ନୂଆଦିଲ୍ଲୀ: ମୋଦି ଦେଲେ ବଡ ଭେଟି । ୫୫୪ଟି ରେଳ ଷ୍ଟେସନର ଶିଳାନ୍ୟାସ ଓ ଉଦଘାଟନ କଲେ ପ୍ରଧାନମନ୍ତ୍ରୀ ମୋଦି। ଏଥିସହିତ ଓଡ଼ିଶାର ୨୧ଟି ଷ୍ଟେସନର ହେବ ପୁନଃବିକାଶ। କହାଯାଉଛି ଯେ, ଷ୍ଟେସନଗୁଡିକର ପୁନଃବିକାଶ ପାଇଁ ୪୧୦୦୦ କୋଟି ଟଙ୍କାରୁ ଅଧିକ ଖର୍ଚ୍ଚ ହେବ।
ଏଥିରେ ଯାତ୍ରୀମାନଙ୍କୁ ସବୁ ପ୍ରକାର ଆଧୁନିକତାର ସୁବିଧା ପ୍ରାପ୍ତ ହେବ। ଏହି ଷ୍ଟେସନ ଗୁଡିକରେ ଛୋଟ ପିଲାଙ୍କ ପାଇଁ ଖେଳିବାର ସୁବିଧା ରହିବ। ରେଳଷ୍ଟେସନ ସହିତ ପିଏମ ମୋଦି ୧୫୦୦ରୁ ଅଧିକ ନବନିର୍ମିତ ରୋଡ ଓଭର ବ୍ରିଜର ଲୋକାର୍ପଣ ମଧ୍ୟ କରିଛନ୍ତି। ୨୬ ଜାନୁଆରୀ ୨୦୨୪ ର ଆଜିର ଦିନଟି ଐତିହାସିକ ହୋଇ ରହିବ।
ଅଧିକ ପଢନ୍ତୁ ଭାରତ ଖବର
ଭୁବନେଶ୍ୱର: ସରିଲା ପ୍ରଧାନମନ୍ତ୍ରୀ ମୋଦିଙ୍କ ବିଶାଳ ରୋଡ ସୋ । ହାତ ହଲାଇ ପଦ୍ମ ଫୁଲ ଦେଖାଇଲେ, ଲୋକଙ୍କ ଆଶୀର୍ବାଦ ମାଗିଲେ ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀଙ୍କ ଗୋଟିଏ ଝଲକ ପାଇଁ ଜନପଥରେ ଏକାଠି ହୋଇଥିଲେ ଲକ୍ଷାଧିକ ଲୋକ । ଜନନାୟକଙ୍କୁ ଭେଟିବାକୁ ଜନସମୁଦ୍ର ପାଲଟିଥିଲା ଜନପଥ । ମୋଦିଙ୍କୁ ପାଖରୁ ପାଇ କିଏ ସେଲଫି ଉଠାଉଥିଲା, ତ କିଏ ଭିଡିଓ କରୁଥିଲା । ମୋଦି ମୋଦି ନାରାରେ କମ୍ପିଲା ଜନପଥ ।
ରାମମନ୍ଦିରରୁ ବାଣୀବିହାର ଲୋକଙ୍କ ଅସମ୍ଭାଳ ଭିଡ ଦେଖିବାକୁ ମିଳିଥିଲା । ରାଜ୍ୟ ସଭାପତି ମୋନମୋହନ ସାମଲ ଓ ଅପରାଜିତା ଷଡଙ୍ଗୀ ରୋଡ ସୋ' ରେ ସାମିଲ ହୋଇଥିଲେ । ରୋଡ ସୋରେ ପାରମ୍ପିରକ ପୋଷାକ ପିନ୍ଧି ମହିଳାମାନେ ଚାଲୁଥିବା ଦେଖିବାକୁ ମିଳିଥିଲା ।
ରୋଡ ସୋ ସାରି ରାଜଭବନରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ । ରାଜଭବନରେ ରାତ୍ରି ବିଶ୍ରାମ ନେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କାଲି ଆଉ 3ଟି ଜନସଭାକୁ ସମ୍ୱୋଧନ କରିବେ ପ୍ରଧାନମନ୍ତ୍ରୀ।
ଆହୁରି ପଢନ୍ତୁ ଭାରତ ଖବର...
ଭୁବନେଶ୍ୱର: 2024 ଇସ୍ତାହାରରେ ପୁରୁଣା ପ୍ରତିଶ୍ରୁତି ଦୋହରାଇଲେ ନବୀନ । ବିକାଶର ଗୋଲାପି ଛବି ଦେଖାଇ ପୁଣି ରାଜ୍ୟବାସୀଙ୍କୁ ଧୋକା ଦେବାକୁ ପ୍ରୟାସ । କୁଆଡେ ଗଲା ବିଜେଡିର 2014 ଓ 2019 ପ୍ରତିଶ୍ରୁତି । ପକ୍କାଘର, ଜଳସେଚନ, ଶୀତଳ ଭଣ୍ଡାର, ନିଯୁକ୍ତି ସହ ଶୂନ ପ୍ରତିଶତ କୃଷି ଋଣ ସାଜିଛି ପ୍ରତାରଣା । ବିଜେଡି ଇସ୍ତାହାରକୁ କାଗଜ ଦସ୍ତାବିଜ କହି ବର୍ଷିଲେ କେନ୍ଦ୍ରମନ୍ତ୍ରୀ ।..
2024 ଇସ୍ତାହାରରେ ଓଡ଼ିଶାବାସୀଙ୍କୁ ନୂଆ ସ୍ବପ୍ନ ଦେଖାଇଛି ବିଜେଡି। ସ୍ବତନ୍ତ୍ର ଓଡିଶା ଗଠନର ଶହେ ବର୍ଷ ପାଳନ କରିବାର 2 ବର୍ଷ ପୂର୍ବରୁ 2034 ସୁଦ୍ଧା ଓଡିଶାକୁ ଦେଶର 1 ନମ୍ବର ରାଜ୍ୟ କରିବାକୁ ପ୍ରତିଶ୍ରୁତି ଦେଇଛି ଶାସକ ଦଳ।
ଏଥିସହ ସ୍ବତନ୍ତ୍ର ବଜେଟ ଆଣିବ କହି ଯୁବକଙ୍କୁ ଧରାଇଛି ଲଲିପପ୍। ପୁଣି ଦେଖାଇଛି ରୋଜଗାର ଦେବାକୁ ସ୍ବପ୍ନ। ସେପଟେ ବିରୋଧୀଙ୍କ ଅଭିଯୋଗ 2014 ଓ 2019 ଇସ୍ତାହାରରେ ବିଜେଡିର ଗ୍ୟାରେଣ୍ଟି ପାଲଟିଛି ପ୍ରତାରଣା । ବିଜେଡି ନିର୍ବାଚନୀ ଇସ୍ତାହାର ପାଲଟିଛି ମିଛ ପ୍ରତିଶ୍ରୁତିର ପାହାଡ଼।
ବିଜେଡି ଇସ୍ତାହାର କେବଳ କାଗଜର ଦସ୍ତାବିଜ୍ କହି କଟାକ୍ଷ କରିବା ସହ 2019 ଭଳି ଏଥର ମଧ୍ୟ ବିଜେଡି ଲୋକଙ୍କ ସହ ପ୍ରତାରଣା କରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ପୁରୁଣା ପ୍ରତିଶ୍ରୁତି ପୂରଣ ହବ କହି ବର୍ଷ ପରେ ବର୍ଷ ଗଡ଼ାଇବା ଛଡ଼ା ବିଜେଡି ପାଖରେ ଅନ୍ୟ ଉତ୍ତର ନାହିଁ। ଏବେ ଆସନ୍ତୁ ନଜର ପକାଇବା ବିଜେଡିର ପୁରୁଣା ପ୍ରତିଶ୍ରୁତି କିପରି ପାଲଟିଛି ପ୍ରତାରଣା।
14 ଓ 19 ଇସ୍ତାହାରରେ ବିଜେଡିର କୃଷକ କଲ୍ୟାଣ ପ୍ରତିଶ୍ରୁତି ପାଲଟିଛି ପ୍ରତାରଣା। କାଳିଆ ଯୋଜନାରେ 1 କୋଟି ଚାଷୀ ବଦଳରେ 44 ଲକ୍ଷ ଦେଇ ଭଣ୍ଡେଇଦେଇଛି ବିଜେଡି । ଶୂନ ପ୍ରତିଶତ କୃଷି ଋଣ ସାଜିଛି ପ୍ରବଞ୍ଛନା ।
ପ୍ରତାରଣା-ନମ୍ବର-2- ଶୀତଳ ଭଣ୍ଡାର
314 ବ୍ଲକରେ ଶୀତଳ ଭଣ୍ଡାର ଓ ସବୁ ପଂଚାୟତରେ ୱେୟାରହାଉସର ପ୍ରତିଶ୍ରୁତି ଦେଇଥିଲା ବିଜେଡି। ହେଲେ ଏବେ କାମ କରୁଛି ମାତ୍ର 36 ଶୀତଳ ଭଣ୍ଡାର।
ପ୍ରତାରଣା-ନମ୍ବର-3- ଜମିକୁ ଜଳସେଚନ
ଜଳସେଚନକୁ ନେଇ ରାଜ୍ୟବାସଙ୍କୁ ଧୋକା ଦେଇଛନ୍ତି ରାଜ୍ୟ ସରକାର। ରାଜ୍ୟର ସମସ୍ତ 314 ବ୍ଲକର 35 ପ୍ରତିଶତ ଜମିରେ ଜଳସେଚନ ସୁବିଧା କରିବାକୁ ଠକି ଦେଇଛି ବିଜେଡି ସରକାର । ଜଳସେଚନ ପ୍ରତିଶ୍ରୁତି ପାଲଟିଛି ପାଣିର ଗାର
ପ୍ରତାରଣା-ନମ୍ବର-4 - ଶୁଦ୍ଧ ପାନୀୟ ଜଳ ଯୋଗାଣ
ଉଭୟ 2014 ଓ 2019ରେ ଓଡ଼ିଶାବାସୀଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣର ପ୍ରତିଶ୍ରୁତି ଦେଇଥିଲା ବିଜେଡି ସରକାର। ଏବେ ବି ରାଜ୍ୟର ପ୍ରାୟ 24 ଲକ୍ଷ ପରିବାର ବିଶୁଦ୍ଧ ପାନୀୟ ଜଳ ପାଇବାରୁ ବଂଚିତ । ରାଜ୍ୟରେ ଫେଲ ମାରିଛି ବସୁଧା ଯୋଜନା । ଉପାନ୍ତରୁ ଉପକୂଳ ରାଜ୍ୟର ସବୁଠି ବଢିଛି ଜଳକଷ୍ଟ ।
ପ୍ରତାରଣା-ନମ୍ବର-5 - ମୁଣ୍ଡ ଉପରେ ପକ୍କା ଘର
2014 ଇସ୍ତାହାରରେ ସମସ୍ତଙ୍କ ମୁଣ୍ଡ ଉପରେ ପକ୍କା ଘରର ପ୍ରତିଶ୍ରୁତି ଦେଇଥିଲା ବିଜେଡି। ହେଲେ 2024 ଯାଏ ପ୍ରତିଶ୍ରୁତି ପୂରଣରେ ବିଫଳ ହୋଇଛି ଦଳ । ବିଜେଡ଼ି ନିର୍ବାଚନୀ ଇସ୍ତାହାରରେ ଓଡ଼ିଶା ଲୋକଙ୍କ ପାଇଁ କଣ ଅଛି ? 2009, 2014, 2019 ପ୍ରତିଶ୍ରୁତି କେତେ ପୂରଣ କରିଛି ବିଜେଡ଼ି ? ଉତ୍ତର ମାଗିଲା ବିଜେପି । 24 ନିର୍ବାଚନରେ ବିଜେପିର 21 ସଂକଳ୍ପ ବନାମ ବିଜେଡିର 24 ଗ୍ୟାରେଣ୍ଟି ମଧ୍ୟରେ ଲଢେଇ । ନିର୍ବାଚନୀ ଇସ୍ତାହାରକୁ ନେଇ ମୁହାଁମୁହିଁ ବିଜେପି-ବିଜେଡି ।
ଅଧିକ ପଢନ୍ତୁ ଓଡିଶା ଖବର
