ଭାରତୀୟ କ୍ରିକେଟର ୟୁଜଭେନ୍ଦ୍ର ଚହଲ ପଡ଼ିଆ ବାହାରେ ଆଉ ଏକ ବଡ଼ ସଫଳତା ହାସଲ କରିଛନ୍ତି, ଏକ ନୂତନ ବିଳାସପୂର୍ଣ୍ଣ BMW କାର କିଣିଛନ୍ତି। ଡିସେମ୍ବର 22 ତାରିଖରେ ଚହଲ ତାଙ୍କ X ହ୍ୟାଣ୍ଡେଲରେ ନୂତନ ଗାଡ଼ିର ଫଟୋ ସେୟାର କରିଛନ୍ତି। ଯାହା ସୋସିଆଲ ମିଡିଆରେ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରିଥିଲା। ଫଟୋଗୁଡ଼ିକରେ, ସେ ତାଙ୍କ ପିତାମାତାଙ୍କ ସହିତ ଗର୍ବର ସହିତ ପୋଜ୍ ଦେଉଥିବାର ଦେଖାଯାଉଛି, ଗାଡ଼ି କିଣିବା ସହ ପାରିବାରିକ ଆନନ୍ଦର ଏକ ସୁନ୍ଦର ମୁହୂର୍ତ୍ତ ବୋଲି କହିଛନ୍ତି।

Brought my new car home with the two people who made every dream possible. Watching my parents witness and relish this milestone is the real luxury. ❤️🫂🧿 pic.twitter.com/UL1ZOvmH97

— Yuzvendra Chahal (@yuzi_chahal) December 22, 2025

ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ଏକ BMW Z4 କାର କିଣିଛନ୍ତି । ତାଙ୍କ କାର କଲେକ୍ସନରେ ଯୋଡ଼ି ହୋଇଛି ଆଉ ଏକ ଲଗଜରୀ କାର । କିନ୍ତୁ ପିତା ମାତାଙ୍କ ମୁହଁରେ ହସ ଫୁଟାଇବା ତାଙ୍କ ଲାଗି ପ୍ରକୃତ ଲଗଜରୀ ବୋଲି କହିଛନ୍ତି ଚହଲ । କିଛି ଦିନ ପୂର୍ବରୁ ଖବର ଆସିଥିଲା ଯେ, ଚହଲ ଡେଙ୍ଗୁ ଏବଂ ଚିକୁନଗୁନିଆରେ ଆକ୍ରାନ୍ତ ହୋଇଛନ୍ତି । ଫଳରେ ସେ ସୟଦ ମୁସ୍ତାକ ଅଲି ଟ୍ରଫି ଫାଇନାଲରେ ଖେଳିପାରି ନଥିଲେ ।

ସ୍ପିନରଙ୍କ ପାଇଁ ଇମୋସନାଲ ମୋମେଣ୍ଟ:
କ୍ରିକେଟର ଚହଲ ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ସେ ପୋଷ୍ଟର କ୍ୟାପସନରେ ଲେଖିଛନ୍ତି, ‘ମୁଁ ମୋର ନୂଆ କାର ସେହି ଦୁଇଜଣ ବ୍ୟକ୍ତିଙ୍କ ସହିତ ଘରକୁ ଆଣିଛି, ଯେଉଁମାନେ ମୋର ପ୍ରତ୍ୟେକ ସ୍ୱପ୍ନକୁ ସାକାର କରିଥିଲେ। ମୋ ପିତାମାତାଙ୍କୁ ଏହି ମୁହୂର୍ତ୍ତରେ ଦେଖିବା ପ୍ରକୃତ ଲଗଜରୀ।’

ଏହାସହ ପଢ଼ନ୍ତୁ: ଦିନିକିଆ ଅଧିନାୟକ ପଦରୁ ବିଦା ହେବେ ଶୁଭମନ ଗିଲ...ଏହି ଖେଳାଳି ଏବେ ହେବେ ଟିମ ଇଣ୍ଡିଆର ନୂଆ କ୍ୟାପଟେନ

ଚହଲଙ୍କ ଲଗଜରୀ କାର ତାଲିକା
ଚହଲ ତାଙ୍କର ଲଗଜରୀ କାର କଲେକ୍ସନ ପାଇଁ ବେଶ ଜଣାଶୁଣା, ଯେଉଁଥିରେ ପୂର୍ବରୁ ପୋର୍ସେ କାୟେନ୍ ଏସ୍, ମର୍ସିଡିଜ୍-ବେଞ୍ଜ୍ ସି-କ୍ଲାସ୍, ରୋଲ୍ସ-ରଏସ୍ ଏବଂ ଲାମ୍ବୋର୍ଗିନି ସେଣ୍ଟେନାରିଓ ଭଳି ବ୍ରାଣ୍ଡ କାର ଅନ୍ତର୍ଭୁକ୍ତ ରହିଛି। ଯାହାର ମୂଲ୍ୟ ଭାରତରେ ପ୍ରାୟ ₹70 ଲକ୍ଷରୁ ₹6 କୋଟିରୁ ଅଧିକ।
ୟୁଜବେନ୍ଦ୍ର ଚହଲ ଏକ ପ୍ରିମିୟମ୍ ସ୍ପୋର୍ଟସ୍ କାର BMW Z4 କିଣିଛନ୍ତି। ଏହି ଲଗଜରୀ କାରଟି ଏହାର ଡିଜାଇନ୍ ଏବଂ ପାଓ୍ବାର ପାଇଁ ଜଣାଶୁଣା। ଭାରତରେ ଏହାର ମୂଲ୍ୟ ପ୍ରାୟ ୮୮ ଲକ୍ଷ ଟଙ୍କା (ଏକ୍ସ-ଶୋରୁମ୍) ରୁ ଆରମ୍ଭ ହୁଏ । BMW Z4ରେ ୨୯୯୮ ସିସି ଇଞ୍ଜିନ୍ ରହିଛି । ଏହା ୩୩୫ bhp ଏବଂ ୫୦୦ Nm ଟର୍କ ଜେନେରେଟ୍ କରେ । ଏହା କାରର ସର୍ବାଧିକ ଗତି ୨୫୦ କିଲୋମିଟର ପ୍ରତି ଘଣ୍ଟା ।
ଚିକୁନଗୁନିଆ ଏବଂ ଡେଙ୍ଗୁ କାରଣରୁ ଅଭିଜ୍ଞ ସ୍ପିନର ୟୁଜବେନ୍ଦ୍ର ଚହଲ ସୟଦ ମୁସ୍ତାକ ଅଲି ଟ୍ରଫି ଫାଇନାଲରେ ଖେଳିପାରି ନଥିଲେ। ତାଙ୍କ ଦଳ ହରିୟାଣା ପ୍ରଥମ ଥର ପାଇଁ ଫାଇନାଲରେ ପହଞ୍ଚିଥିଲା। ଫାଇନାଲରେ ହରିୟାଣାକୁ ଝାଡ଼ଖଣ୍ଡ ପରାସ୍ତ କରି ପ୍ରଥମ ଟାଇଟଲ ଜିତିଥିଲା । ଯେଉଁଥିରେ ଇଶାନ କିଶନ ଐତିହାସିକ ଶତକ ହାସଲ କରିଥିଲେ।

ପଞ୍ଜାବ କିଙ୍ଗସର ମହଙ୍ଗା ଖେଳାଳି

ୟୁଜଭେନ୍ଦ୍ର ଚହଲ ବର୍ତ୍ତମାନ IPLରେ ପଞ୍ଜାବ କିଙ୍ଗସ (PBKS) ଦଳର ଅଂଶ। IPL 2025 ମେଗା ନିଲାମରେ ଫ୍ରାଞ୍ଚାଇଜ୍ ତାଙ୍କୁ ₹18 କୋଟିରେ ଅଧିଗ୍ରହଣ କରିଛି। ଯାହା ତାଙ୍କୁ ଲିଗ୍ ଇତିହାସର ସବୁଠାରୁ ମହଙ୍ଗା ସ୍ପିନରମାନଙ୍କ ମଧ୍ୟରୁ ଜଣେ କରିଛି। ଚହଲ ସମଗ୍ର ସିଜିନ୍ ରେ PBKS ର ବୋଲିଂ ଆକ୍ରମଣର ଜଣେ ପ୍ରମୁଖ ସଦସ୍ୟ ରହିଆସିଛନ୍ତି, ଦଳର ବୋଲିଂ ଆକ୍ରମଣରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ଏବଂ ଚେନ୍ନାଇ ସୁପର କିଙ୍ଗସ ବିପକ୍ଷରେ ହାଟ୍ରିକ୍ ମଧ୍ୟ ନେଇଛନ୍ତି।