ସିସିଟିଭି ଭିଡିଓରୁ ଜଣାପଡ଼ିଛି ଯେ, ୧୧.୩୦ରେ ବସରୁ ଓହ୍ଲାଇ ଅଭିଯୁକ୍ତ କାଫେକୁ ଆସିଥିଲା। ୧୧.୩୮ରେ ରାବା ଇଡିଲି ଅର୍ଡର କରିବା ପରେ ୧୧.୪୪ରେ ହାତ ଧୋଇବା ପାଇଁ ବେସିନ ପାଖରେ ପହଞ୍ଚିଥିଲା ଅଭିଯୁକ୍ତ। ଏଠାରେ ହାତ ଧୋଇବା ପରେ ଅଭିଯୁକ୍ତ ଜାଣିଶୁଣି ବ୍ୟାଗଟି କାଫେରେ ରଖି ୧୧.୪୫ରେ ବାହାରକୁ ଚାଲିଆସିଥିଲା। ଏହା ପରେ ୧୨.୫୬ରେ କାଫେ ଭିତରେ ବିସ୍ଫୋରଣ ଘଟିଥିଲା।
ହଠାତ୍ ଏଭଳି ବିସ୍ଫୋରଣ ହେବା ପରେ ଭିତରେ ଥିବା ଲୋକ ଭୟରେ ବାହାରକୁ ଚାଲିଆସିଥିଲେ। ପ୍ରଥମେ ୫ଜଣ ଆହତ ହୋଇଥିବା ନେଇ ଖବର ମିଳିଥିବା ବେଳେ ଏବେ ଆହତଙ୍କ ସଂଖ୍ୟା ୧୦କୁ ବଢ଼ିଛି। ତେବେ କିଏ ଓ କାହିଁକି ଏଭଳି କଲା, ସେ ନେଇ ତଦନ୍ତ ଆରମ୍ଭ କରିଛି ପୁଲିସ। ରାମେଶ୍ୱରମ କାଫେର ପ୍ରତିଦ୍ବନ୍ଦ୍ବୀ ଏଭଳି କରିଥାଇ ପାରନ୍ତି ବୋଲି ପୁଲିସ ସନ୍ଦେହ କରୁଛି।
ଅଧିକ ପଢ଼ନ୍ତୁ ଭାରତ ଖବର
