ବାଲେଶ୍ୱର ଜିଲ୍ଲା ଖଇରା ଥାନା ଅଧିନ କୁରୁଣ୍ଟା ଗାଁରେ ବଜ୍ରପାତରେ ଜଣେ ଯୁବକଙ୍କର ମୃତ୍ୟୁ ହୋଇଛି।ମୃତ ଯୁବକ ଜଣକ ହେଉଛନ୍ତି ରମାକାନ୍ତ ପଣ୍ଡାଙ୍କ ୩୦ବର୍ଷୀୟ ପୁଅ ଚନ୍ଦ୍ରକାନ୍ତ ପଣ୍ଡା। ଚନ୍ଦ୍ରକାନ୍ତଙ୍କ ନିଜର ଟ୍ରାକ୍ଟର ବିଲରେ ହଳ କରୁଥିବା ବେଳେ ସେ ବିଲ ଦେଖିବାକୁ ଯାଇଥିଲେ। ତେବେ ସେ ହିଡ଼ ମୁଣ୍ଡରେ ଛିଡା ହୋଇ ମୋବାଇଲ ଚଲାଉଥିଲେ।

ଠିକ୍ ସେହି ସମୟରେ ସେ ବଜ୍ରପାତର ଶିକାର ହୋଇଥିଲେ। ଟ୍ରାକ୍ଟର ଡ୍ରାଇଭର ଲୋକଙ୍କୁ ଡାକିବା ପରେ ତାଙ୍କୁ ଉଦ୍ଧାର କରି ସିମୁଳିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୋବାଇଲ ଧରିଥିବାରୁ ତାଙ୍କ ହାତ, ଆଙ୍ଗୁଠି ସମେତ ପେଟ ପୋଡ଼ିଯାଇଛି।