ଅର୍ଗସ ବ୍ୟୁରୋ: ଆମେରିକା ହ୍ୟୁଷ୍ଟନରେ ଇସ୍କନର ଅଦିନିଆ ରଥଯାତ୍ରାକୁ ନେଇ ତୀବ୍ର ବିରୋଧ । ଆସନ୍ତା 9 ତାରିଖରେ ହେବାକୁ ଥିବା ଅଦିନିଆ ରଥଯାତ୍ରାକୁ ବନ୍ଦ କରିବା ପାଇଁ ପ୍ରବାସୀ ଭାରତୀୟ ସମେତ ହ୍ୟୁଷ୍ଟନରେ ଥିବା ଓଡିଆ ମାନେ ବିରୋଧ କରିଛନ୍ତି । ଏହା ଶ୍ରୀଜଗନ୍ନାଥ ସଂସ୍କୃତି, ବିଧି ଓ ପରମ୍ପରାର ଘୋର ଉଲ୍ଲଙ୍ଘନ, ଏହାକୁ ତୁରନ୍ତ ବନ୍ଦ କରିବା ପାଇଁ ଦାବି କରିଛନ୍ତି ।
ପୂର୍ବରୁ ଗଜପତି ମହାରାଜ ଏହି ପ୍ରସଙ୍ଗରେ ହ୍ୟୁଷ୍ଟନ ସ୍ଥିତ ଇସ୍କନ କର୍ତ୍ତୃପକ୍ଷଙ୍କୁ ଚିଠି ଲେଖି ବନ୍ଦ ପାଇଁ ଦାବି କରିଛନ୍ତି । ଏହାସହ ଜଗତଗୁରୁ ଶଙ୍କରାଚାର୍ଯ୍ୟ ସ୍ୱାମୀ ନିଶ୍ଚଳାନନ୍ଦନ ସରସ୍ୱତୀ ମଧ୍ୟ କ୍ଷୋଭ ପ୍ରକାଶ କରିବା ସହ ବିଧି ବିରୋଧୀ କାମ ନକରିବାକୁ ଇସ୍କନକୁ ଚେତାଇଛନ୍ତି। ଇସ୍କନର ଓଡିଶା ଶାଖାର କର୍ମକର୍ତ୍ତା ମଧ୍ୟ ଏହି ରଥଯାତ୍ରାକୁ ବିରୋଧ କରିଛନ୍ତି।
ଅଧିକ ପଢ଼ନ୍ତୁ ବିଦେଶ ଖବର
ଅର୍ଗସ ବ୍ୟୁରୋ: ତେଲେଙ୍ଗାନାରେ ଦୁର୍ଘଟଣାରେ ଗୁରୁତର ହେଲେ ମାଲକାନଗିରିର ୪ ସାମ୍ବାଦିକ । ତେଲେଙ୍ଗାନା ରାମପୁରମରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ତିରୁପତି ଦର୍ଶନ ସାରି ଫେରୁଥିବା ବେଳେ ରାମେଶ୍ବରର ରାମପୁରମ ନିକଟରେ ଟ୍ରକକୁ ପଛପଟୁ ଧକ୍କା ଦେଇଥିଲା କାର୍ । ୪ ଗୁରୁତରଙ୍କୁ ତେଲେଙ୍ଗାନା ରାମନନ୍ଦ ମେଡିକାଲ କଲେଜରେ ଭର୍ତ୍ତି କରାଯାଇଛି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ବଲିଉଡ୍ ସୁପରଷ୍ଟାର ସଲମାନ୍ ଖାନଙ୍କୁ ପୁଣି ଧମକ । ୫ କୋଟି ଟଙ୍କା ଚାନ୍ଦା ଦେବାକୁ ସେମାନେ ଧମକପୂର୍ଣ୍ଣ କଲ୍ କରିଛନ୍ତି । ଯଦି ବଞ୍ଚିବାକୁ ଚାହୁଁଛ ୫କୋଟି ଟଙ୍କା ଦିଅ ନହେଲେ ମନ୍ଦିରରେ କ୍ଷମା ମାଗିବାକୁ ସେମାନେ ଧମକ ଦେଇଛନ୍ତି । ନଚେତ୍ ପରିଣାମ ଭୟାବହ ହେବ ବୋଲି ମୁମ୍ବାଇ ପୋଲିସକୁ ଫୋନ କରି ଧମକ ଦେଇଛନ୍ତି । ଲରେନ୍ସ ବିଷ୍ଣୋୟୀ ଗ୍ୟାଙ୍ଗ ପକ୍ଷରୁ ଏଭଳି ଧମକପୂର୍ଣ୍ଣ କଲ୍ ହୋଇଥିବା ସନ୍ଦେହ କରାଯାଉଛି । ସପ୍ତାହକ ଭିତରେ ସଲମାନ୍ ଖାନଙ୍କୁ ଦ୍ବିତୀୟ ଥର ପାଇଁ ଏଭଳି ଧମକ ମିଳିଛି । ପୂର୍ବରୁ ଅକ୍ଟୋବର ୩୦ରେ ସଲମାନ ଖାନଙ୍କୁ ୨ କୋଟି ଟଙ୍କା ଚାନ୍ଦା ଦେବାକୁ ଧମକ ଦିଆଯାଇଥିଲା ।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
ଅର୍ଗସ ବ୍ୟୁରୋ: ସ୍ୱାମୀକୁ ବାନ୍ଧି ସ୍ତ୍ରୀକୁ ହତ୍ୟା କଲେ ଦୁର୍ବୃତ୍ତ । କୋରାପୁଟ ଜିଲ୍ଲା ଲମତାପୁଟ ବ୍ଲକ ହରିଆମୁଣ୍ଡା ଗାଁରେ ଅଭାବନୀୟ ଘଟଣା । ନନ୍ଦପୁରରେ ଆଧାର ସଂଶୋଧନ କରି ସ୍ବାମୀ-ସ୍ତ୍ରୀ ବାଇକ ଯୋଗେ ଫେରୁଥିବାବେଳେ ବାଟରେ କିଛି ଦୁର୍ବୃତ୍ତ ଅଟକାଇଥିଲେ । ଏବଂ ଉଭୟଙ୍କୁ ଆକ୍ରମଣ କରିଥିଲେ । ସ୍ବାମୀଙ୍କୁ ବାନ୍ଧି ସ୍ତ୍ରୀଙ୍କୁ ହତ୍ୟା କରିବାପରେ ସେ ବେକରେ ପିନ୍ଧିଥିବା ସୁନା ଗହଣା ନେଇ ଚମ୍ପଟ ହୋଇଯାଇଥିଲେ । ମୃତକ ଶାବି ଖରା ବୋଲି ଜଣାପଡିଛି । ଏଖବର ପରେ ସ୍ଥଳନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି। ପୋଲିସ ଏହି ଘଟଣାର ତନାଘନା ଜାରି ରଖିଛି।
ଅଧିକ ପଢ଼ନ୍ତୁ ଓଡିଶା ଖବର:
