ଲଘୁଚାପ ୨୬ ତାରିଖ ବେଳକୁ ଆହୁରି ଘନୀଭୂତ ହୋଇ ସ୍ପଷ୍ଟ ଚିହ୍ନିତ ଲଘୁଚାପରେ ପରିଣତ ହେବ। କିଛି ପଶ୍ଚିମକୁ ଗତି କରି ଏହା ଉତ୍ତର ଓଡ଼ିଶା, ଝାଡ଼ଖଣ୍ଡ ଓ ପଶ୍ଚିମବଙ୍ଗ ଉପରେ ରହିବ। ପରେ ୨୭ ତାରିଖ ବେଳକୁ ଏହା ଉତ୍ତରପ୍ରଦେଶ ଏବଂ ବିହାର ଉପରେ ରହି ଉତ୍ତର ପଶ୍ଚିମ ଆଡ଼କୁ ମୁହାଁଇବ। 29 ତାରିଖ ବେଳକୁ ଦିଲ୍ଲୀରେ ବର୍ଷା ହେବ।
ତେବେ ଓଡ଼ିଶାର ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ମୟୂରଭଞ୍ଜ, କେନ୍ଦୁଝର ଓ ଢେଙ୍କାନାଳ ଜିଲ୍ଲା (୯ ଜିଲ୍ଲା) ରେ ପ୍ରବଳରୁ ଅତିପ୍ରବଳ ବର୍ଷା ହେବ। ପୁରା ଓଡିଶା ପାଇଁ ରେଡ ଆଲର୍ଟ ଜାରି ହୋଇଥିବା ଆର କେ ଜେନାମଣି କହିଛନ୍ତି। ବର୍ଷା ପ୍ରଭାବରେ ତେଲ, ଜିରା, ବୁଢାବଳଙ୍ଗ, ବୈତରଣୀ, ମହାନଦୀ ଓ ସୁବର୍ଣ୍ଣରେଖା ପ୍ରମୁଖ ନଦୀ ଉଛୁଳି ବଡ଼ ବନ୍ୟା ଆଣିବା ସମ୍ଭାବନା ରହିଛି ବୋଲି ସେ କହିଛନ୍ତି। ଏହାସହ ଲୋକଙ୍କୁ ସତର୍କ ରହିବାକୁ ସେ ଅନୁରୋଧ କରିଛନ୍ତି।
