Bhubaneswar: One person reportedly killed after being hit by a 'Mo Bus' in Raghunathpur; locals detain the vehicle

ମୋ ବସ୍ ଧକ୍କାରେ ସ୍କୁଟି ଚାଳକଙ୍କ ମୃତ୍ୟୁ

by Smruti Parija

Bhubaneswar: One person reportedly killed after being hit by a 'Mo Bus' in Raghunathpur; locals detain the vehicle

ଭୁବନେଶ୍ୱର: ମୋ ବସ୍ ଧକ୍କାରେ ସ୍କୁଟି ଚାଳକଙ୍କ ମୃତ୍ୟୁ । ମୃତକଙ୍କ ନାଁ ନିରଞ୍ଜନ ପଣ୍ଡା । ମୃତଦେହକୁ ଜବତ କରି କ୍ୟାପିଟାଲ ହସ୍ପିଟାଲକୁ ଶବ ବ୍ୟବଚ୍ଛେଦ ପାଇଁ ପଠାଇଛି ନନ୍ଦନକାନନ ଥାନା ପୋଲିସ । ରଘୁନାଥପୁର ଛକରେ ଘଟିଛି ଏଭଳି ମର୍ମନ୍ତୁତ ସଡ଼କ ଦୁର୍ଘଟଣା । ଦୁର୍ଘଟଣା ଘଟାଇଥିବା ମୋ ବସକୁ ଅଟକ ରଖି ତଦନ୍ତ କରୁଛି ପୋଲିସ ।

ଟ୍ରକ୍ ଧକ୍କାରେ ୨ ଜଣ ହକି ଖେଳାଳୀଙ୍କ ମୃତ୍ୟୁ

by Manini Pattanayak

2 hockey players killed in truck collision

ସୁନ୍ଦରଗଡ : ଟ୍ରକ୍ ଧକ୍କାରେ ୨ ଜଣ ହକି ଖେଳାଳୀଙ୍କ ମୃତ୍ୟୁ । ସୁନ୍ଦରଗଡ଼ ତଳସାରା ଥାନା ନିକଟସ୍ଥ ନିମଡିହି ଗାଁରେ ଘଟିଛି ଏହି ଦୁର୍ଘଟଣା । ଦୁର୍ଘଟଣାରେ ସଚିନ କିଣ୍ଡୋ, ସୁମିଲାଲ ଟପ୍ପୋଙ୍କ ମୃତ୍ୟୁ । ଛତିଶଗଡ଼ରୁ ହକି ଟୁର୍ଣ୍ଣାମେଣ୍ଟ ଖେଳିବାକୁ ଯାଇଥିଲେ । ବାଇକରେ ମ୍ୟାଚ୍ ଖେଳି ବାଇକ ଯୋଗେ ଘରକୁ ଫେରିବା ବେଳେ ଘଟିଛି ଅଘଟଣ ।

ଧରୁଆଡ଼ିହି ଥାନା ଚେମ୍ପାପଡାରେ ରାସ୍ତାରେ ଶବ ରଖି ସ୍ଥାନିୟ ଲୋକଙ୍କ ରାସ୍ତାରୋକ୍ । ।କଂକ୍ରିଟ ବୋଝେଇ ଟ୍ରକ ତଳେ ଚାପି ହୋଇ ଦୁଇ ଯୁବକଙ୍କ ମୃତ୍ୟୁ । କ୍ଷତି ପୂରଣ ଦାବୀରେ ରାସ୍ତା ରୋକ କରିଛନ୍ତି ସ୍ଥାନୀୟ ଲୋକ ।

ଅଧିକ ପଢନ୍ତୁ ଓଡ଼ିଶା ଖବର

ବିଜେଡି କନ୍ଦଳ ଅସମ୍ଭାଳ,ନିରବ ନବୀନ!

by Sangram Tripathy

Dissatisfaction in BJD silent Naveen Patnaik!

ଅର୍ଗସ ବ୍ୟୁରୋ:ବିଜେଡିରେ କନ୍ଦଳ ଅସମ୍ଭାଳ,ନିରବ ନବୀନ। ଦିନକୁ ଦିନ ବିଗୁଡୁଛି ବିଜେଡି ସ୍ଥିତି। ଦଳ ଉପରୁ ନିୟନ୍ତ୍ରଣ ହରାଉଛନ୍ତି ଖୋଦ୍ ବିଜେଡି ସୁପ୍ରିମୋ। ନିର୍ବାଚନ ହାରିବା ପରେ ବଢ଼ୁଥିବା ଗୋଷ୍ଠୀକନ୍ଦଳରେ ଲଗାମ ଲଗାଇବାରେ ଅସଫଳ ହେଉଛନ୍ତି ନବୀନ, ତାଙ୍କ ସାମ୍ନାରେ ଜଣେ ପରେ ଜଣେ ନେତା ଅସନ୍ତୋଷ ଝାଡ଼ିଛନ୍ତି କାରଣ ଶୁଣିବା ପରେ ବି ଚୁପ୍, ଖପ୍ପା ଶଙ୍ଖ ଦଳର ନେତାଏ। ପୂର୍ବରୁ ଦଳର କାର୍ପଟଦାର ଥିବା ବଡ଼ ନେତାଙ୍କ ବିରୋଧରେ ପ୍ରତ୍ୟକ୍ଷ ଓ ପରୋକ୍ଷରେ ବିଷ ଓଗାଳିଲେ। ଅଧିକାଂଶ ବିଜେଡି ନେତାଙ୍କ ଟାର୍ଗେଟରେ ଥିଲେ ବବି ଓ ପାଣ୍ଡିଆନ। ସୁପ୍ରିମୋ ନା ପ୍ରତିକ୍ରିୟା ରଖିଲେ ନା କାହାରିକୁ ତାଗିଦ କଲେ। ନବୀନଙ୍କ ଅସ୍ବାଭାବିକ ନିରବତା, ନୋ ଆକ୍ସନ ଥିଓରୀକୁ ଏବେ ବିଜେଡି ନେତାଙ୍କ ଭିତରେ ନୂଆ ଅସନ୍ତୋଷ। ପୁଣି ବିଜେଡି ବିପର୍ଯ୍ୟୟର ବଡ଼ କାରଣ କୁହାଯାଉଥିବା ପରାଜୟ ସମୀକ୍ଷା ପରେ ବବି ଦାସଙ୍କ କମବ୍ୟାକ୍ ଏବେ ପାଲଟିଛି ବଡ଼ ଅସନ୍ତୋଷର କାରଣ। ବବି ବିଜେଡିର କୌଣସି କମିଟିରେ ନାହାନ୍ତି, କିନ୍ତୁ ଦଳର ସବୁ ବୈଠକରେ ସେ ପ୍ରେଜେଣ୍ଟ ରହୁଛନ୍ତି, ଯାହାକୁ ନେଇ ଅନୁସୂଚିତ ଜନଜାତି ବୈଠକରେ ବିଷୋଦଗାର କରିଛନ୍ତି ଦଳର ବରିଷ୍ଠ ନେତା ମଙ୍ଗଳା କିଷାନ । ସେପଟେ ଲଗାତାର ବୟାନବାଜିକୁ ନେଇ ତେଜୁଛି ବିଜେଡି ରାଜନୀତି । ସମାଲୋଚନା କରୁଥିବା ନେତା ଦଳରେ ନ ରୁହନ୍ତୁ ବୋଲି ସିଧା ସିଧା ଶୁଣାଇଛନ୍ତି ବିଧାୟକ ପ୍ରଦୀପ ଦିଶାରୀ ।
୨୪ ମହାଲଢ଼େଇ ସମୟରେ ପୂର୍ବାନୁମାନ କରିଥିଲେ ପ୍ରଧାନମନ୍ତ୍ରୀ। ଛଅ ମାସ ଭିତରେ ବିଜେଡିରେ ହେବ ବିସ୍ଫୋରଣ। କିନ୍ତୁ ମାତ୍ର ୩ ମାସ ଭିତରେ ବିଜେଡିରେ ସ୍ଥିତି ଅସମ୍ଭାଳ। କଳି ବଢୁଛି, ପରସ୍ପର ଉପରକୁ କାଦୁଅ ଫିଙ୍ଗୁଛନ୍ତି ବିଜେଡି ନେତା। ସବୁ ପରେ ବି ସୁପ୍ରମୋ ନବୀନଙ୍କ ନିରବତା ବହୁ ନେତା ଓ ବିଧାୟକଙ୍କ ମନୋବଳ ଭାଙ୍ଗୁଛି। ଯେଉଁ ସବୁ ନେତାଙ୍କ ପାଇଁ ଦଳ ୨୪ ବାଜି ହାରିଛି,ପୁଣି ନବୀନ ସେମାନଙ୍କୁ ତାଗିଦ୍ କରିବା ବଦଳରେ ଅଣ୍ଟିରେ ପୁରାଉଛନ୍ତି,ଆଗକୁ ଦଳ ରହିବ ତ,ଏଭଳି ପ୍ରଶ୍ନ କରିବା ଆରମ୍ଭ କଲେଣି ରାଜନୀତିକ ବିଶେଷଜ୍ଞ

ମୋଟୁରେ ପ୍ରାୟ 100 ଏକର ଜଙ୍ଗଲ ଜମି ଜବରଦଖଲ ଅଭିଯୋଗ

by Manini Pattanayak

Allegations of confiscation of about 100 acres of forest land

ମାଲକାନଗିରି: ବିଜେଡି ଶାସନରେ ଆଦିବାସୀ ଅଧ୍ୟୁଷିତ ଅଞ୍ଚଳରେ ସାଂଘାତିକ କେଳେଙ୍କାରୀ । ମାଲକାନଗିରି ମୋଟୁରେ ପ୍ରାୟ 100 ଏକର ଜଙ୍ଗଲ ଜମି ଜବରଦଖଲ ଅଭିଯୋଗ । ସଂରକ୍ଷିତ ଜଙ୍ଗଲକୁ ବେଆଇନ କବଜା କରି ବଡ଼ ବଡ଼ ଅଟ୍ଟାଳିକା ନିର୍ମାଣ ହୋଇଛି । ମତ୍ସ୍ୟ ବିଭାଗ ସହାୟତାରେ ଖୋଳାଯାଇଛି ବଡ଼ ବଡ଼ ପୋଖରୀ । ଜଙ୍ଗଲ ଜମିରେ ନରେଗା ଯୋଜନାରେ ତିଆରି ହୋଇଛି ରାସ୍ତା । ଅଭିଯୋଗ, ପୂର୍ବ ବିଜେଡି ଶାସନ ସମୟରେ ମାଲକାନଗିରି ମୋଟୁରେ ହୋଇଛି ଏ ସାଂଘାତିକ କେଳେଙ୍କାରୀ ।

ନିଛାଟିଆ ଜଙ୍ଗଲ, ତା ଭିତରେ ଦୀର୍ଘ ମାଟି ରାସ୍ତା। ଆଉ ଶେଷରେ ତାରବାଡ଼ ଘେରା ଏ ଅଞ୍ଚଳ। ବଡ଼ ବଡ଼ ଅଟ୍ଟାଳିକା, ଗୋଦାମ ଘର। ବଡ଼ ବଡ଼ ପୋଖରୀ। ବିଦ୍ୟୁତ୍ ଟ୍ରାନ୍ସଫର୍ମର ବସିଛି । ପୁଣି ଭିତରେ ଥୁଆ ଯାଇଛି ଜେସିବି ମେସିନ୍ ଆଉ ଟ୍ରାକ୍ଟର। ଇଏ ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲା ମୋଟୁ ଅଞ୍ଚଳ। 326 ନମ୍ବର ଜାତୀୟ ରାଜପଥରୁ ମାତ୍ର ଦୁଇ ତିନି କିଲୋମିଟର ଦୂରରେ ଜଙ୍ଗଲ ଭିତରେ ସାବେରୀ ନଦୀ କୂଳରେ ହୋଇଛି ନିର୍ମାଣ। ଯାହାର ନାଁ ଇସଲାମ ନଗର । ଆସିଛି ସାଂଘାତିକ ଅଭିଯୋଗ, ଜଣେ ବ୍ୟକ୍ତି ପ୍ରାୟ ପ୍ରାୟ 100 ଏକର ଜଙ୍ଗଲ ଜମି ବେଆଇନ ଜବରଦଖଲ କରି କରିଛନ୍ତି ବେଆଇନ ନିର୍ମାଣ।

ଅଭିଯୋଗ, ପୂର୍ବ ବିଜେଡି ଶାସନ ସମୟରେ ମାଲକାନଗିରି ମୋଟୁରେ ହୋଇଛି ଏ ସାଂଘାତିକ କେଳେଙ୍କାରୀ। ଜବରଦଖଲ ହୋଇଥିବା ଏ ଜମିକୁ ସଂଯୋଗ ହୋଇଥିବା ଏ ରାସ୍ତା ନରେଗା ଯୋଜନାରେ ନିର୍ମାଣ ହୋଇଛି। ପୋଖରୀ ଖୋଳା ପାଇଁ ମତ୍ସ୍ୟ ବିଭାଗ ଯୋଗାଇ ଦେଇଛି ଆର୍ଥିକ ସହାୟତା। ସରକାରୀ ଉଠାଜଳସେଚନ ପ୍ରକଳ୍ପ ବି କରାଯାଇଛି । ସବୁଠାରୁ ବଡ଼ କଥା ହେଲା ତହସିଲଦାରଙ୍କଠାରୁ ନେଇ ସ୍ଥାନୀୟ ରେଞ୍ଜର ଜଙ୍ଗଲ ଜମି ଜବରଦଖଲ ବାବଦରେ ସ୍ଥାନୀୟ ସରକାରୀ ଅଧିକାରୀଙ୍କୁ ସବୁ ଜଣା। କିନ୍ତୁ କଥାରେ ନାହିଁ ତାଳମେଳ । ତହସିଲଦାର ଏହାକୁ ସଂରକ୍ଷିତ ଜଙ୍ଗଲ କହୁଥିବାବେଳେ, ରେଞ୍ଜର କହିଛନ୍ତି ରାଜସ୍ବ ଜଙ୍ଗଲ। ଅନ୍ୟପଟେ ଜବରଦଖଲ ଉଚ୍ଛେଦ ନେଇ ପରସ୍ପର ଉପରକୁ ଦୋଷ ଠେଲୁଛନ୍ତି। ପ୍ରଶ୍ନ ହେଲା ଜଙ୍ଗଲ ଜମି ଜବରଦଖଲ ପଛରେ ରହିଛି କାହାର ସମ୍ପୃକ୍ତି ? କାହା ସହଯୋଗ ଓ ସୁରକ୍ଷାରେ ହୋଇଛି ଏମିତି କାରନାମା ? ଜବରଦଖଲ ଜମିରେ ସରକାରୀ ପ୍ରକଳ୍ପ ହେଲା କେମିତି ? କେଳେଙ୍କାରୀ ପଛରେ ରହିଛି କି ସ୍ଥାନୀୟ ବିଜେଡି ନେତାଙ୍କର ହାତ ? ସରକାରୀ ଜମିରୁ ଜବରଦଖଲ ଉଚ୍ଛେଦ ପାଇଁ ରାଜ୍ୟ ସରକାର ନିର୍ଦ୍ଦେଶ ଦେବା ସତ୍ବେ ସବୁ ଜାଣି କାହିଁକି ଚୁପ୍ ବସିଛି ମାଲକାନଗିରି ।