PF Update / PFରେ ବଡ଼ ପରିବର୍ତ୍ତନ: ୨୦ ହଜାର ବେସିକ୍ ସାଲାରୀ ଥିଲେ କ’ଣ ହେବ ?

ଯଦି ଆପଣଙ୍କ ବେସିକ୍ ସାଲାରୀ ୧୫,୦୦୦ରୁ ଅଧିକ ଏବଂ ଏପର୍ଯ୍ୟନ୍ତ କେବଳ EPF ଅର୍ଥାତ୍ କର୍ମଚାରୀ ଭବିଷ୍ୟ ନିଧିରେ ଯୋଗଦାନ କରୁଥିଲେ, କିନ୍ତୁ EPS ଅର୍ଥାତ୍ କର୍ମଚାରୀ ପେନ୍ସନ୍ ଯୋଜନାର ଦାୟରାରେ ନଥିଲେ, ତେବେ ଏହି ଖବର ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ ।

ଅକ୍ଟୋବର ୨୦୨୬ରୁ ସରକାର ୱେଜ୍ ସିଲିଂ ବା ବେତନ ସୀମାକୁ ୧୫,୦୦୦ରୁ ବଢ଼ାଇ ୨୫,୦୦୦ କରିବାକୁ ଯାଉଛି । ଏହି ପରିବର୍ତ୍ତନ ଫଳରେ କିଛି କର୍ମଚାରୀଙ୍କ ପାଇଁ ନିଯୁକ୍ତିଦାତାଙ୍କ PF ଯୋଗଦାନର ବଣ୍ଟନରେ ପରିବର୍ତ୍ତନ ହୋଇପାରେ ।

ପୂର୍ବରୁ କ’ଣ ନିୟମ ଥିଲା ?
ସେପ୍ଟେମ୍ବର ୨୦୧୪ ପରେ ଯେଉଁ କର୍ମଚାରୀଙ୍କ ବେସିକ୍ ସାଲାରୀ ୧୫,୦୦୦ରୁ ଅଧିକ ଥିଲା ଏବଂ ଯେଉଁମାନେ ସେହି ସମୟ ପରେ ଚାକିରିରେ ଯୋଗ ଦେଇଥିଲେ, ସେମାନେ ସାଧାରଣତଃ EPSର ଅନିବାର୍ଯ୍ୟ ସଦସ୍ୟ ହେଉନଥିଲେ । ଏପରି କ୍ଷେତ୍ରରେ କର୍ମଚାରୀଙ୍କ ୧୨% ଯୋଗଦାନ ଏବଂ ନିଯୁକ୍ତିଦାତାଙ୍କ ୧୨% ଯୋଗଦାନର ସମ୍ପୂର୍ଣ୍ଣ ଅଂଶ EPF ଖାତାକୁ ଯାଉଥିଲା ।

ଏବେ କ’ଣ ବଦଳିବ ?
ନୂଆ ବ୍ୟବସ୍ଥାରେ ୱେଜ୍ ସିଲିଂ ୨୫,୦୦୦ ହେବା ପରେ ଏହି ସୀମା ମଧ୍ୟରେ ଥିବା ଅଧିକ କର୍ମଚାରୀ EPSର ଦାୟରାରେ ଆସିପାରନ୍ତି । ଅର୍ଥାତ୍, ଯଦି ଆପଣଙ୍କ ବେସିକ୍ ସାଲାରୀ ୨୦,୦୦୦ ତେବେ ନିଯୁକ୍ତିଦାତାଙ୍କ ୧୨% ଯୋଗଦାନର ଏକ ଅଂଶ EPSକୁ ଏବଂ ବାକି ଅଂଶ EPFକୁ ଯାଇପାରେ ।

୨୦,୦୦୦ ବେସିକ୍ ସାଲାରୀରେ କେତେ ଟଙ୍କା ଯିବ ?
ଧରନ୍ତୁ ଆପଣଙ୍କ ବେସିକ୍ ସାଲାରୀ ମାସକୁ ୨୦,୦୦୦ ।
କର୍ମଚାରୀଙ୍କ ୧୨% ଯୋଗଦାନ:
୨୦,୦୦୦ × ୧୨% = ୨,୪୦୦
ଅର୍ଥାତ୍ ଆପଣଙ୍କ ସାଲାରୀରୁ ୨,୪୦୦ ଯୋଗଦାନ ହେବ ।
ଅନ୍ୟପଟେ, ନିଯୁକ୍ତିଦାତାଙ୍କ ୧୨% ଅଂଶରୁ ୮.୩୩% ହିସାବରେ ପ୍ରାୟ:
୨୦,୦୦୦ ×୮.୩୩% = ୧,୬୬୬

EPSକୁ ଯାଇପାରେ ।
ବାକି ପ୍ରାୟ ୭୩୪ ନିଯୁକ୍ତିଦାତାଙ୍କ ଅଂଶରୁ EPFକୁ ଯାଇପାରେ ।
ସହଜ ଭାଷାରେ ବୁଝନ୍ତୁ
- କର୍ମଚାରୀଙ୍କ ଯୋଗଦାନ: ୨,୪୦୦
- ନିଯୁକ୍ତିଦାତାଙ୍କ EPS ଅଂଶ: ପ୍ରାୟ ୧,୬୬୬
- ନିଯୁକ୍ତିଦାତାଙ୍କ EPF ଅଂଶ: ପ୍ରାୟ ୭୩୪
- EPS ପାଇଁ କର୍ମଚାରୀଙ୍କୁ ଅଲଗା ଭାବେ ୧,୬୬୬ ଦେବାକୁ ପଡ଼ିବ ନାହିଁ। ଏହି ଅଂଶ ନିଯୁକ୍ତିଦାତାଙ୍କ 12% ଯୋଗଦାନରୁ ଯିବ ।

EPF ଖାତାରେ କମ୍ ଟଙ୍କା କାହିଁକି ଦେଖାଯାଇପାରେ ?
ଯଦି ପୂର୍ବରୁ ନିଯୁକ୍ତିଦାତାଙ୍କ ସମ୍ପୂର୍ଣ୍ଣ ୨,୪୦୦ EPF ଖାତାକୁ ଯାଉଥିଲା, ତେବେ EPS ଲାଗୁ ହେବା ପରେ ଏହାର ଏକ ଅଂଶ ପେନ୍ସନ୍ ଫଣ୍ଡକୁ ଯିବ । ଫଳରେ ପ୍ରତିମାସ ଆପଣଙ୍କ EPF ଖାତାରେ ଜମା ହେଉଥିବା ନିଯୁକ୍ତିଦାତାଙ୍କ ଅଂଶ କିଛିଟା କମ୍ ଦେଖାଯାଇପାରେ। କିନ୍ତୁ ଏହା ବଦଳରେ ଆପଣ EPS ଅଧୀନରେ ପେନ୍ସନ୍ ସୁବିଧା ପାଇଁ ଯୋଗ୍ୟ ହୋଇପାରନ୍ତି ।

ସେପ୍ଟେମ୍ବର 2026ର ହିସାବ କ’ଣ ହେବ ?
ସେପ୍ଟେମ୍ବର ୨୦୨୬ ମାସ ପାଇଁ ECR କ୍ୟାଲକୁଲେସନ୍‌କୁ ଦୁଇ ଭାଗରେ କରାଯିବ ବୋଲି ଏହି ତଥ୍ୟରେ କୁହାଯାଇଛି।
ପ୍ରଥମ ଭାଗ: ୧ ସେପ୍ଟେମ୍ବରରୁ ୧୬ ସେପ୍ଟେମ୍ବର  ୧୬ ଦିନ
ଦ୍ୱିତୀୟ ଭାଗ: ୧୭ ସେପ୍ଟେମ୍ବରରୁ ୩୦ ସେପ୍ଟେମ୍ବର ୧୪ ଦିନ
ଏହା ପରେ ୧ ଅକ୍ଟୋବର ୨୦୨୬ରୁ ୧୫,୦୦୦ର ନୂଆ ୱେଜ୍ ସିଲିଂ ଅନୁଯାୟୀ EPF ଓ EPS ଯୋଗଦାନ ଲାଗୁ ହେବ ବୋଲି ଦାବି କରାଯାଇଛି।
ତେବେ ସେପ୍ଟେମ୍ବରର ୧୬+୧୪ ଦିନର ବିଭାଜନ ଏବଂ ଏହାର ECR କ୍ୟାଲକୁଲେସନ୍ ସମ୍ପର୍କିତ ନିର୍ଦ୍ଦିଷ୍ଟ EPFO ନିର୍ଦ୍ଦେଶ ଆଧାରରେ ହିଁ ଅନ୍ତିମ ହିସାବ କରାଯିବା ଉଚିତ ।

ଯଦି ଆପଣଙ୍କ ବେସିକ୍ ସାଲାରୀ ୨୦,୦୦୦ ତେବେ କର୍ମଚାରୀ ଭାବେ ଆପଣଙ୍କ ୧୨% ଯୋଗଦାନ ୨,୪୦୦୦ରହିବ । ନୂଆ ବ୍ୟବସ୍ଥାରେ ନିଯୁକ୍ତିଦାତାଙ୍କ ଯୋଗଦାନର ଏକ ଅଂଶ ପ୍ରାୟ ୧,୬୬୬ EPSକୁ ଏବଂ ପ୍ରାୟ ୭୩୪ EPFକୁ ଯାଇପାରେ ।

ଅର୍ଥାତ୍ EPS ପାଇଁ ଆପଣଙ୍କ ସାଲାରୀରୁ ଅଲଗା ଭାବେ ୧,୬୬୬ କଟିବ ନାହିଁ । ଏହା ନିଯୁକ୍ତିଦାତାଙ୍କ ଅଂଶରୁ ଯିବ। ଏହି ପରିବର୍ତ୍ତନ ଫଳରେ EPFରେ ମାସିକ ଜମା ହେଉଥିବା ରାଶି କିଛି କମ୍ ଦେଖାଯାଇପାରେ, କିନ୍ତୁ EPS ଅଧୀନରେ ପେନ୍ସନ୍ ସୁବିଧାର ଦାୟରା ବଢ଼ିପାରେ ।