ଅର୍ଗସ ବ୍ୟୁରୋ: ୨୦୨୫-୨୬ ଆର୍ଥିକ ବର୍ଷ ଲାଗି ବଜେଟ୍ ଆଗତ କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ନିର୍ମଳାଙ୍କ ବଜେଟ୍ ଉପରେ ସମସ୍ତଙ୍କ ନଜର ରହିଥିବା ବେଳେ କୃଷକଙ୍କ ପାଇଁ ହୋଇଛି ଘୋଷଣା । ବଜେଟ୍‌ରେ ନିର୍ମଳା କୃଷକଙ୍କ ପାଇଁ ବଡ଼ ଘୋଷଣା କରିଛନ୍ତି । କିଷାନ କ୍ରେଡିଟ୍ କାର୍ଡର ଲିମିଟ୍ ୫ ଲକ୍ଷ ଟଙ୍କାକୁ ବୃଦ୍ଧି ପାଇଛି ।

ବଜେଟ୍ ଆରମ୍ଭରୁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ପ୍ରଧାନମନ୍ତ୍ରୀ ଧନଧାନ୍ୟ ଯୋଜନାର ଘୋଷଣା କରିଛନ୍ତି । ଏଥିସହ କିଷାନ କ୍ରେଡିଟ୍ କାର୍ଡର ଲିମିଟ୍ ବଢ଼ାଇଛନ୍ତି । ପୂର୍ବରୁ କିଷାନ କ୍ରେଡିଟ୍ କାର୍ଡର ଲିମିଟ୍ ୩ ଲକ୍ଷରୁ ୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି । 

ପିଏମ୍ ଧନ ଧାନ୍ୟ କୃଷି ଯୋଜନା ରାଜ୍ୟ ସହଭାଗିତାରେ ଆରମ୍ଭ ହେବ । ଦେଶର ୧୦୦ ଜିଲ୍ଲାରେ ଏହା କାର୍ଯ୍ୟକାରୀ କରାଯିବ । କମ ଫସଲ ଉତ୍ପାଦନ ହେଉଥିବା ଜିଲ୍ଲାରେ କାର୍ଯ୍ୟକାରୀ ହେବ ପିଏମ୍ ଧନ ଧାନ୍ୟ କୃଷି ଯୋଜନା ।

ଶନିବାର ସଂସଦରେ ବଜେଟ୍ ଆଗତ ପୂର୍ବରୁ ସରକାର ଶୁକ୍ରବାର ଆର୍ଥିକ ସର୍ବେକ୍ଷଣ ରିପୋର୍ଟ ୨୦୨୪-୨୫ ଜାରି କରିଥିଲେ । ଉକ୍ତ ତଥ୍ୟ ଅନୁସାରେ, ଏବେ ଦେଶରେ ୭.୭୫ କୋଟି କିଷାନ କ୍ରେଡିଟ୍ କାର୍ଡ ଧାରୀ ରହିଛନ୍ତି ।

କିଷାନ କ୍ରେଡିଟ୍ କାର୍ଡ କଣ ?

କିଷାନ କ୍ରେଡିଟ୍ କାର୍ଡ କୃଷକଙ୍କୁ ଲାଭ ଦେବା ଲାଗି ଆରମ୍ଭ ହୋଇଥିଲା । ଏହି କାର୍ଡ ଜରିଆରେ କୃଷକଙ୍କୁ କମ ସୁଧରେ ଋଣ ମିଳିଥାଏ । ଏହି ଯୋଜନାର ଆରମ୍ଭ ୧୯୯୮ରେ ଆରମ୍ଭ କରିଥିଲେ ଭାରତ ସରକାର, ଆରବିଆଇ ଓ ନାବାର୍ଡ । ଯାହାକୁ କିଷାନ କ୍ରେଡିଟ୍ କାର୍ଡ ନାଁ ଦିଆ ଯାଇଥିଲା । ଏଥିରେ ଚାଷ ସହ ମାଛ ଚାଷ ଓ ପଶୁପାଳନ କରୁଥିବା ଚାଷୀ ଋଣ ନେଇ ପାରିବେ ।