ନୟାଗଡ଼ରେ ଓଲଟିଲା ବସ । ନୟାଗଡ଼ ବାଲୁଗାଁ ନିକଟ ଖେଡ଼ପଡ଼ା ଠାରେ ବସ ଓଲଟି ୨୦ ଜଣ ଗୁରୁତର ହୋଇଛନ୍ତି । ଭାପୁର ରାକମାରୁ ନୟାଗଡ଼ ଅଭିମୁଖେ ଯାଉଥିବା ଘରୋଇ ବସରେ ୫୦ ଜଣ ଯାତ୍ରୀ ଥିଲେ । ୨୦ ଜଣ ଆହତ ହୋଇ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।

ନୟାଗଡ଼, ଭାପୁର ରାକମାରୁ ନୟାଗଡ଼ ଆସୁଥିବା ଘରୋଇ ବସ ବେବି ଖେଡ଼ପଡ଼ା ନିକଟରେ ଭାରସ୍ୟମ ହରାଇ ରାସ୍ତା ଉପରେ ଓଲଟି ପଡ଼ିଥିଲା । ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଯାତ୍ରୀଙ୍କୁ ଉଦ୍ଧାର କରାଯାଇଛି। ଆମ୍ବୁଲାନ୍ସ ଓ ଅଗ୍ନିଶମ ଗାଡ଼ି ଯୋଗେ ନୟାଗଡ଼ ଜିଲ୍ଲା ମୁଖ୍ୟ ହସ୍ପିଟାଲକୁ ପଠାଯାଇଛି ।

ଦୁର୍ଘଟଣା ପରେ ଡ୍ରାଇଭର ଫେରାର ହେଇଯାଇଛି। ବସ ନିକଟରେ ଏକ ସାଇକେଲ ପଡିଛି । ସାଇକେଲ ଚାଳକକୁ ବଂଚେଇବାକୁ ଯାଇ ବସ ଭାରସ୍ୟମ ହରାଇ ଓଲଟି ପଡ଼ିଥିବା ଅନୁମାନ କରୁଛି ପୋଲିସ ।

ସେପଟେ ମଙ୍ଗଳବାର ସକାଳୁ ବାଲେଶ୍ଵର-ବାରିପଦା ୧୮ନଂ ଜାତୀୟ ରାଜପଥର ଆଗ୍ରିଆ ଓଭରବ୍ରିଜ ଉପରେ ଘଟିଯାଇଛି ମର୍ମନ୍ତୁଦ ଦୁର୍ଘଟଣା । ଅଜଣା ଟ୍ରକ ଧକ୍କାରେ ବାଇକ ଆରୋହୀ ଯୁବକଙ୍କ ଶୋଚନୀୟ ମୃତ୍ୟୁ ।

ସୂଚନା ଅନୁଯାୟୀ, ବାଇକ ଆରୋହୀ ବେତନଟୀରୁ ବାଲେଶ୍ୱର ପଟକୁ ଯାଉଥିବା ସମୟରେ କୌଣସି ଏକ ଦ୍ରୁତଗାମୀ ଟ୍ରକ ପଛପଟୁ ତାଙ୍କ ଉପରେ ଚଢି ଯାଇଥିଲା । ତେବେ ଘଟଣା ସ୍ଥଳ ଶୂନଶାନ ଥିବା ସୁଯୋଗ ନେଇ ଟ୍ରକଟି ଘଟଣା ସ୍ଥଳରୁ ଦ୍ରୁତ ଗତିରେ ଚମ୍ପଟ ମାରିଥିଲା । ପରେ ଖବର ପାଇ ବୈଶିଙ୍ଗ । ପୁଲିସ ପହଞ୍ଚି ଶବଉଦ୍ଧାର ପୂର୍ବକ ଦୁର୍ଘଟଣାଗ୍ରସ୍ତ ବାଇକକୁ ଜବତ କରି ତଦନ୍ତ ଆରମ୍ଭ କରିଛି । ହେଲେ ଟ୍ରକ ଚାପାରେ ଯୁବକଙ୍କ ମୁହଁ ଓ ଶରୀରସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ଯୋଗୁଁ ଏପର୍ଯ୍ୟନ୍ତ ମୃତକଙ୍କ ପରିଚୟ ମିଳିପାରିନି । ତେବେ ଦୁର୍ଘଟଣାଗ୍ରସ୍ତ ବାଇକଟି ଦାନ୍ତିଆମୁହାଁ ଅଞ୍ଚଳର ଦୀନକୃଷ୍ଣ ମହାନ୍ତଙ୍କ ନାମରେ ପଞ୍ଜିକୃତ ଥିବା ଜଣା ପଡିଛି ।