ଦିନକୁ ଦିନ କିଡନୀ ରୋଗ ବଢ଼ିଚାଲିଛି । ଏକ ରିପୋର୍ଟ ଅନୁସାରେ, ଏହା ୨୦୪୦ ସୁଦ୍ଧା ମୃତ୍ୟୁର ପଞ୍ଚମ ବଡ଼ କାରଣ ହୋଇପାରେ ବୋଲି କୁହାଯାଉଛି ।

ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ ଯଦି ଆପଣଙ୍କର କିଡନୀ ସହିତ ଜଡିତ କୌଣସି ଅସୁବିଧା ଅଛି, ତେବେ ଏହାର କାର୍ଯ୍ୟରେ ଉନ୍ନତି ଆଣିବା ପାଇଁ ଆପଣଙ୍କ ଖାଦ୍ୟ ପ୍ରତି ଧ୍ୟାନ ଦେବା ଜରୁରୀ । ଆମ ଶରୀରରୁ ବିଷାକ୍ତ ପଦାର୍ଥ ବାହାର କରିବା ପାଇଁ କିଡନୀ କାମ କରେ । ତେଣୁ କିଡନୀ ସହିତ ଜଡିତ ଛୋଟ ଛୋଟ ସମସ୍ୟାକୁ ମଧ୍ୟ ଅଣଦେଖା କରାଯାଇପାରିବ ନାହିଁ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ ।

ସୂଚନାନୁଯାୟୀ ଗଞ୍ଜାମ କାଳୀପଲ୍ଲୀ ପଞ୍ଚାୟତରେ ବଢୁଛି କିଡ଼ନୀ ରୋଗୀଙ୍କ ସଂଖ୍ୟା। ଏହି ପଞ୍ଚାୟତରେ ଅଛନ୍ତି ୮୬ ଜଣ କିଡନୀ ରୋଗୀ । ପୂର୍ବରୁ ଥିଲେ ୧୦୩ ରୋଗୀ । କିଛି ରୋଗୀଙ୍କ ମୃତ୍ୟୁ ହେବା ପରେ ଏବେ ରୋଗୀ ସଂଖ୍ୟା ୮୬ ରହିଛି । ରୋଗୀ ସଂଖ୍ୟା ବଢିବାରୁ ଅନୁସନ୍ଧାନ କରିବାକୁ ଡାକ୍ତରଙ୍କୁ ଜିଲ୍ଲାପାଳ ଦେଇଥିଲେ ନିର୍ଦ୍ଦେଶ । ପାନୀୟ ଜଳ ଓ କୀଟନାଶକ ଔଷଧରୁ ରୋଗ ବ୍ୟାପୁଥିବା ପ୍ରାଥମିକ ରିପୋର୍ଟରୁ ଜଣା ପଡିଥିଲା । ଏହା ପରେ ଜିଲ୍ଲା ପ୍ରଶାସନ ଅନୁରେୋଧ କ୍ରମେ ମୁମ୍ବାଇରୁ ବିଶେଷଜ୍ଞ ଟିମ୍ ଆସି ରୋଗୀଙ୍କ ସ୍ୱାସ୍ଥ୍ୟ ପରୀକ୍ଷା କରୁଛି ।

କିଡନୀ ରୋଗୀଙ୍କ ସଂଖ୍ୟା ବଢିବା ପରେ ପ୍ରତିଦିନ ଲୋକ ମାନଙ୍କର କରାଯାଉଛି ସ୍ଵାସ୍ଥ୍ୟ ପରୀକ୍ଷା । ରୋଗକୁ ନିୟନ୍ତ୍ରଣ କରିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ନିଆଯାଇଛି ପଦକ୍ଷେପ । ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ସ୍ଵାସ୍ଥ୍ୟ ବିଭାଗ ରୋଗର ନିରାକରଣ, ପ୍ରତିଷେଧକ ବ୍ୟବସ୍ଥା କରୁଛି । କାଳୀପଲ୍ଲୀ ପଂଚାୟତର ବଡ଼ପୁଟି, ରେ.କତୁରୁ ଓ ବନ୍ଦରଗାଁର ଗ୍ରାମବାସୀଙ୍କ ସ୍ବାସ୍ଥ୍ୟ ପରୀକ୍ଷା କରାଯିବ। ଆଇରନ ଯୁକ୍ତ ପାଣି ପିଇବା ଦ୍ୱାରା କିଡ଼ନୀ ରୋଗ ବ୍ୟାପୁଥିବା ଗ୍ରାମବାସୀ ଅଭିଯୋଗ କରିଛନ୍ତି ।

କିଡନୀ କର୍କଟର ଲକ୍ଷଣ: ପରିସ୍ରାରେ ରକ୍ତ,ଅଣ୍ଟାରେ ଯନ୍ତ୍ରଣା,ଭୋକ ନ ଲାଗିବା,ଓଜନ ହ୍ରାସ,ଜ୍ୱର ଲାଗି ରହିବା,ରକ୍ତହୀନତା ଏବଂ ଦୁର୍ବଳତା ।

କେଉଁମାନଙ୍କୁ ହୋଇଥାଏ କିଡନୀ କର୍କଟ । ଧୂମପାନ କରୁଥିବା ବ୍ୟକ୍ତି କିଡନୀ ବା ବୃକକ କର୍କଟରେ ଆକ୍ରାନ୍ତ ହେବାର ସମ୍ଭାବନା ଅଧିକ। ସେହିପରି ଯେଉଁମାନେ ଉଚ୍ଚ ରକ୍ତଚାପରେ ପୀଡିତ ସେମାନଙ୍କର କିଡନୀ କର୍କଟ ହୋଇପାରେ ।