ଗୋଟିଏ ମାସରେ ଏଟିଏମ୍‌ର ବ୍ୟବହାର କେତେ ଥର କରି ପାରିବେ ? ଏହାକୁ ନେଇ ବିଭିନ୍ନ ବ୍ୟାଙ୍କର ଭିନ୍ନ ଭିନ୍ନ ନିୟମ ରହିଛି । ଅଧିକାଂଶ ବ୍ୟାଙ୍କ ମେଟ୍ରୋ ସହରରେ ୩ ଥର ମାଗଣା ଏଟିଏମ୍ ବ୍ୟବହାରକୁ ଅନୁମତି ଦେଉଥିବା ବେଳେ ଅଣ ମେଟ୍ରୋ ସହରରେ ଏହା ୫ ଥର । ଅର୍ଥାତ୍ ଏହି ଲିମିଟ୍ ଅତିକ୍ରମ କଲେ ଗ୍ରାହକଙ୍କୁ ଟଙ୍କା ଦେବାକୁ ପଡ଼ୁଛି ।

ବିଭିନ୍ନ ରାଷ୍ଟ୍ରାୟତ୍ତ ବ୍ୟାଙ୍କର ଭିନ୍ନ ନିୟମ ଭିତରେ ଦେଶର ସବୁଠାରୁ ବଡ଼ ବ୍ୟାଙ୍କ ଷ୍ଟେଟ ବ୍ୟାଙ୍କ୍ ଅଫ୍ ଇଣ୍ଡିଆ ତାର ଗ୍ରାହକଙ୍କୁ ଦେଇଛି ଖୁସି ଖବର । ଏସ୍‌ବିଆଇ ତାର ଗ୍ରାହକଙ୍କ ଲାଗି ଏଟିଏମ୍ ଟ୍ରାଞ୍ଜାକ୍ସନ୍ ଚାର୍ଜେସ ଓ ଫ୍ରି ଏଟିଏମ୍ ୟୁଜ୍ ଲିମିଟି ବଢ଼ାଇ ଦେଇଛି । ଆଉ ବ୍ୟାଙ୍କର ଏହି ନିୟମ ଲାଗୁ ହୋଇ ସାରିଛି ।

ଫି ଷ୍ଟ୍ରକଚର୍‌କୁ ସୁବ୍ୟବସ୍ଥିତ ଓ ଡିଜିଟାଲ୍ ବ୍ୟାଙ୍କିଂକୁ ପ୍ରୋତ୍ସାହିତ କରିବାକୁ ନିଷ୍ପତ୍ତି ନେଇଛି ଭାରତୀୟ ଷ୍ଟେଟ ବ୍ୟାଙ୍କ । ଯାହା ଦ୍ଵାରା ଏସ୍‌ବିଆଇ ଓ ଅନ୍ୟ ବ୍ୟାଙ୍କ ଏଟିଏମ୍‌ରେ ଆର୍ଥିକ ଓ ଅନ୍ୟ ସେବା ପ୍ରଭାବିତ ହେବ ।

ଆକାଉଣ୍ଟରେ ଲକ୍ଷେ ଥିଲେ ଅନଲିମିଟେଡ୍ ଦେଣନେଣ ମାଗଣା

* ଏସ୍‌ବିଆଇର ନୂଆ ପଲିସି ଅନୁସାରେ, ସମସ୍ତ ମେଟ୍ରୋ ଓ ନନ-ମେଟ୍ରୋ ଗ୍ରାହକ ଏଣିତି ପ୍ରତି ମାସରେ ଏସ୍‌ବିଆଇ ଏଟିଏମରୁ ୫ ଥର ଓ ଅନ୍ୟ ବ୍ୟାଙ୍କ ଏଟିଏମ୍‌ରେ ୧୦ଥର ଦେଣନେଣ କରି ପାରିବେ ।

* ୨୫ ହଜାରରୁ ୫୦ ହଜାର ଟଙ୍କା ମଧ୍ୟରେ ହାରାହାରି ମାସିକ ବ୍ୟାଙ୍କ ଜମା ରଖୁଥିବା ଗ୍ରାହକ ଅନ୍ୟ ବ୍ୟାଙ୍କର ଏଟିଏମ୍‌ରେ ୫ ଥର ମାଗାଣା ଟ୍ରାଞ୍ଜାକ୍ସନ୍ କରି ପାରିବେ ।

* ହାରାହାରି ମାସିକ ୧ ଲକ୍ଷରୁ ଅଧିକ ଟଙ୍କା ଆକାଉଣ୍ଟରେ ଜମା ରହୁଥିଲେ ଏସ୍‌ବିଆଇ ଓ ଅନ୍ୟ ବ୍ୟାଙ୍କ ଏଟିଏମ୍‌ରେ ଆପଣ ଅନଲିମିଟେଡ୍ ମାଗଣା ଦେଣନେଣର ଲାଭ ଉଠାଇ ପାରିବେ ।

ମାସିକ ମାଗଣା ଦେଣନେଣ ପରେ ୧୫ଟଙ୍କା ସହ GST

ମାସିକ ମାଗଣା ଏଟିଏମ୍ ଦେଣନେଣ ସୀମା ପରେ ଏସ୍‌ବିଆଇ ଏଟିଏମ୍‌ରେ ପ୍ରତି ଟ୍ରାଞ୍ଜାକ୍ସନ ପାଇଁ ୧୫ ଟଙ୍କା+ ଜିଏସଟି ଚାର୍ଜ ଦେବାକୁ ପଡ଼ିବ । ଅନ୍ୟ ବ୍ୟାଙ୍କରେ ମାସିକ ମାଗଣା ଲିମିଟ୍ ପରେ ଏଟିଏମ୍ ଟ୍ରାଞ୍ଜାକ୍ସନ ପିଛା ୨୧ ଟଙ୍କା + ଜିଏସଟି ଟାର୍ଜ ଲାଗିବ । ତେବେ ଆକାଉଣ୍ଟ ବାଲାନ୍ସ ଯାଞ୍ଚ ଲାଗି ଫ୍ରି ଲିମିଟ୍ ପରେ ବି ଏସ୍‌ବିଆଇରେ କୌଣସି ଦେୟ ଦେବାକୁ ପଡ଼ିବନି । ଫ୍ରି ଲିମିଟ୍ ପରେ ଅନ୍ୟ ବ୍ୟାଙ୍କରେ ମିନି ଷ୍ଟେଟମେଣ୍ଟ ପାଇଁ ୧୦ ଟଙ୍କା + ଜିଏସଟି ଦେବାକୁ ପଡ଼ିବ ।

Argus News | argus news | -Argusnews Home: Odisha Latest News, Breaking News, Trending News, Live TV and more