କଲେଜ ପ୍ରିନ୍ସପାଲ ପରିଚୟ ଦେଇ ଠକି ନେଲେ ୩୦ ହଜାର ଟଙ୍କା। ନବରଙ୍ଗପୁର ଉମରକୋଟ ବ୍ଲକ ଖାଣ୍ଡା ପଂଚାୟତର ଲକ୍ଷ୍ମଣ ସାନ୍ତାଙ୍କ ପୁଅ ପିଣ୍ଟୁ ସାନ୍ତା +2 ଆଡ଼ମିସନ ପାଇଁ ଆବେଦନ କରିଥିଲେ। ଲକ୍ଷ୍ମଣଙ୍କୁ ଗତକାଲି ଏକ ଅଜଣା ନମ୍ବରରୁ ଫୋନ ଆସିଥିଲା । କଲର ଜଣଙ୍କ ନିଜକୁ ପେନ୍ଡ୍ରାଣି କଲେଜର ପ୍ରିନ୍ସପାଲ, ପୁଅର ଆଡ଼ମିସନର ଆଜି ଶେଷ ତାରିଖ ଅଛି । ତେଣୁ ତୁରନ୍ତ ଆଡମିସନ ଫି ପୈଠ କରିବାକୁ କହିଥିଲେ ।

ଏଥିପାଇଁ ବ୍ୟକ୍ତି ଜଣଙ୍କ QR CODE ପଠେଇ ଫୋନ ପେ ମାଧ୍ୟମରେ ଟଙ୍କା ପୈଠ କରିବାକୁ କହିଥିଲେ। ଲକ୍ଷ୍ମଣ ତାଙ୍କ କଥାରେ ବିଶ୍ବାସ କରି ପର୍ଯ୍ୟାୟକ୍ରମେ ୩୦ ହଜାର ଟଙ୍କା ପଠାଇଥିଲେ। ମାତ୍ର ପୁଅର ଆଡମିସନ ହେଲାନାହିଁ । ଲକ୍ଷ୍ମଣ ସାଇବର ଠକେଇର ଶିକାର ହୋଇଥିବା ଯାଣିବାକୁ ପାଇବା ପରେ ଉମରକୋଟ ଥାନାରେ ଏତଲା ଦେଇଛନ୍ତି। ଏଭଳି ଘଟଣା ରାଜ୍ୟର ବିଭିନ୍ନ ସ୍ଥାନରୁ ଆସୁଛି। ଭିନ୍ନ ଭିନ୍ନ ଫୋନ କଲ ମାଧ୍ୟମରେ ଠକି ନେଉଛନ୍ତି ଟଙ୍କା। ଏମାନଙ୍କୁ ଧରିବା ପାଇଁ ଦୃଢ଼ କାର୍ଯ୍ୟାନୁଷ୍ଠାନ ଆବଶ୍ୟକ।

ଅଧିକ ପଢ଼ନ୍ତୁ ଓଡ଼ିଶା ଖବର: