van-hits-truck-8-killed-at-keonjhar

ଧରାପଡ଼ିଗଲା ବିଜେଡିର ପ୍ଲାନ୍‌ । କେମିତି ବବିଙ୍କୁ ସୁରକ୍ଷା ଦିଆଯିବ ସେନେଇ ଯେତେ ଅଙ୍କକଷା କସିବା କଥା କଷୁଛନ୍ତି । କିନ୍ତୁ ଫଳ ସେମିତି କିଛି ମିଳିବ ନାହିଁ । କାରଣ ବବିଙ୍କ ମାଆ ସଂଧ୍ୟାରାଣୀଙ୍କୁ ଦଳ ଯେଉଁ କୋରେଇ ଆସନରୁ ପ୍ରାର୍ଥୀ କରିଛି ସେ ଆସନରେ ବିଜେପିର ସ୍ଥିତି ଦୃଢ । ଖାଲି ଏତିକି ନୁହେଁ ବରଂ ଗ୍ରାମ୍ୟ ଉନ୍ନୟନ ମନ୍ତ୍ରୀ ତଥା ପ୍ରୀତିରଂଜନ ଘଡେଇଙ୍କ ପତ୍ନୀ ଝିଲିକଙ୍କୁ ସେହି ଆସନରୁ ମଇଦାନକୁ ଓହ୍ଲାଇବାକୁ ଚେଷ୍ଟା କରାଯାଇଥିଲା । ହେଲେ ଫଳ ପୂରା ଓଲଟା ହେଲା । କାରଣ ପୂର୍ବରୁ କୋରେଇ ଲାଗି ଦାସ ପରିବାର ଓ ଘଡେଇ ପରିବାର ଭିତରେ ପାୱାର ଟସଲ ହେଉଥିବା ଚର୍ଚ୍ଚା ଜୋର ଧରିଥିଲା । ଆଉ ଏବେ ପୁଣି ଥରେ ଦାସ ପରିବାରର ହିଁ ବିଜୟ ହୋଇଛି ବୋଲି କୁହାଯାଉଛି ।

ମୋଟ୍‌ ଉପରେ ବିଜେଡିରେ ଏବେ ଗୋଷ୍ଠୀ କନ୍ଦଳ ଜୋର । ପ୍ରାର୍ଥୀ ଘୋଷଣା ହେବା ପରଠୁ ହିଁ ନେତାଙ୍କ ଭିତରେ ଅସନ୍ତୋଷ ଦେଖାଯାଉଛି । ତେଣୁ କେମିତି କାହାକୁ ଟିକଟ ଦିଆଯିବ ସେନେଇ ଦଳ ଚିନ୍ତାରେ ରହିଥିବା ବେଳେ ବି ବବିଙ୍କୁ ସୁରକ୍ଷା ଦେବାକୁ ପ୍ଲାନ୍‌ କରାଯାଇଛି । ଖାଲି ବବିଙ୍କୁ ନୁହେଁ ବରଂ ପାଣ୍ଡିଆନଙ୍କ ପାଇଁ ବି କାଳେ ନବୀନ ବାବୁ କଂଟାବାଞ୍ଜିରୁ ନିର୍ବାଚନ ଲଢିବେ ବୋଲି କୁହାଯାଉଛି । ତେବେ ସମୟ କହିବ କେଉଁ ଆସନରୁ କିଏ ଜିତୁଛି ? କାହା ପାଇଁ କେଉଁ ଆସନ ରିଜର୍ଭ ରହୁଛି ।
 

କଥା କୁହେ ଗୋଟିଏ, କରେ ଆଉ ଗୋଟିଏ । ଏ କଥା ଆମେ ନୁହେଁ ବରଂ ବିଜେଡି କରିକି ହିଁ ଦେଖାଇଛି । କାରଣ ପୂର୍ବରୁ ବବି ଦାସଙ୍କ ସପକ୍ଷରେ ଯାଇ ବିଜେଡି ରାଜ୍ୟସଭା ସାଂସଦ ସସ୍ମିତ ପାତ୍ର ଟ୍ଵିଟ୍‌ କରି କହିଥିଲେ, ପରିବାରରେ କେବଳ ଜଣଙ୍କୁ ଟିକଟ ଦେବାକୁ ଯେଉଁ ନିଷ୍ପତ୍ତି ନିଆଯାଇଛି ତାହା ଅତ୍ୟନ୍ତ ସ୍ଵାଗତଯୋଗ୍ୟ । ଏହାସହ ସେ କହିଥିଲେ, ସାଙ୍ଗଠନିକ ସମ୍ପାଦକ ହେବା ପରେ ବି ସେ ଟିକଟରେ କୌଣସି ପାତରଅନ୍ତର କଲେନି । କିନ୍ତୁ ଆଜି ଟିକଟ ଘୋଷଣା ହେବା ପରେ ବିଜେଡିର ସବୁ ମିଛ ଧରାପଡିଛି । ଆଉ ପ୍ରମାଣ ହୋଇଛି ବିଜେଡି କହେ ଗୋଟେ କରେ ଆଉ ଗୋଟାଏ ।

ତେବେ ବାକି ଥିବା ୩ ବିଧାନସଭା ପ୍ରାର୍ଥୀ ଘୋଷଣା କରିଛି ବିଜେଡି । କୋରେଇ, ଖଣ୍ଡପଡ଼ା ଓ ନୀଳଗିରି ପାଇଁ ପ୍ରାର୍ଥୀ ଘୋଷଣା ହୋଇଛି । କୋରେଇ- ସଂଧ୍ୟାରାଣୀ ଦାସ, ଖଣ୍ଡପଡ଼ା- ସାବିତ୍ରୀ ପ୍ରଧାନ ଟିକଟ ପାଇଛନ୍ତି । ନୀଳଗିରିରୁ ପ୍ରାର୍ଥୀ ହେଲେ ସୁକାନ୍ତ କୁମାର ନାୟକ । ମୋଟ୍‌ ଉପରେ ବିଜେଡିର ଟିକଟକୁ ନେଇ ଏବେ ଜୋରଦାର ଚର୍ଚ୍ଚା ଚାଲିଛି । ଖାସ୍‌ କରି ଅଶୋକ ଦାସଙ୍କ ପରିବାରର ପୁଣି ଜଣେ ଟିକଟ ପାଇଥିବାରୁ ଏବେ ଜୋରଦାର ଚର୍ଚ୍ଚା ଚାଲିଛି ।