍ରେଟାରୀ ଭାବେ ସୁନ୍ଦରଗଡର ଓଡିଆ ଝିଅ ଅଞ୍ଜଳୀ ପଟେଲ୍ ଦାୟିତ୍ୱ ନେଇଥିବା ବେଳେ ଆଶା ଓ ଅଙ୍ଗନବାଡି କର୍ମଚାରୀଙ୍କ ସୁରକ୍ଷା, ନିରାପତ୍ତା ଓ ବର୍ଦ୍ଧିତ ଦରମା ଉପରେ କେନ୍ଦ୍ର ସରକାରଙ୍କୁ ଅବଗତ କରାଇବେ।

ଏହି ଜାତୀୟ ସମ୍ମୀଳନିରେ ଶ୍ରମିକ କଲ୍ୟାଣ ଉପରେ ବିସ୍ତୃତ ଆଲୋଚନା ହୋଇଥିବା ବେଳେ କେନ୍ଦ୍ର ସରକାର ଏମାନଙ୍କ ଉପରେ ବିଶେଷ ଧ୍ୟାନ ଏବଂ ଗୁରୁତ୍ୱ ଦେବେ ବୋଲି ଆଶା କରାଯାଉଛି ।

ଭାରତୀୟ ମଜଦୂର ସଂଘର ୨୧ ତମ ଅଖିଳ ଭାରତୀୟ ସମ୍ମିଳନୀକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଉଦଘାଟନ କରିଥିଲେ। ୩ ଦିନ ଧରି ଚାଲିଥିବେ ଏହି କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗ ଦେଇଥିଲେ।