ଭୁବନେଶ୍ଵର: କାଲି ଭଣ୍ଡ ସନ୍ୟାସୀର ଭାଣ୍ଡା ଫୋର୍ଡ କରିଥିଲେ ଶ୍ରୀମୟୀ ମିଶ୍ର । କାହା ନାଁ ନ ନେଇ ହିନ୍ଦୀ ୱେବ ସିରିଜ୍‌ର ଉଦାହରଣ ଦେଇ ସମାଜର ଭଣ୍ଡ ସନ୍ୟାସୀଙ୍କ ମୁଖା ଖୋଲିଥିଲେ । ଆଉ ୨୩ ଘଣ୍ଟା ନ ହେଉଣୁ ଆଜି ଦେହକୁ ନେଇଗଲା ବିଜେଡି । ସ୍କ୍ରିପ୍ଟ ଲେଖି ଦଳୀୟ ନେତ୍ରୀଙ୍କ ମୁଁହରେ ଶ୍ରୀମୟୀଙ୍କୁ ଟାର୍ଗେଟ୍ କରିଛି କୋଟେରୀ ଗ୍ରୁପ ।

ଶ୍ରୀମୟୀ, ବିଜେଡି କି ବିଜେଡି ନେତାଙ୍କ ନାଁ ନ ନେଇ ନିଜ ସୋସିଆଲ ମିଡିଆରେ ପୋଷ୍ଟ କରିଥିଲେ । କିଛିଦିନ ତଳେ ଧୃତ ରାଷ୍ଟ୍ର ଆଉ କାଲି ଭଣ୍ଡ ସନ୍ୟାସୀର କାହାଣୀ କହିଥିଲେ ଶ୍ରୀମୟୀ । ଶ୍ରୀମୟୀଙ୍କ ପୋଷ୍ଟ ପରେ ବିଜେଡିକୁ କାହିଁକି କଷ୍ଟ ହେଲା ? ତେବେ ସୋସିଆଲ ମିଡିଆ ପୋଷ୍ଟରୁ ନିବୃତ ରହିବାକୁ ଚେତାବନୀ ଦେଇଛି ବିଜେଡି । ଏଥିସହ ଶ୍ରୀମୟୀଙ୍କୁ ଭଣ୍ଡ ମାତାର ଆଖ୍ୟା ବି ଦେଇଛି ବିଜେଡି ।

ଏଥିସହ ପଢ଼ନ୍ତୁ: ବିଜେଡିରେ ସୁରକ୍ଷିତ କି ନାରୀନେତ୍ରୀ ? ଦଳର ନେତ୍ରୀଙ୍କୁ ଅପମାନଜନକ ଅପଶବ୍ଦ କହୁଛନ୍ତି ମନ୍ମଥ

ଦଳର କିଛି ବରିଷ୍ଠ ନେତ୍ରୀ ଶ୍ରୀମୟୀଙ୍କ ପୋଷ୍ଟ ବ୍ୟକ୍ତିଗତ ମତ ବୋଲ କହିଥିଲେ । କିଛି ନେତା କହିଲେ ଶ୍ରୀମୟୀଙ୍କ ମନ୍ତବ୍ୟ ସରକାରୀ ଦଳକୁ ଇଙ୍ଗିତ । ଏଭଳି କି ବିଜେଡିର ବରିଷ୍ଠ ବିଧାୟିକା ପ୍ରମିଳା ମଲ୍ଲିକ, ତାଙ୍କ ଦଳର ନେତ୍ରୀଙ୍କୁ ମନ୍ମଥଙ୍କ କଟୁ ମନ୍ତବ୍ୟ ନେଇ କହିଥିଲେ ଏଭଳି ବୟାନବାଜି ଉଚିତ୍ ନୁହେଁ, ସେ ମନ୍ମଥଙ୍କ ସହ କଥା ହେବେ ।
ମାତ୍ର ତାହା ପରେ ଦଳର ପ୍ରେସମିଟ୍ କହୁଛି ଦଳର ବୟାନରେ ରହୁନାହିଁ ତାଳମେଳ । ସେପଟେ ଭିଡିଓ ଭାଇରାଲର ଧମକ ଦେଇ ମହିଳା ନେତ୍ରୀଙ୍କୁ ଅପମାନିତ କରିଥିବା କୋଟେରୀ ଗ୍ରୁପ୍ ନେତା ମନ୍ମଥ ରାଉତରାୟଙ୍କ ବିରୋଧରେ କେବେ ଆକ୍ସନ ?

ନବୀନଙ୍କୁ ପରୋକ୍ଷରେ ଅଯୋଗ୍ୟ ରାଜା କହିଲେ ଶ୍ରୀମୟୀ ତାହା ବିଜେଡି ନେତାଙ୍କୁ ବାଧିଲାନି । କିନ୍ତୁ ଭୈରବ ପାଣ୍ଡିଆନଙ୍କୁ ପରୋକ୍ଷରେ ଭଣ୍ଡ ସନ୍ୟାସୀ ଶ୍ରୀମୟୀ କହିଦେଲେ ବୋଲି ଏତେ କାହିଁକି ବାଧିଗଲା ଚାଟୁକାରୀ ନେତାଙ୍କୁ...।